Ez 41:4 - Chuj San Sebastian Bible

⁴ 'Ix yechtan pax jun yojl 'och cha, lajn̈e metro junjn spac'b'il. Xlajw cha, xyaln 'ayn 'ixtic: A jun Lugar tic, cojn Dios 'ay yico', xchi 'ayin.

Chuj San Mateo Bible

⁴ Ix lajvi chi', ix yechtan jun cuarto chi' vin̈, 10 metro sat schan̈il pac'an̈. Ix yalan vin̈ d'ayin icha tic: A jun cuarto tic, Yicn̈ej Dios Yaji, xchi vin̈.

Ez 41:4 Iomraidhean Croise

A Ch'an̈ B'ab'el Libro Yic Yab'ixal Eb' Rey 6:16

An̈jtona', xya'n b'o jun cuarto 'a yol jun n̈a cha, 'a'nte c'ute 'ix 'och 'a 'a. Tzchaj 'el yich 'a sat lu'um, masnto 'ix q'ue'ch 'a yaln̈ patzab', b'aln̈e metro x'aj junjn spac'b'il. 'Ixtnta 'ix yutj ya'n b'o jun slugar Dios 'a yojol, atn jun Lugar cojn Dios 'ay yico'.

A Ch'an̈ B'ab'el Libro Yic Yab'ixal Eb' Rey 6:20

A jun Lugar to cojn Dios 'ay yico', b'aln̈e metro x'aj spac'b'il, b'aln̈e metro schiquin, b'aln̈e metro x'aj ste'il. Nab'a oro x'aj yojol, ax 'a yojltac 'elta, ata xyac' Salomón b'o jun yet'l xajmb'al b'ob'il yet' te c'ute', 'aych oro 'a 'a. 'Ix 'och q'uen cadena nab'a oro 'a spuertail.

A Ch'an̈ B'ab'el Libro Yic Yab'ixal Eb' Rey 6:5

'Ix ya'n 'ajxoc 'och yoyl jun tzo'n̈ cuarto 'a schapaq'uil 'a spatquil, yet' 'a schicn 'a spatquil yatut Dios cha.

A Ch'an̈ B'ab'el Libro Yic Yab'ixal Eb' Rey 7:50

'Ix ya'n pax b'o jun tzo'n̈ vaso, jun tzo'n̈ q'uen 'icha texlex, jun tzo'n̈ niwc 'uc'ab', jun tzo'n̈ niwc cuchara, yet' pax jun tzo'n̈ tz'ab'c'ac', to nab'a oro smasnil. Oro pax svisagreil spuertail jun Lugar to cojn Dios 'ay yico', yet' pax yic spuertail yatut Dios.

A Ch'an̈ B'ab'el Libro Yic Yab'ixal Eb' Rey 8:6

Xlajw cha, xyi'n 'och eb' ya'mal 'och sti eb' 'anma 'a Dios te scaxail strato Jehová chi 'a yol yatut Dios, masnto x'o'chch 'a jun Lugar to cojn Dios 'ay yico', 'a snan̈l yechl jun tzo'n̈ eb' querubín.

2 Cr 3:8

An̈jtona', 'ix ya'n b'o jun Lugar to cojn Dios 'ay yico'. 'Ix b'o 'a yojl cha. 'Ay b'aln̈e metro spac'b'il, lajn yet' slewnal sat yatut Dios cha, b'aln̈e metro pax schiquin. Xlajw cha, 'ix ya'n 'ajxoc 'och oro caw wal wach' 'a 'a, jab'xoj man̈ o'e'oc ciente quintal q'uen x'och 'a 'a.

2 Cr 5:7

Xlajw cha, 'ix 'at ya'nc 'och eb' ya'mal 'och sti eb' 'anma te caxa chi 'a yet'ul, 'a jun Lugar to cojn Dios 'ay yico', 'a yaln̈ sc'axl jun tzo'n̈ yechl querubín 'a yol yatut Dios cha.

Ez 41:23

A jun yatut Dios cha, yet' jun to yicn̈ej yaj sch'ocoj, cha'chb' yajch spuertail. A junjn puerta cha, chatc jen̈n pax yaj sb'o'i, a yic tzjacw junjn pac', tzecx scha sb'a yic junxn̈ej tz'ajcni.

Apoc 21:16

A jun chon̈b' cha, chan̈e yisquinyoal, lajnn̈ej spac'b'il schan̈il. Ax jun ángel cha, 'ix yechtan yet' yechtab' cha. Lajchwe mil estadio*f4* x'el'ch sb'isl yechtan junjn spac'b'il. 'Ixta pax sb'isl ste'il.