Ez 26:3 - Chuj San Sebastian Bible

³ Yuj cha, an Jehová Yajl in, an tzwal 'ixtic: Ach Tiro, a ticnec tox in 'och 'ajc'ojlal 'ayach. An tzwala ax yoch pax jun tzo'n̈ xo nacion̈ 'ajc'ojlal 'ayach, 'oj cot eb' 'aych 'icha sq'ue wan b'alb'noc yib'n̈ a mar yuj 'ic'.

Chuj San Mateo Bible

³ Yuj chi' a in Dios Yajal in tic svala': Toxo ix in och ajc'olal d'a Tiro chi', tzijtum nación ol vic'q'ue vaan yic tz'och ajc'olal d'ay, icha val tz'aj sq'ue vaan sat a' mar.

Ez 26:3 Iomraidhean Croise

Salmos 107:25

A yic xyalni to tzcot yowl a mar cha, 'ix q'ue wan ch'umch'noc a 'a cha'an̈;

Is 5:30

A 'a jun c'ul cha, a jun nacion̈ cha, 'oj 'el yaw sjaw 'a spatiquil 'el qui chon̈b'ec tic, lajn wal 'oj c'an̈ 'icha a mar. A mach 'oj 'at q'ueln 'a jun chon̈b' cha, 'oj yil jun yailal cha, 'icha to 'oj 'och q'uic'q'uinl 'a yib'an̈, ax stup sacq'uinal, caw q'uic'q'uinl 'oj 'ajcn smasnil.

Jeremías 21:13

Ex 'aj Jerusalén, caw chan̈ eyajb't 'a lum pan̈n 'a'lic, 'icha junc niwquil tenm 'a lum pan̈n 'a'lic cha. An Jehová in, an tzwala, 'ay yowl in c'ojl 'ayex. Ax tic, tzeyal 'ixtic: ¿Mach wal 'oj stac' ya'n owl quet'oc? ¿Mach wal 'oj stac' sq'uel 'a 'aj tzqui col qui b'a tic? xe chi.

Jeremías 25:22

smasnil eb' rey 'a Tiro, 'a Sidón, yet' smasnil eb' rey 'ay 'a jun tzo'n̈ nacion̈ 'ay 'a sti 'a mar Mediterráneo.

Jeremías 50:31

An Jehová in, tztac' wuj smasnil, an tzwal 'ixtic: Ex 'aj Babilonia, caw 'ajc'ojl wajch 'ayx ticnec, yujto caw b'an̈quintac tzeyutj e b'a. A ticnec, 'ix c'och sc'ul sjaw yailal 'a eyib'an̈.

Jeremías 50:42

Yet' eb' sjul-lab', yet' eb' slanza. Yel xo wal caw ow eb', matz 'o'ch xon jac sc'ojl eb'. Lajn yel yaw eb' 'icha sc'an̈ a mar, 'ay q'ue eb' 'a yib'n̈ chej. Lista xo yaj eb' scot wul yac' owl 'a Babilonia.

Jeremías 51:42

'Icha wal to a a mar 'oj 'at secnjoc 'a yib'n̈ Babilonia cha, 'oj mucchjoc can yuj a'.

Jeremías 6:23

Yet' eb' sjul-lab', yet' slanza, caw yel xo tu eb', man̈xtzac 'o'ch sc'ojl eb'. 'Icha sc'an̈ a mar 'ixta sc'an̈ sb'ey eb' 'ay q'ue 'a yib'n̈ chej. Lista xo yaj eb' scot wul yac' owl eyet' ex cajn ex 'a Jerusalén, xchi Dios.

Ez 21:3

Al yab' eb' to an Jehová in, an tzwal 'ixtc 'a yib'n̈ eb': An tzwala, to tzin 'och 'ajc'ojlal 'ayex. 'Oj wic' q'uet wespada 'a yol yet'ul, ax in miln cham eb' 'anma wach' snab'en yet' eb' maysch'olnil sb'eyb'al. 'Oj 'el yich scham eb' 'anma 'a stojlal sur masnto 'oj c'och scham eb' 'a stojlal norte.

Ez 26:19

An Jehová Yajl in, an tzwal 'ixtic: 'Oj in satl jun chon̈b' cha, sictac 'oj 'ajcni, 'icha junc chon̈b' 'aj may xon mach cajjnac. 'Oj wac' pultz'joc cot a a chi 'a yib'an̈, ax smucchj can 'at 'a yich a'.

