Ez 34:3 - Chuj San Sebastian Bible

³ Ax tic, lajn ex 'icha eb' 'ilm calnelu maysch'olnil: Cojn yu'n eb' yim no calnelu cha, tzb'on eb' spichl yet' slanail no', tzlaj smilnc eb' schi no caw b'aq'uech, palta matz tan̈wj eb' no calnelu 'a 'icha stzolil.

Chuj San Mateo Bible

³ A ex tic lajan ex icha eb' tan̈vum calnel chuc. An̈ej yal yim noc' snib'ej eb' syuq'uej, sb'oan spichul eb' yed' xil noc', smilancham noc' te b'aq'uech eb' schia, palta max stan̈vej noc' eb' d'a smojalil.

Ez 34:3 Iomraidhean Croise

A Ch'an̈ Schab'il Libro Yic Yab'ixal Eb' Rey 21:16

Caw 'ix 'och smul smasnil eb' 'aj Judá yuj jantcn̈ej maysch'olnil sb'o Manasés 'a sat Jehová; til wal 'anma may smul 'ix ya' milxoc, 'ix b'ey schic'l eb' 'anma chi 'a smasnil yol yic Jerusalén.

Pr 30:14

'Ay pax mach matz 'o'ch xon sc'ojl 'a eb' meb'a', caw tz'ixtx eb' yu'uj, tzyi'n can 'ec' tas 'ay 'a eb'.

Is 1:10

Ex 'aj Jerusalén lajn ex yet' eb' eyajlil, 'icha wal eb' 'aj Sodoma yet' eb' 'aj Gomorra 'ixta 'ex. 'Ab'ec, a jun tzo'n̈ paxti tic, cuynb'il xyac' Jehová qui Diosalec.

Is 1:15

A yic tzcob' ex leslwi, tzlaj cob' e mojchan̈ e c'ab' 'ayin, palta 'oj in c'ub'c 'el in sat 'ayex. Wach'xam cob' niwn tas tzeyal 'a e lesl cha, ma'oj wab'i', yujto milm ex cham 'anma'.

Jeremías 2:30

Nab'axoj tzwa'ch yailal 'a eyib'an̈, 'in matz yal e c'ojl tze chaj eyab' jun cuynb'il waljnac 'ayex. Lajn ex wal 'icha junc no león caw ow, e tzu'jnac cham eb' in checab'.

Jeremías 22:17

Palta ach xo tic, cojn ricoal tza nib'j ac' ganar 'a spatc maysch'olnil. Tza mil cham eb' may smul, caw wal tzextj eb' a chon̈b' yet' a tu nab'enal, xchi Dios.

Lm 4:13

'Ixta 'ix uji, yuj wal smul eb' schecb' Dios yet' yuj smul eb' ya'mal 'och sti eb' 'anma 'a Dios, yujto til wal 'anma may smul 'ix smil eb' 'a yol chon̈ab'.

Ez 19:3

'Ix q'uib' jun no 'unn cha, caw wal jeln x'aj no'. Scuyn sb'a no sayn schib'ej, ax x'aji, 'anma syam no schib'joc.

Ez 19:6

A yic x'och no quelmal, 'ix c'och no 'a scal e no mam león cha. 'Ix scuyn sb'a no syamn schib'ej, ax x'aji, 'anma syam pax no schib'joc.

Am 6:4

Man̈x jantcoc swach'l yilx 'aj tzex 'em wocn e wa'i. Niwn tas tzb'o e c'uxu' yic tze chin no cotc quelmtac calnelu, yet' no quelmtac wacx to caw wal b'aq'uech.

Sofonías 3:3

A eb' syajlil eb', lajn wal eb' 'icha no león tz'el yaw yuj wejel. Ax eb' juez, lajn eb' 'icha no 'ocs man̈x 'a jac sb'acl schib'j tzyactj can yico'oc junc xo c'u.

Zacarías 11:16

Yujto 'oj wa'ch junc yilmal jun nacion̈ tic, junc tu 'oj yutc sb'a 'icha junc 'ilm calnelu, toxn matz 'och 'il yuj no calnelu tzsatcn 'ati, matz 'at sayc' no', matz yan̈tj win no lajwnac, matz yac' wa win pax no tzcham yuj wejel. A yico', a wal no caw b'aq'uech a no tzchi 'ejmi, man̈x xon jac yoc no tzcan yu'uj.

Zacarías 11:5

A eb' tzmann e no cha, matz 'och 'il eb' jab'oc yic tzmiln eb' e no', ax eb' tzchon̈n e no cha, tzyaln eb' 'ixtic: Yuj wal dios 'a Jehová, a ticnec tox on̈ 'ochc ricoal, xchi eb'. 'Ixta pax eb' caw yilmal e no', toxn matz cus eb' jac yuj e no'.