Ez 5:6 - Chuj San Sebastian Bible

⁶ Caw wal 'ix 'och eb' 'aj Jerusalén chi 'ajc'ojlal 'a in ley yet' 'a jun tzo'n̈ in checnb'il, yel xo wal tu xyutj sb'a eb' 'a yib'n̈ jun tzo'n̈ xo nacion̈ oyn 'och 'a stz'ey, ma'ix syiclj eb' in ley yet' in checnb'il.

Chuj San Mateo Bible

⁶ Palta a eb' aj Jerusalén chi', yelxo val ix spatiquejel in c'ayb'ub'al eb' yed' in checnab'il, yelxo val chuc eb' d'a yichan̈ eb' anima d'a juntzan̈ nación ay d'a slac'anil eb' chi', yujto maj sc'anab'ajej in c'ayb'ub'al chi' eb', maj sb'eyb'alej pax in checnab'il eb'.

Ez 5:6 Iomraidhean Croise

A Ch'an̈ Schab'il Libro Yic Yab'ixal Eb' Rey 21:11

to a Manasés sreyl Judá, caw yel xo 'ec'b'al maysch'olnil x'el sb'on 'a yib'n̈ eb' amorreo, atn eb' 'e'nc 'a yaln̈taxi, ax xjucb'tzan eb' yit chon̈b' chi 'a maysch'olnil, yic tzya'n 'ejm sb'a eb' 'a jun tzo'n̈ yechel.

A Ch'an̈ Schab'il Libro Yic Yab'ixal Eb' Rey 21:9

Palta ma'ix schaj xon eb' yab'i'. A wal Manasés 'ix jucb'tzan eb' sb'on maysch'olnil, yel xo 'ec'b'al stul 'a yib'n̈ sb'eyb'al jun tzo'n̈ xo nacion̈ satjnac 'el Jehová.

Nehemías 9:34

A eb' qui reyl on̈, eb' qui yajlil on̈, eb' ya'mal 'och qui ti 'ayach, eb' qui mam quichm on̈, ma'ix syiclj eb' a ley, ma'ix chaj eb' yab' tas 'ix alx 'a eb'.

Nehemías 9:35

Palta ax wal x'aji, a 'a yol smacb'en eb' 'aj 'ix cani, til wal tas 'ix yac' slum eb', yujto caw 'ay syaxil sat lu'um, palta ma'ach yac' servil eb', ma'ix sjel eb' sb'eyb'al.

Salmos 106:20

'Ixta xyutj eb' yactn yaln sb'a 'ayach, ax 'a jun yechl wacx to lom c'ultac, ata 'ix yac' 'ejm sb'a eb'.

Salmos 78:10

Ma'ix syiclj eb' strato yet' Dios, ma'ix snib'j xon eb' syiclj scuynb'il.

Ex 16:28

Yuj cha, xyaln Jehová 'a Moisés 'ixtic: —Yel xo wal matz eyiclj in checnb'il yet' in ley. ¿B'a'n̈ wal 'oj eyoch wan eya'n tenmtacl 'ayin?

Jeremías 11:10

'Ix 'atcn eb' 'a maysch'olnil sb'ojnac eb' e mam eyicham. Atn eb' chi ma'ix yiclni tas 'ix wala, ax 'a jun tzo'n̈ comn dios 'aj 'ix ya'ch eb' snab'en, ata xyal sb'a eb'. A eb' 'aj Israel, ma'ix syiclj eb' in trato wa'jnac can yet' eb' e mam eyicham, an̈jtona eb' 'aj Judá, 'ixta 'ix yutj sb'a eb' jun xo.

Jeremías 5:3

'Ix waln 'a 'ixtic: Mamin, a wal mach tza sayq'ui, atn wal eb' 'anma caw yeln̈j tas tzyala. 'Ix a'ch wal yailal 'a yib'n̈ eb' a chon̈ab', palta may jac yel'ch 'a sat eb'. Xlaj a'ch syailal eb', palta ma'ix nachj 'el yuj eb'. Yel xo wal pit snab'en eb', 'ec'b'al stzatzl snab'en eb' 'a yib'n̈ q'uen q'ue'en. Ma'ix snib'j xon eb' xyactjcan stu b'eyb'al, xin chi.

