Ez 48:1 - Chuj San Sebastian Bible

^1-7 An Jehová Yajl in, an tzwal jun tic: To a jun lum tic 'oj pojxoc 'ec' 'a junjn c'aj eb' yin̈tl Israel. 'Oj 'el yich spojx 'ec' lum 'a eb' 'a jun mon̈jon 'ay 'a stojlal norte, atn lum tzchaj 'el yich scot 'a sti a Mar Mediterráneo, tz'ec' lum 'a chon̈b' Hetlón, a 'aj tz'el yich smon̈jon chon̈b' Hamat masnto 'a chon̈b' Hazar-enán, jun tzcan 'a 'aj tzchaj 'el yich smon̈jonal chon̈b' Damasco yet' Hamat. A junjn 'in̈tal eb' israel cha, 'oj scha eb' junjn pachn̈ slum cha, 'oj cot lum 'a sti jun mon̈jon 'a stojlal 'aj tzq'uel c'u, masnto 'oj c'och lum 'a sti a Mar Mediterráneo: 'Oj b'ab'l can yic Dan, ax scan yic Aser, ax scan yic Neftalí, ax scan yic Manasés, ax scan yic Efraín, ax scan yic Rubén, ax scan yic Judá.

Chuj San Mateo Bible

^1-7 A stz'acan̈il Israel d'a norte, schael d'a a' mar Mediterráneo, tz'ec' d'a Hetlón yed' b'aj tz'och b'e d'a Hamat yed' d'a Hazar-enán, tz'ec' d'a stojolal sur d'a lum yic Damasco yed' Hamat chi'. Junjun macan̈ yin̈tilal Israel scha junoc macan̈ lum luum smacb'enoc, sb'at stz'acan̈il lum d'a stojolal b'aj sjavi c'u, masanto sc'och d'a a' mar Mediterráneo, d'a stojolal b'aj tz'em c'u. Icha tic ol aj schaan lum smacb'en eb' chi' d'a stzolal, schael yich d'a norte scotn̈ej d'a sur: Dan, Aser, Neftalí, Manasés, Efraín, Rubén yed' Judá.

Ez 48:1 Iomraidhean Croise

A Ch'an̈ Schab'l Libro Samuel 24:2

Yuj cha, 'ix yaln win rey 'ixtc 'a win Joab, yet' 'a jun tzo'n̈ xo eb' syajlil eb' soldado: —'Ec' 'ijec chan̈ sb'isl smasnil eb' winc tztac' yoch soldadoil 'a eb' yin̈tl Israel, sec 'ixta 'oj wutc wojcan 'eli, jantc eb'. Tze chaj cot 'a Dan 'a stojlal norte masnto tzc'och 'a Beerseba 'a stojlal sur, xchi 'a ewinac.

Ez 47:13

'Ix yaln Jehová 'ayn 'ixtic: Atn 'a tic 'oj c'och smon̈jonal smacl lum eb' yin̈tl Israel 'oj smacloc, atn lum wa'jnac in ti wa'n 'a eb' e mam eyichm pecti'. Lajnn̈ej tzeyutj e pojn 'ec' lum 'a junjn 'in̈tal. (A eb' yin̈tl José, chac'aj lum yic eb' chi 'oj 'ajxoc.) A jun nacion̈ tic, e macl lum yaji.

Ez 47:20

An̈jtona pax smon̈jonal 'a stojlal 'aj tz'em c'u, tz'atn̈j 'a sti a Mar Mediterráneo, a 'ay 'a smon̈jonal Egipto masnto 'a stojlal 'aj tz'el yich smon̈jonal lum chon̈b' Hamat.

Ez 47:23

A tzyal 'aja 'in̈tal ax israel ex tic 'aj cajn eb' chuc chon̈b'al cha, ata tzchaj eb' slum cha.