Ez 7:2 - Chuj San Sebastian Bible

² Ach 'anma', an Jehová in, Yajl in, an tzwal 'ixtc 'a yib'n̈ chon̈b' Israel: A ticnec, wal sc'och sc'ul slajw 'el yolyib'n̈q'uinl tic, wal satl lum lum tic.

Chuj San Mateo Bible

² Ach anima, a in val Jehová Yajal in, a in sval d'a chon̈ab' Israel icha tic: Toxo ix c'och slajvub', toxo ix c'och slajvub'al lum luum smasanil.

Ez 7:2 Iomraidhean Croise

Gn 6:13

Yuj cha, xyaln Dios 'ixtc 'a win Noé: Tox 'ix in na ticnec, to 'oj in satl smasnil eb' 'anma', yuj eb', tzlaj niwtj maysch'olnil 'a yolyib'n̈q'uinl tic.

2 Cr 34:7

A yic 'ix lajw sma'n poj jun tzo'n̈ yet'l xajmb'al, jun tzo'n̈ sch'oxnb'il Aserá cha, jun tzo'n̈ yechl tzeyb'il b'o'oc, yet' pax smasnil jun tzo'n̈ xo yechl 'a smasnil yol yic Israel, 'ixta to b'i'an, 'ix paxx cot 'a Jerusalén.

Is 47:7

'Ix aln 'ixtic: An tic yajl in 'a smasnil tiempo, xa chi. May wal jac xa na 'a yib'n̈ jun tzo'n̈ tic, ma'ix nachj 'el o'oj tas 'oj aj 'el'chi.

Jeremías 12:4

¿B'a'n̈ wal 'oj 'och wan stacj lum lum tic, yet' te c'ultc tzlo e no noc'? A e no noc', yet' e no ch'ic, wan laj scham e no yuj smaysch'olnilal eb' 'anma 'a jun nacion̈ tic. A snan eb' to matz el tas tzb'o eb', xin chi 'a Dios.

Jeremías 5:31

Cojn 'es tzyal-l eb' tzcob' yalch sb'a in checb'oc. Ax eb' ya'mal 'och sti eb' 'anma 'ayin, tzyac' eb' yajlil 'icha tas tznib'ej. Ax jun in chon̈b' tic, wach' tzyab' 'ixta'. Palta ¿tas wal 'oj yutc sb'a eb', yic 'oj jawc jun slajb' tiempoal? xchi Dios.

Jeremías 51:13

Ax wal ax tic ex 'aj Babilonia, a 'a sti eb' a niwc a cajn ex, yuj cha, caw wal niwc rico ex. Palta 'ix c'och stiempoal e satl 'a jun 'ejmn̈ej.

Lm 1:9

A smul eb' 'anma cha, caw wal checl yaji; palta may tas tzna eb' toto 'ay tas wan sjaw 'a yib'n̈ eb'. Caw wal satjub'tac x'aj slajw 'el schon̈b' eb'; may xon mach x'a'n sniwnal sc'ojl eb'. Yuj cha, tzyaln eb' 'ixtic: Mamin Jehová, 'ilt on̈ cot yet' wal qui yailal on̈, a eb' 'ajc'ojl yajch 'ayn̈ on̈, caw wal xyac' eb' sgana on̈ satn 'el on̈, xchi eb'.

Lm 4:18

Caw 'aych sat eb' 'ajc'ojl chi 'ayn̈ on̈, 'aj tzlaj on̈ 'eq'ui. Man̈xtzac stac' xon quel 'a yol caye yuj eb' on̈, a ticnec b'i'an, xc'och sc'ul qui lajw 'el on̈, wal qui cham tic on̈.

Ez 11:13

Ya' sb'a wanto waln jun tzo'n̈ tic, ax xwiln win Pelatías yunnal Benaías 'ix cham winac. Yuj cha, in 'em cumn 'a sat lu'um, 'ix 'el waw, 'ix waln 'ixtc 'a Jehová: Mamin, ¿tom 'oj a wach' satc 'el jaywn̈ xo eb' wit israelal 'ix cob' can tic? xin chi 'a 'a.

Ez 12:22

Ach 'anma', ¿tas yuj tzyal eb' et israelal jun spaxti tic? 'Ipn yec' tiempo, ax tas alb'il can yuj eb' schecb' Dios, 'in matz 'el'chi, xchi jun spaxti eb' cha.

Ez 21:2

Ach 'anma', meltzjan̈ 'at q'ueln 'a stojlal chon̈b' Jerusalén, tzaln 'at a paxti 'a yib'n̈ jun tzo'n̈ yatutal 'aj tzyal sb'a eb' 'anma'. Tzaln yab' eb' et israelal to 'ay tas 'oj jawc 'a yib'n̈ eb'.

