Ez 28:3 - Chuj San Sebastian Bible

³ ¿Tom jeln ach to 'a yib'n̈ Daniel a nani? ¿Tom ojc junc tas c'ultac yaji?

Chuj San Mateo Bible

³ ¿Tocval ec'b'al a jelanil d'a yichan̈ vin̈aj Daniel? ¿Tocval malaj junoc tas c'ub'eltac d'ayach?

Ez 28:3 Iomraidhean Croise

A Ch'an̈ B'ab'el Libro Yic Yab'ixal Eb' Rey 10:3

'Ix spacn win smasnil jun tzo'n̈ tas sc'anb'j 'ix cha. May junc tas sc'anb'j 'ix to ma'ix stac' spacn win rey cha.

Job 15:8

¿Tom ojc ach tic tas c'ultac nab'il yuj Dios? ¿Tom cojn ach jeln ach a nan 'a yolyib'n̈q'uinl tic?

Salmos 25:14

A eb' a wach'c'ojl a b'a yet'oc, atn eb' 'ay xiwc'ojlal 'ayach, tzac' pax 'el'choc a trato 'a eb'.

Jeremías 9:23

'Ix yaln pax Jehová 'ixtic: A eb' jelan, man̈ cab' yac' eb' tzaljoc sc'ojl yet' sjelnal. An̈jtona eb' 'ay yip, man̈ cab' yac' eb' tzaljoc sc'ojl yet' yip, an̈jtona eb' rico, man̈ cab' yac' eb' tzaljoc sc'ojl yet' sricoal cha.

Ez 14:14

Q'uinloc a 'a jun chon̈b' chi cajn Noé, Daniel, yet' Job, cojn am eb' 'oxwn̈ tic tzcolchj can 'eli, yujto tojl sb'eyb'al eb', palta may junc mach 'oj stac' scoln 'el eb'.

Ez 28:15

Yictax a pitzw cha'an̈, caw wach'n̈j 'a b'eyb'al masnto 'ix jelmj a nab'en yuj maysch'olnil.

Dn 1:6

A 'a scal jun tzo'n̈ quelmtac winc 'ix si'x 'elt yuj win Aspenaz cha, ata 'aych Daniel, Ananías, Misael yet' Azarías. Atn eb' tic, xcot 'a eb' yin̈tl Judá.

Dn 2:20

'Ix yaln 'ixtic: Ach qui Diosal on̈, alx cab' wach' paxti 'aych 'a smasnil q'uinal, yujto ec yaj jelnal yet' poder.

Dn 2:22

Ach tzac' cojcoc 'el jun tzo'n̈ tas caw 'ajltac snachj 'eli, yet' jun tzo'n̈ tas c'ultac yaji. Ojc tas 'ay 'a scal q'uic'q'uinal, yujto 'aj sacq'uinl ach.

Dn 4:9

Ach Beltsasar, syajlil ach eb' tztac' snan 'el junc paxti', wojtac to a sjelnal jun tzo'n̈ dios 'aych 'ayach. A smasnil tas c'ultac yaji, caw tznachjn̈ej 'el o'oj. Maclj wal ab' jun tzo'n̈ in waych chi 'ix wil cha, ax aln 'ayin tas tzyal 'el'chi.