Ez 30:16 - Chuj San Sebastian Bible

¹⁶ 'Oj wa'ch sc'a'l Egipto, ax eb' 'anma 'a Sin, caw 'oj yab' eb' syail. 'Oj wac' olchjoc smuroal chon̈b' Tebas, ax yochcn yailal 'a yib'n̈ chon̈b' Menfis.

Chuj San Mateo Bible

¹⁶ Ol vac'och sc'ac'al Egipto, axo eb' aj Sin chi' toxon̈ej ol ec' quetcon eb' yab'an syail. Ol cotac olchaj smuroal chon̈ab' Tebas chi'. Axo chon̈ab' Menfis ol ochn̈ejcan yaelal d'a yib'an̈.

Ez 30:16 Iomraidhean Croise

Jeremías 44:1

A jun tzo'n̈ spaxti Dios in chajnac an Jeremías in tic yic tzalx 'a eb' 'aj Judá cajn 'ec' 'a stojlal norte 'a yol smacb'en Egipto, atn 'a chon̈b' Migdol, 'a Tafnes, 'a Menfis, yet' 'a stojlal sur.

Ez 28:18

Til wal 'anma xextj yet' tas xlaj a mana, yet' pax tas xlaj a chon̈o, xextn 'el pax jun tzo'n̈ yet'l a diosal. Yuj cha, 'ix wa'n 'elt jun c'ac' tzach 'a'n tz'a'oc, cojxn a tan̈il tzyil eb' 'anma 'a sat lu'um.

Ez 30:13

An Jehová in, an tzwala: 'Oj in satl smasnil jun tzo'n̈ yechl comn dios, yet' jun tzo'n̈ comn dios 'ayc' 'a chon̈b' Menfis. Man̈x 'a mach 'oj 'och yajlil 'a Egipto, ax wa'n xiwc'ojlal 'a smasnil 'anma 'a jun nacion̈ cha.

Ez 30:14

'Oj sat 'ejm eb' chon̈b' 'ay 'a stojlal sur yic Egipto cha. 'Oj wa'ch sc'a'l chon̈b' Zoán, ax wa'n 'och yailal 'a yib'n̈ chon̈b' Tebas.

Ez 30:15

Ax wa'n cot yowl in c'ojl 'a yib'n̈ chon̈b' Sin, atn jun 'aych yipc Egipto, ax in satn 'el eb' 'anma 'a chon̈b' Tebas cha.

Ez 30:17

A eb' quelmtac winc yic chon̈b' On yet' eb' yic Bubastis, 'oj cham eb' yuj owal, ax eb' cajn 'a jun tzo'n̈ chon̈b' cha, 'oj 'ijxoc 'at eb' 'icha presoal yuj eb' 'a'm owl cha.

Ez 39:6

'Oj wa' cot c'ac' 'a yib'n̈ a nacion̈, atn Magog yet' 'a yib'n̈ eb' chon̈b' tzaljc'ojlal yajc 'a sti a mar. 'Ixta 'oj 'aj yojcan 'el eb' chon̈b' cha, to an Jehová in, to cojn in ton Dios in.

Os 9:6

'Oj e 'at 'elc 'a jun yailal 'oj jawoc. Ax eb' 'aj Egipto 'oj wul e molb'tzanc 'ati. A 'a chon̈b' Menfis, ata 'oj laj e mucxi. A 'aj molb'il q'uen plata 'aych e ricoaloc, yet' e yet'l 'aj tzlaj ex 'ec' cajan, ata 'oj pitzwc chan̈ te c'ultac, nab'a q'uix 'oj 'ajcni.