Ez 4:3 - Chuj San Sebastian Bible

³ Tze'n cot junc q'uen sa'am, tza lin̈n chan̈ 'a a cal yet' jun chon̈b' cha, tzach 'och q'ueln 'a 'a, 'icha cab' to wan a'n owl yet'oc. Atn jun chi tz'och ch'oxnb'ilc 'a eb' et israelal.

Chuj San Mateo Bible

³ tzac'anoch junoc q'uen icha q'uen sa'am d'a a cal yed' jun chon̈ab' chi'. A jun chi', lajan icha junoc muro, tzach och d'a yichan̈ jun chon̈ab' chi', ichato van ac'an oval yed'oc. Icha chi' ol aj yoch ch'oxnab'iloc d'a eb' etchon̈ab'.

Ez 4:3 Iomraidhean Croise

Is 20:3

Xlajw cha, xyaln pax Jehová 'ixtic: A win in checb' Isaías tic, 'oxe ab'il xb'eyc' 'a yic may xan̈b' 'aychi, jitn 'eli, cojn yojl spichl 'aychi yic x'eq'ui; a jun tic, ch'oxnb'il yaj 'a eb' 'aj Egipto yet' 'a eb' 'aj Etiopía.

Is 22:7

A eb' lum pan̈n 'a'lic caw wach' yilxi, eb' lum to eyic xoni, b'ut'jnacx 'el lum yuj caruaje, ax eb' 'ay q'ue 'a yib'n̈ chej, wan xo ya'n eb' owl 'a spuertail e chon̈ab'.

Is 8:18

An tic yet' eb' wunnal xyac' Jehová, ch'oxnb'il waj yet' eb' 'a scal eb' wit israelal. 'Ixta waj yuj Jehová tztac' yuj smasnil, cajn 'ec' 'a tzaln Sión.

Jeremías 39:1

A 'a yic slajn̈il 'uj, yic sb'aln̈il ab'il yoch Sedequías reyl 'a Judá, ata 'ix jaw Nabucodonosor sreyl Babilonia yet' eb' soldado 'a Jerusalén, 'ix 'och oyn eb' 'a 'a.

Jeremías 39:2

Ax 'a yic sb'aln̈il c'u yoch schan̈l 'uj, yic yuxlchil ab'il yoch Sedequías yajlil, a yic cha, 'ix yoln eb' soldado yic Babilonia jun oln 'a smuroal chon̈b' cha.

Ez 12:11

Tzaln 'a eb' 'ixtic: An tic ton̈j ch'oxnb'il jun tzwac' 'ayx tic. 'Icha 'ix wutj in ch'oxn tic, 'ixta 'oj 'aj eb' 'ayt can 'a Jerusalén yijx 'at 'icha presoal, xa chi 'a eb'.

Ez 12:6

A 'a yic wan xo sq'uic'b'i, tza'n q'ue a pa chi 'a sjolm a quelab', q'ueln 'och eb' 'ayach yic tzach 'at cha. Tza mac a sat, sec matz uj eln can jun chon̈b' cha. 'Ixta tzach wutj ach wa'n 'och ch'oxnb'ilal 'a eb' et israelal cha, xchi 'ayin.

Ez 5:2

A yic 'oj 'em jun chon̈b' tic yuj eb' oyn 'och chi 'a 'a, ax a n̈usn junc'aj xil a jolm chi 'a spacl jun chon̈b' tic; ax junc'aj xo, 'oj a cotc tzu'c can 'at 'a spatquil 'el jun chon̈b' tic yet' a espada, ax jun yoxc'ajil cha, tza tzicb't can 'a scal 'ic'. Tzyal 'el'chi to an 'oj wic' q'uet wespada 'a yol yet'ul, ax woch tza'n yuj eb' et chon̈b' tic.

Dn 11:17

Caw 'oj yac' yip yet' smasnil eb' soldado yi'n 'ec' smacb'en win sreyl sur cha. 'Oj yac' jun strato yet' jun rey cha, ax ya'n 'at jun yisl yistloc winac, yic tzya'n 'ejm snani. Palta ma'oj 'el'choc 'icha tas tzna cha.

Lv 2:5

Toto a junc ofrenda cha, mayb'il 'a yol xalten, b'ob'il cab' 'a 'ixm harina caw wach', calb'il cab' yet' aceite, palta may cab' yich.

Lc 2:34

Xlajw cha, 'ix sc'ann Simeón swach'c'ojlal Dios 'a yib'n̈ eb'. 'Ix yaln 'ixtc 'a María, atn snun Jesús: —'Ab'i, a jun tz'ulc 'unn tic checl xon yaji, to niwn eb' quit israelal 'oj somchjc 'el snab'en yu'uj. Niwn pax eb' 'oj b'o snab'en yu'uj. A 'oj ch'oxnoc tas tz'aj eb' scolchji, palta niwn eb' 'oj patquilnc can 'eli.

A Ch'an̈ Carta D'a Eb' Hebreo 2:4

An̈jtona Dios, ya'jnac testigoal sb'a yuj jun 'ab'x tic. Sch'oxjnac jun tzo'n̈ milagro, yet' jun tzo'n̈ tas tzsat qui c'ojlec quilni, sec chequel to caw niwn yel'ch jun 'ab'x tic. An̈jtona pax Yespíritu, tzyac' pax testigoal sb'a, yujto tzyac' copiso junjn on̈ec, a tzyala, tas tznib'j tzyac'a.