Ez 21:25

Ach sreyl Israel, tecb'il ach, caw may a ch'olnil. A ticnec xc'och sc'ul ajx 'och 'a yol sc'ab' yailal yuj a mul.

Ez 21:7

Toto tzc'anb'j eb' 'ixtc 'ayach: ¿Tas yuj tzach 'oq'ui? toto xchi eb', al 'a eb' 'ixtic: 'Ay wal jun 'ab'x xwab'i, to 'ay wal jun tas wan sjawi. Smasnil 'anma', 'oj 'el spixn yuj xiwlal, 'oj 'el yip sc'ab' eb'. Toc 'ayt mach te'n 'oj yutc sb'a, c'uxn 'oj 'ib'xoc chan̈ spenc eb' yuj xiwlal cha. Caw wal la'n xo yaji, man̈x najtloc tiempo, xchi Dios, xa chi 'a eb', xchi 'ayin.

Ez 35:5

Yujto ach tic toxn to 'ajc'ojl xon ajch 'a eb' israel, a lajjnac 'el eb' yet' owal yic 'aych eb' 'a syailal yuj smul.

Ez 7:1

'Ix yaln pax Jehová 'ayn 'ixtic:

Ez 7:3

Ax israel ex tic, xc'och sc'ul e lajw 'eli, wal scot yowl in c'ojl 'a eyib'n̈ tic. 'Oj ex in b'eyc'ojloc yuj tas maysch'olnil tzlaj e b'o'. 'Oj wa'ch eyailal yuj e b'eyb'al yajb'entac.

Jl 1:15

¡'Oltacn̈ec, caw la'nxoj sjaw jun c'u yic yowl sc'ojl Jehová! Atn jun c'u caw 'ay smay yic 'oj satl smasnil nacion̈ yuj Dios tztac' yuj smasnil.

Am 8:10

A e q'uin̈ tzlaj eya'chi, 'oj wac' meltzjoc 'och cusc'ojlal 'ayex. Ax e b'it tzlaj e b'itnoc, a 'oj 'ochcn 'oc'lal 'ayx yuj chamel. Axn̈ej pichl yic cusc'ojlal 'oj eya'chi, ax e joxn 'el xil e jolom, yuj e ch'oxn 'el e cusc'ojlal. 'Oj eyoc' 'icha junc mach tz'oc' yuj schamlil jun c'otc yunnal, caw man̈ wach'c 'oj 'aj slajw c'och smasnil.

Am 8:2

'Ix sc'anb'n 'ayn 'ixtic: —¿Tas tzel Amós? xchi. —Tzwil jun xuc sat 'awb'ente caw 'e'm xo, xin chi 'a 'a. Xlajw cha, xyaln Jehová 'ayn 'ixtic: —A chon̈b' Israel, caw x'e'max yet' smul, yuj cha, man̈x 'oj wac' niwnc'ojlal jun 'ejm xo.

Mt 24:6

'Oj eyab' yoch jun tzo'n̈ niwc owal, ax eyab'n speclal jun tzon̈ xo 'ijn 'oj 'ochoc. Palta man̈ ex xiwoc, yujto yowlal 'ixta 'oj 'ajoc, palta mantoc a slajb' cha.

Dt 32:20

'Ix yaln Jehová 'ixtic: ¡'Oj wel ch'umn 'a eb' 'anma cha! ¡'Oj wila' tas 'oj yutc sb'a eb'! ¡Wal yel a jun tzo'n̈ 'anma tic, caw maysch'olnil eb', matz tac' xon wa'n 'och eb' yipc in c'ojol!

A Sb'ab'el Carta San Pedro 4:7

A ticnec, jab'xoj 'oj lajwc 'ec' smasnil tas. Yuj cha, caw lista tzcutjec qui b'a. Te'n tzcutjec qui nab'en qui leslwi.

Apoc 20:8

C'uxn 'oj 'ec' yixtc paxti win eb' 'anma 'a junjn nacion̈ 'a yolyib'n̈q'uinal. 'Oj yixtc paxti jun Gog sb'i yet' jun Magog. Ax jun tzo'n̈ soldado yic Gog yet' Magog cha, 'oj yac' win Satanás syam sb'a eb' yuj owal. Ax eb' soldado cha, caw niwn eb' 'icha yarenail sti a mar.

Apoc 7:1

Xlajw cha, xwilni, 'ay chan̈wn̈ ángel. Lin̈n 'ec' junjn eb' 'a junjn yisquinyoal yolyib'n̈q'uinal. Ax chan̈e 'ic', macb'il 'och wan yuj eb'. Yuj cha, man̈x 'a jac 'ic' x'ec' 'a sat lu'um, yet' 'a yib'n̈ a mar. Toxn man̈x 'a junc te te x'ib'x xon jab'oc.