Ez 27:26

A eb' tzach 'i'n b'ey 'a yib'n̈ a cha, caw najt tzach yij 'at eb' 'a yib'n̈ a mar, ax 'ic' tzcot 'a stojlal 'aj tzq'uel c'u, a 'oj a ma'n b'uychjoc 'a yib'n̈ a'.

Ez 28:22

Al 'ixtc 'a 'a: To an Jehová in, an tzwal 'ixtic: An tzwal 'aych ach Sidón to tzin 'och 'ajc'ojlal 'ayach. O'oj ax in yi'n chan̈ jun tzo'n̈ xo chon̈b' yuj tas 'oj ach wutoc, ax yojcan 'el eb' to an ton Jehová in, to cojn in ton Dios in, a yic 'oj in b'eyc'ojlanc eb', ax scheclj chan̈ in poder 'a scal eb'.

Ez 29:10

Atn yuj cha, tzin 'och 'ajc'ojlal 'aych yet' a a cha. 'Oj 'ochcn a chon̈b' 'a cusltac lumal, caw 'ay xoj smay yilx 'oj 'ajcni. 'Oj 'el yich 'a Migdol, ax sc'och 'a Asuán, masnto 'oj c'och 'a smon̈jonal Etiopía.

Ez 38:3

Al 'a winac, chajtlto an Jehová in, an tzwal 'ixtic: Ach Gog, sat yajl aj 'a Mesec yet' 'a Tubal, palta an tzwala, to 'ajc'ojl xo wajch 'ayach.

Ez 5:8

Yuj cha, an Jehová Yajl in, an tzwal 'ixtic: 'Oj woch 'ajc'ojlal 'ayex, q'ueln 'och jun tzo'n̈ xo nacion̈ 'ayex, ax wa'n 'och eyailal.

Miqueas 4:11

A ticnec, caw niwn eb' nacion̈ jun tzyutj sb'a, yujto 'oj 'och eb' 'ajc'ojlal 'ayex, tzyaln eb' 'ixtic: 'Oj ca'c wal qui nab'en quiln tas 'oj 'aj Jerusalén slajw 'ejmi, xchi eb'.

Nahúm 2:12

A yic tzmiln cham no mam león chi schib'ej, tzcotc pojn 'ec' no a no snun yet' 'a e no cotc cha. Caw wal b'ut'jnac 'el yol sn̈aq'uen e no chi yuj schib'ej. 'Ixta yaj chon̈b' Nínive 'a yic yaln̈taxi.

Nahúm 3:5

A Jehová tztac' yuj smasnil, a tzaln 'ixtic: Ex 'aj Nínive, caw 'ajc'ojl wajch 'ayex, 'oj in ch'oxl e q'uixwel 'a sat smasnil eb' chon̈ab', 'icha wal tz'aj yijx 'el spichl junc 'ix 'ajmul 'ix 'a sat eb' chon̈ab', yuj sch'oxx 'ilxoc sq'uixwelal,

Zacarías 14:2

A 'a yic jun c'ul cha, 'oj yac' Jehová syam sb'a smasnil nacion̈, yic tzya'n eb' owl yet' Jerusalén. Ax yajx ganar yuj eb'. 'Oj 'ijxoc 'elt smasnil tas 'ay 'a yol yatut eb' cajn 'a Jerusalén cha, ax yixtx eb' 'ix 'ix yuj ewin 'ajc'ojl cha. 'Oj 'ijxoc 'at spacloc eb' 'aj chon̈b' chi 'a 'icha presoal. Jaywn̈ xoj eb' 'oj canoc.

Zacarías 9:4

Palta ax Jehová 'oj 'i'n 'ec' smasnil 'a eb', 'oj julxoc can 'at sricoal eb' chi 'a yojl a mar. 'Oj n̈usxoc can tz'a jun schon̈b' eb' chi smasnil.

Lc 21:25

'Ay wal jun tzo'n̈ senya 'oj sch'ox sb'a 'a c'u, 'a 'uj, yet' pax 'a jun tzo'n̈ c'anal. Ax 'a sat lum tic, caw 'oj somchj chan̈ eb' 'anma yuj xiwlal 'a junjn chon̈ab'. Yujto til wal 'oj c'an̈ sq'ue wan a mar, ax yemx pawnjoc a'.