Ez 3:9 - Chuj San Sebastian Bible

⁹ Man̈ ach xiw yuj eb', yujto a jun tzo'n̈ 'anma cha, yel xo wal pit eb'. 'Oj wac' tzatzb'oc a nab'en 'a yojltac eb', 'icha stzatzl q'uen sacn̈ulch q'ue'en, a q'uen cha, yel xo wal tzatz q'uen 'a yib'n̈ jun tzo'n̈ xo q'uen q'ue'en, xchi 'ayin.

Chuj San Mateo Bible

⁹ Icha val stzatzil q'uen diamante, ma icha q'uen yaxq'ueen ol ach vutoc d'a yichan̈ eb'. Man̈ jab'oc ol ach xiv d'a eb' vach'chom scot val yoval sat eb' yuj spital, xchi d'ayin.

Ez 3:9 Iomraidhean Croise

Is 41:10

Man̈ ex xiwoc, 'ayn 'ec' eyet'oc. Man̈ ex 'och 'il, yujto an ton e Diosal in. An tzwac' eyip, an tzex in colo, an tzex in yamch wan yet' wip tzin c'anlb'ej 'a stojlal.

Is 41:14

A Jehová a tzaln 'ixtic: Ex israel yin̈tl can Jacob, wach'xam man̈ niwnoc e b'isul, wach'xam mant 'a eyip, palta man̈ex xiwoc, an 'oj ex in colo'. Cojxn In Ton Dios In, e colmal waji.

Is 50:7

A Jehová Wajlil, a tzcolwj wet'oc, yuj cha, matz in chab'c'ojlej in b'a yuj tas tzin 'aj cha. Caw te'n waj 'icha junc niwquil q'ue'en, wojc wal si'mb'il to ma'oj 'el in q'uixwel.

Jeremías 1:17

A ticnec 'ac' ep, 'ixic, 'at al smasnil tas 'oj wac' ala'. Man̈ ach xiw 'a eb' et 'anmal cha. Toto 'oj a xiwi, 'oj ach wac' 'ib'xoc chan̈ 'a yojltac eb'.

Jeremías 1:8

Man̈ ach xiw 'a eb' 'aj tzach in chec cha. An tic, 'aynn̈ej 'och et'oc yic tzach in colni, xchi 'ayin.

Jeremías 15:20

Lajn wal 'oj ach wutc can 'a jun chon̈b' tic 'icha junc muro nab'a bronce, caw 'ajltac slan̈chj 'ejmi. 'Oj yac' eb' owl et'oc, palta an Jehová in, an tzwala to ma'oj ejm yuj eb', yujto 'ayn 'och et'oc, an 'oj ach in colo'.

Jeremías 17:18

Q'uixw cab' can 'el eb' tzin pechn b'eyc'oc, man̈oc in cab' tzin q'uixw 'eli. Xiw cab' chan̈ eb', man̈oc in cab' tzin xiw cha'an̈. 'Ac' jawc yailal 'a yib'n̈ eb', lajw cab' can 'el eb' 'a jun 'ejmn̈ej, xin chi 'a Dios.

Ez 2:6

Ach 'anma', man̈ ach xiw yuj tas 'oj yal eb' 'ayach, wach'xam 'oj yoych sb'a eb' 'aych 'icha te q'ui'ix, mto 'icha to scal no sinan 'aych 'ec' tzela, man̈ ach xiw xon yuj tas 'oj yal eb' 'ayach, yujto caw pit xon eb'.

Ez 3:10

'Ix yaln pax 'ayn 'ixtic: Ach 'anma', chaj ab' tas tzwal 'aych tic, tza moln 'a a nab'en.

Ez 3:8

An xo tic, an 'oj wac' a te'nal 'a yojltac eb', ax wa'n tzatzb'oc a nab'en yil eb'.

Ez 44:6

Tzaln 'a eb' et israelal cha, to an tzwal 'ixtic: Ex israel, caw tenmtac ex, caw may e ch'olnil, colb'l xo wal e b'on tas yajb'entac 'a in sat.

Miqueas 3:8

An xo pax an tic, 'aych Yespíritu Jehová 'ayin, a tz'a'n wip, tzya'n wojcoc 'aj 'ay tojlal. Yuj wal cha, caw tzin te'wtzej in b'a waln 'och jantc smul eb' wit israelal 'a sat.

Zacarías 7:12

Caw pit xyutj eb' snab'en, 'icha stzatzl q'uen yax q'ue'en, sec wach' matz chaj eb' yab' cuynb'il yet' checnb'il 'ix wal 'a eb', atn jun tzo'n̈ yaljnac 'el eb' in checb' yuj Wespíritu 'a yic pecti'. Yuj cha, caw niwn xcot yowl in c'ojol.

1 Ti 2:3

Toto 'ixtc tzcutj qui b'a, caw wach' 'a sat Dios qui Colmal. Caw tzalj quet'oc.

2 Ti 2:6

'Ilt eb' tzmunlj 'a lum lu'um, 'ay yaln eb' yic sb'ab'l yamn jun smunljel cha.