Ez 41:2 - Chuj San Sebastian Bible

² A spuertail, o'e metro sat; ax jun tzo'n̈ smarcoal sti puerta cha, nan̈lyoxl metro spiml jun jun. Xlajw cha, 'ix yechtan jun yojl cha, junc'l metro scal, ax lajn̈e metro sat.

Chuj San Mateo Bible

² Axo spuertail, oye' metro sat. Axo sattac ay d'a sti' puerta chi', nan̈al yoxil metro ayelta d'a junjun pac'an̈. Ix lajvi chi' ix yechtan pax jun b'ab'el cuarto chi' vin̈, 20 metro steel, 10 metro slevanil.

Ez 41:2 Iomraidhean Croise

A Ch'an̈ B'ab'el Libro Yic Yab'ixal Eb' Rey 6:17

Ax junx 'ay 'a yojltac 'elt jun yet'l Dios 'a yol jun n̈a cha, wajxclajn̈e metro 'ix 'aj spac'b'il.

A Ch'an̈ B'ab'el Libro Yic Yab'ixal Eb' Rey 6:2

A jun yatut Dios 'ix yac' b'o rey Salomón cha, 27 metro x'aj spac'b'il, b'aln̈e metro x'aj schiquin, nan̈l schan̈lajn̈il metro x'aj ste'il.

2 Cr 29:7

'Ix smacn eb' spuertail yatut cha, xyutz'n tup eb' jun tzo'n̈ cantil, man̈xtoc xyac' tz'a eb' incienso, man̈xtoc xyac' eb' xajmb'al to tz'a smasnil 'a yatut qui Diosalec an̈ israel on̈c tic.

2 Cr 3:3

A yechl yich yatut Dios 'ix yac' Salomón 'ajxoc b'o cha: 'ay 27 metro spac'b'il, b'aln̈e metro x'aj slewnal sat.

2 Cr 3:7

'Ix 'ajx 'och q'uen oro 'a smasnil yojol, 'a smasnil spatzb'il, 'a smasnil smarcoal spuertail, yet' pax 'a spuertail cha, yet' 'a smasnil sat te 'a'nte 'aych 'a sat 'a yich. 'Ix 'ajx 'och pax yechl eb' querubín 'a sat te 'a'nte cha.

Ex 26:36

Tza'n b'o junx te cortina tz'och smacloc sti Mantiado, tzb'o yet' te q'uic'mucnac ch'al, te púrpura, te chac yet' te lino ch'umb'il, wach' tz'aj yoch yelwnub'l yuj mach tzb'oni.

Ex 36:37

Sb'on pax eb' junx te cortina x'och smacloc sti Mantiado cha, xb'o te yet' te q'uic'mucnac ch'al, te púrpura, te chac yet' pax te lino ch'umb'il, stz'isn pax 'och eb' yelwnub'al.

Ez 47:1

Xlajw cha, in yi'n pax 'och jun winc chi 'a yol sti yatut Dios. Ax xwilni, a 'a yaln̈ smarcoal sti puerta q'ueln 'at 'a 'aj tzq'uel c'u, ata tzpac' q'uet jun a', ax 'a stojlal 'aj tzq'uel c'u cha, ata tz'atcn a', tz'ec' a 'a snan̈l yamq'uil yatut Dios, tz'ec' a 'a stojlal sur yic yet'l xajmb'al.

Jn 10:7

'Ix yaln pax Jesús 'ixtc 'a eb': —Wal yel tzwal 'ayex, 'icha sti jun col-l 'aj tz'och no calnelu, 'ixta 'in.

Jn 10:9

An tic, lajn in yet' sti colal. A eb' tz'och wu'uj, 'oj colchjoc 'el eb'. 'Icha junc calnelu tz'och 'a yol scolal, tz'el paxta, tz'at saync wa sb'a, 'ixta 'oj 'aj eb'.