Ez 3:12 - Chuj San Sebastian Bible

¹² Xlajw cha, in yi'n chan̈ Yespíritu Dios, ax 'a in patquil 'ati, ata 'ay jun tas 'ix wab' sc'an̈i, caw wal ow sc'an̈ 'icha quixcab', yujto wan sq'ue wan Jehová yet' stzictznil 'a yet'l 'aj 'ayq'ui.

Chuj San Mateo Bible

¹² Ix lajvi chi', ix in yic'anchaan̈ Yespíritu Dios, axo d'a in patic ix vab' yoch jun av icha sc'an̈ yec' quixcab', ix yalani: Alchajocab' vach'il d'a stziquiquial Jehová b'aj ayeq'ui, xchi.

Ez 3:12 Iomraidhean Croise

A Ch'an̈ B'ab'el Libro Yic Yab'ixal Eb' Rey 18:12

Ax 'oj 'ajoc, a yic 'oj in 'atcni, ax ach yi'n can 'at Yespíritu Jehová 'a 'aj man̈ wojcoc. A yic 'oj in c'och 'a win Acab, ax scot win ach wul yila', ax 'oj 'ajoc, ma'oj elchj yuj winac, ax in smiln can winac. An a checb' in tic, yictax quelm in to in 'och 'emmquilal 'a Jehová.

A Ch'an̈ Schab'il Libro Yic Yab'ixal Eb' Rey 2:16

'Ix yaln eb' 'ixtic: —'Ilto, 'ay 50 eb' winc caw wal 'ay yip 'a qui cal an̈ a checb' on̈ tic. 'At cab' eb' 'at say win qui cuymal cha, toq'ue 'aj 'ix julx can 'at yuj Yespíritu Jehová 'a junc jolm witz mto 'a junc pan̈n 'a'lic, xchi eb'. Palta 'ix yaln 'a eb' 'ixtic: —May mach tz'ati, xchi.

Salmos 148:2

A eb' yángel Dios, atn smasnil eb' soldado yic satcha'an̈, yal cab' eb' wach' paxti 'a 'a.

Salmos 26:8

Mamin Jehová, tzin chamc'ojlej atut 'a 'ajtil cajn ach 'eq'ui, 'a 'ajtil tzb'inax a b'i.

Is 6:3

Xlaj yal-lanc eb' 'a junjn 'ixtic: A Jehová tzta'n̈j yuj smasnil, Dios caw Cojxni, checl stzictznil 'a smasnil yolyib'n̈q'uinal, xchi eb'.

Ez 10:4

Xlajw cha, ax Jehová yet' stzictznial, 'ix q'ue wan 'a yib'n̈ yechl eb' querubín cha, axta xq'ue'ch 'a yib'n̈ sjolm puerta. 'Ix sacb'chan̈ jun 'amc' chi yuj stzictznil Jehová, 'ix 'em t'ocn jun 'asn chi 'a yol scajnub' cha.

Ez 11:1

Ax Yespíritu Dios in 'i'n 'at 'a spuertail yatut Jehová, jun 'ay 'a stojlal 'aj tzq'uel c'u. A 'a yol sti puerta cha, ata 'ayc' 25 eb' winac, ax 'a scal eb', ata 'ayc' Jaazanías yunnal Azur yet' win Pelatías yunnal Benaías, atn eb' tic yajl yaj 'a scal eb' 'anma cha.

Ez 2:2

Wanto yaln jun chi 'ayin, ax xwab'ni 'ix 'och Yespíritu Dios 'ayin, 'ix 'och yip woc, in q'ue wan lin̈an.

Ez 3:11

'Ixc 'at 'ilt pax eb' et chon̈b' 'icha preso yaji, tzaln can yab' eb' jun tzo'n̈ paxti tic, toxn̈ej tzchaj eb' yab'i', mto ma'ay, cojn to tzal 'ixtc 'a eb': 'Ixtc wal xyutj Jehová Cajlil yaln eyu'uj, xa chi 'a eb', xchi 'ayin.

Ez 3:14

In yi'n chan̈ Yespíritu Dios cha, in yi'n 'ati, palta caw wal tu tzwab'i, ya' sb'a ax spoder Dios cha, a tzin 'i'nb'eyoc.

Ez 43:4

A stzictznil Jehová, ata x'oxt 'a yol sti jun puerta 'ay 'a stojlal 'aj tzq'uel c'u.

Ez 43:5

Ax Yespíritu Jehová in 'i'n 'ati, in yi'n 'och 'a 'aj 'ay junx 'amc' 'a yojl 'och cha. Ax xwilni, b'ut'jnacx 'el yol yatut Dios yuj stzictznial.

Ez 8:3

A jun 'icha 'anma cha, 'ix ya' cot sc'ab' 'a in jolom, 'ix stzucn chan̈ xil in jolm cha. Ax Yespíritu Dios in t'un̈n cha'an̈, in yi'n 'at 'a Jerusalén yic tzch'oxn wil tas 'ay ta'. A 'a yojl 'och sti spuertail yatut Dios, jun 'ay 'a sti 'amc' 'a stojlal norte, ata 'ay yet'l jun comn dios tzuntzn cot yowl sc'ojl Jehová.

Ez 9:3

Ax stzictznil qui Diosalec an̈ israel on̈c tic, 'ix q'ue wan 'a yib'n̈ 'aj 'ayc' yechl eb' querubín, axta 'ix 'och wan 'a yib'n̈ sjolm spuertail yatut Dios. 'Ix yawtn Jehová win lino spichl cha, atn win t'un̈n 'och stz'ib'lab' chi 'a snan̈al,

A Tas Sc'ulejnac Eb' Schecab' Jesús Hechos 2:2

Yajn̈j wal cha, 'ix c'an̈ jun tas 'a satcha'an̈, 'icha junc 'ic' caw ow sc'an̈i. 'Ix c'an̈ yec' 'a yol jun n̈a 'aj wocn 'ejm eb' cha.

A Tas Sc'ulejnac Eb' Schecab' Jesús Hechos 8:39

Yic xlajw sq'ue paxt eb' 'a yol a cha, 'ix 'ijx 'at Felipe chi yuj Yespíritu Cajlil. Ax win 'aj Etiopía cha, man̈xtoc xyil win 'aj 'ix c'ochi. Palta 'ix 'atx win 'a yol b'e cha. Tzaljc'ojlal x'atx can winac.

Apoc 1:10

Ax 'a jun c'u yic Cajlilec, caw xjaw wal spoder Yespíritu 'ayin. Ax xwab'ni, 'ay jun mach caw 'ip x'awj 'a in patic, 'icha yoc' junc trompeta.

Apoc 1:15

A yoc, caw tzictzni, 'icha q'uen bronce tzb'o 'a jorna, caw tzictzni tz'aji. Caw tzn̈il-li sjaj spaxtini, 'icha sc'an̈ sb'ey eb' a niwc a'.

Apoc 19:6

Ax xwab'n paxi 'ay jun 'icha sjaj nan̈loc 'anma'. Caw tzn̈il-li sjaj eb', 'icha sc'an̈ sb'ey jun tzo'n̈ a niwc a'. 'Icha sc'an̈ jun tzo'n̈ c'u caw wal ow sc'an̈i, 'ixta sjaj eb', 'ix yaln eb' 'ixtic: ¡Calc wach' paxti 'a Dios! Yujto a Cajlil qui Diosalec, tztac' yuj smasnil, 'ix swach' yamj 'och ya'n Yajlil.