Ez 30:2 - Chuj San Sebastian Bible

² Ach 'anma', al-li to an 'ay wic jun tzo'n̈ paxti tic: An Jehová in an, tzwal 'ixtic: 'El cab' eyaw yuj tas 'oj jawc 'a jun c'ul cha.

Chuj San Mateo Bible

² Ach anima, alel in lolonel icha tic: Icha val tic yalan Jehová Yajal: Elocab' eyav yuj jun c'ual chi'.

Ez 30:2 Iomraidhean Croise

Is 13:6

C'uyyoc cab' yel eyaw, yujto jab'xoj wal sc'och sc'ul sjaw yowl sc'ojl Jehová 'a eyib'an̈, atn jun tztac' yuj smasnil, a tz'a'n cot jun yailal cha.

Is 14:31

C'uyyoc cab' yel eyaw ex filisteo, 'el cab' eyaw yuj yailal yet' xiwlal. Yujto a 'a stojlal norte, ata wan scot nan̈l eb' soldado, 'icha to junn̈j 'anmal eb' tzquila, lajn wal sb'ey eb' 'icha 'asun.

Is 15:2

Ax eb' 'anma 'aj Dibón, 'oj q'ue'choc eb' 'o'c 'a jun n̈a 'aj tzyam sb'a 'a lum jolm tzalan. Caw 'oj cus sc'ojl eb' 'aj Moab yuj tas 'oj 'aj satl chon̈b' Nebo yet' Medeba. Smasnil eb' winac, 'oj sjoxl eb' xil sjolom yet' xil sti yuj sch'oxn 'el eb' scusc'ojlal.

Is 16:7

Yuj wal cha, smasnil eb' 'aj Moab 'oj 'oc' eb' yuj snacion̈ cha, ax scus eb' smasnil yuj te tacn̈ sat uva tzcot 'a Kir-hareset 'a pecti'.

Is 23:1

Alb'il can 'el jun tzo'n̈ paxti tic 'ixtc 'a yib'n̈ Tiro: Ex 'i'mb'ey barco yic Tarsis, 'el cab' eyaw yuj somc'ojlal, yujto 'ix lan̈chj 'ejm chon̈b' Tiro, man̈x 'a xon junc n̈a xcani, man̈x 'a 'aj wach' spixx can te barco. A yic ex jaw 'a Chipre, 'ix eyab'n speclal jun cha.

Is 23:6

'El cab' eyaw yuj cusc'ojlal ex cajn 'ec' 'a sti a mar. C'axwan̈c 'ec' 'a Tarsis.

Is 65:14

A eb' in checb' tic, 'oj b'itnoc eb' yuj tzaljc'ojlal, palta ax xo tic, to 'oj 'el eyaw eyoq'ui. Caw wal 'oj e cus yuj yailal 'oj jawc 'a eyib'an̈.

Jeremías 4:8

Yuj cha, 'ix wal 'a eb' wit chon̈b' 'ixtic: Ca'c 'och qui pichl n̈achtac sat, 'oc' coyec, c'acw coyc cab'n syail, yujto a yowl sc'ojl Jehová, mantzac sat 'ejm 'a qui calec, xin chi.

Jeremías 47:2

A Jehová tzaln 'ixtic: A 'a stojlal norte, ata 'oj cot jun b'uln̈ eb' soldado, 'icha wal junc niwquil 'elmal a tzpultz'j 'el 'a sb'e scoti. C'uxn 'oj yac' lajwc 'el eb' jun nacion̈ tic, yet' smasnil tas 'ay 'a 'a, yet' smasnil jun tzo'n̈ xo chon̈ab'. A smasnil eb' 'anma cajn 'a schon̈b' eb' filisteo tic, caw 'oj 'el yaw eb', ax yoc' eb' yab'n syail.

Ez 21:12

Ach 'anma', 'el cab' aw oq'ui, yujto 'oj tzu'xoc cham eb' in chon̈ab' yet' eb' 'aych yajlil 'a scal eb'. A eb' yajl cha, junn̈j 'oj 'aj eb' scham yet' eb' chon̈ab', ach xo tic, tza mac' sn̈i a c'ojl yuj cusc'ojlal.

Ez 30:1

'Ix yaln pax Jehová 'ayn 'ixtic:

Jl 1:11

Ex munljum, 'o'n̈ec, cusn̈ec, yujto caw xlajw 'ejm eyawb'en uva. Man̈x 'a polj trigo yet' cebada.

Jl 1:5

A wal ax 'u'm ex 'an̈, pitzc 'el e wayan̈. Ex 'u'm yal uva to jawnc sti', caw wal 'o'n̈ec, yujto 'oj 'ijxoc 'ec' te yal uva chi 'ayex.

Sofonías 1:11

A mach cajn 'a yol chon̈b' 'a 'aj 'ay tas tzlaj chon̈xi, 'el cab' yaw, yujto 'oj cham smasnil eb' chon̈wjum. An̈jtona eb' tz'a'n q'uen tumn majnil, 'oj cham pax eb'.

Zacarías 11:2

Yuj cha, 'icha to 'oj 'oc' te taj, yujto tox 'ix 'ejm te c'ute cha. A jun tzo'n̈ te te man̈x jantcoc swach'l yilx cha, tox 'ix lajw 'ejm te'. 'Icha pax to 'oj 'oc' te mach' 'a yol yic Basán, yujto a te niwc te pim yaj cha'an̈, tox 'ix lajw 'ejm te'.

Santiago 5:1

'Ab'c ex rico. 'El cab' wecc'oc eyaw eyoc' ticnec, yujto caw niwn yailal 'oj jawc 'a eyib'an̈.

Apoc 18:10

'Oj can eb' 'a najat, yujto 'oj xiw eb' yuj jun syailal cha. Ax yaln eb' 'ixtic: ¡'Ay, 'ay, 'oltac wal niwquil chon̈b' Babilonia tic! Caw niwn yel'chi, palta junn̈j wal rato xlajw 'eli, 'oj schic eb'.