Jeremías 8:5

Palta ax xo tic ex 'aj Israel ¿tas yuj tzeyij 'el e b'a 'ayn 'a jun 'ejmn̈ej? Ex 'aj Jerusalén, ¿tas yuj man̈xtzac ex meltzj cot 'ayin? ¿Tas yuj tzeya'ch e b'a eyixtn eb' 'anma'? Caw man̈xtzac tze nib'j tzex meltzj cot pax 'ayin.

Jeremías 9:6

A wal et'l 'aj cajn ach 'eq'ui, ata 'ayc' 'a scal eb' tz'ixtn eb' 'anma'. Yujto caw tzya'ch eb' sc'ojl yixtn yit 'anma'il, yuj cha, caw man̈xtzac snib'j eb' tzin yalch sDiosaloc.

Ez 11:12

ax eyojcan 'eli, to an ton Jehová in. Ma'ix eyiclj in ley yet' in checnb'il, a sb'eyb'al jun tzo'n̈ xo nacion̈ 'ay 'a e la'nil, a xe b'eylb'ej, xchi Dios, xin chi 'a eb'.

Ez 16:51

Ax Samaria, ma'ix q'ue'ch 'a spacl sayn smulc 'icha Jerusalén cha. Yujto yel xo wal x'ec' 'a yib'n̈ sb'on tas yajb'entac 'a yib'n̈ eb' 'ay 'a sla'nil cha; tu 'ix yal 'a eb', palta wach' to wal eb' jab'x 'a yib'an̈.

Dn 9:15

Ach qui Diosal, Cajlil ach. 'Ix a ch'ox wal a poder yic 'ix e'n 'elt eb' qui mam quichm 'a lum Egipto on̈. Caw ach b'inax 'a yic jun tiempoal cha, masnto ticnec. Palta an̈ xo tic on̈, 'ix 'ochx qui mul on̈, cojn maysch'olnil tzqui b'o on̈.

Dn 9:5

Caw x'och qui mul on̈ yet' qui tenmtacl 'ayach. Cojxn̈ej maysch'olnil xqui b'o on̈, man̈x ach nanoc cuj on̈. 'Ix qui patquiln can 'el a checnb'il on̈ yet' pax a ley.

Dn 9:8

An̈ tic on̈ Mamin Jehová, caw lajn on̈n̈ej 'icha eb' qui reyl on̈, eb' yajl yaj 'a qui cal on̈, yet' pax eb' qui mam quichm on̈. Caw wal q'uixweltac quec' tzcab' on̈, yujto x'och qui mul 'aych on̈.

Zacarías 7:11

Palta ma'ix yal sc'ojl eb' chon̈b' chi syiclej. Chuc 'aj q'ueln can 'at eb' smasnil, 'icha to chacn̈ xyutj sb'a eb'.

1 Co 5:1

'Ix wab'i, to 'ay jun winc 'a e cal caw 'ajmul. Tolab' 'ix smontj 'el win schab'l nun yic'. A jun cha, caw maysch'olnil. 'Intax 'a scal eb' mant 'ojtnacoc Dios, may 'aj tzb'o eb' jun chi 'ixta'.

San Judas 1:4

Tzwalb't jun tzo'n̈ tic 'ayex, yujto 'ay eb' x'och 'a qui calc 'a c'ultaquil. Caw man̈ wach'c eb', yujto tzyal eb' 'ixtic: Colchjnacn̈ec xo yuj swach'c'ojlal Dios. Yuj cha, tzta'n̈j qui b'onec maysch'olnil 'icha tzqui nib'ej, xchi cob' eb'. An̈ec xo tic, cojxn Jesucristo tzon̈ 'a'nec mandar, cojxn Yajl yaj 'ayn̈ec. Palta ax eb' cha, caw tzpatquilj can 'el eb'. Tz'ib'b'il can yab'xil eb' 'a Ch'an̈ Un̈ 'a pecti', chajtlto yowlal 'oj 'atcn eb' 'a scal yailal.