Ez 26:16 - Chuj San Sebastian Bible

¹⁶ Yuj cha, smasnil eb' rey cajn 'a sti a mar 'oj yactc can eb' sdespacho, ax yi'n 'el eb' spotil yet' jun tzo'n̈ spichl caw wach' yajch yelwnub'al, yet' wal xiwc'ojlal eb', ax yem wocn eb' 'a sat lu'um. 'A junjn rato, ax yib'x eb' yuj xiwlal, yujto tzyil eb' tas 'oj 'aj jun chon̈b' cha.

Chuj San Mateo Bible

¹⁶ Masanil eb' sreyal juntzan̈ chon̈ab' d'a stitac a' mar chi', ol emta eb' d'a yoltac sc'ojnub', ol yiq'uel sxotil eb' yed' spichul eb' ayoch yelvanub'. Ol te och eb' d'a nivan xivc'olal, ol em c'ojan eb' d'a sat luum. Junjun c'u ol ib'xoc eb' yuj xivelal yuj tas ol javoc d'a yib'an̈ Tiro chi'.

Ez 26:16 Iomraidhean Croise

Job 8:22

A eb' 'ajc'ojl yajch 'ayach, 'oj q'uixwc 'el eb', ax yatut eb' maysch'olnil snab'en cha, 'oj lajwoc 'ejmi, xchi Bildad 'a Job.

Salmos 109:18

B'ut'j cab' 'och maysch'olnil chi 'a 'a, 'icha cab' spichl tz'ajchi; 'icha xoj cab' a tz'aj yol sc'ojol, 'icha cab' aceite xoj tz'aj yol sb'aquil.

Salmos 109:29

A eb' 'ajc'ojl cha, q'uixw cab' 'el eb'. 'Och cab' potn jun q'uixwelal chi 'a eb' 'icha junc nip.

Salmos 132:18

Ax eb' 'ajc'ojl yajch 'a 'a, 'oj 'el sq'uixwel eb', yujto 'oj wac' q'ue'ch 'a yopiso, xa chi can 'a 'a.

Salmos 35:26

A eb' tzalj wu'uj yic tzjaw in yailal, somchj cab' 'el eb' yuj q'uixwc'ojlal. Q'uixw cab' can 'el eb' caw niwc winc tzyutj sb'a 'a wojltac.

Ex 15:15

A eb' syajlil eb' 'aj Edom, toxn̈ej 'oj sat sc'ojl eb'. Ax eb' syajlil eb' 'aj Moab, 'oj laj 'ib'xoc eb' yuj xiwlal cha. 'Ixta pax eb' cananeo, 'oj laj sc'ub'c 'el sb'a eb'.

Is 3:26

Ax smasnil eb' 'aj Jerusalén, 'oj 'oc' eb' yuj scusc'ojlal, yujto sch'ocxoj eb' 'oj canoc.

Is 41:5

Yiljnac smasnil eb' nacion̈ 'ay 'a sti a mar, caw xiwnc eb' yilni. Smasnil eb' 'anma cajn 'a 'aj tzlajw c'och sti lum lu'um, caw 'ib'xnac eb' yuj xiwlal, wan laj smolb'tzan cot sb'a eb', xchi Dios.

Is 47:1

Tzyal Dios 'ixtc 'a Babilonia: 'Emn̈ta 'a a despacho, 'emn̈ wocn 'a scal pococ. Yujto a 'a yic pecti', lajn wal elx 'icha junc 'ix cob's mant 'a yichmil. Ax ticnec, man̈x 'oj alxoc 'aych 'ixtic: 'Ix cob's 'unn ya'ilb'il.

Is 52:2

Q'uen̈ec pax wan ex 'aj Jerusalén, ma'c 'el pocc 'ayex, to 'oj eyemx wocn 'a e despacho eya'n yajlil. Ex 'aj Sión 'icha to 'ayx 'och can presoal, 'ijec 'el e b'a 'a yaln̈ jun 'icha yugo 'ay q'ue 'a yib' e jaj cha.

Jeremías 48:39

A Moab caw choc' x'ajcni. 'O'n̈ec yu'uj, yujto caw man̈x 'a yel'ch 'ix 'ajcni, tox 'ix ma'x 'ejm lan̈chjoc. Smasnil jun tzo'n̈ nacion̈ 'ay 'a stz'ey, toxn̈ej tzb'uchwj eb' 'a 'a, caw tzxiw pax eb' yilni, xchi Dios.

Lm 2:10

A eb' yichm wincal chon̈b' Sión, sictac xoj yaj eb', wocn 'ejm eb' 'a sat lu'um. Tzlaj sjopn q'ue eb' pococ 'a sjolom, tzya'n 'och eb' jun tzo'n̈ pichl n̈achtac sat. Ax eb' 'ix cob'stac 'ix 'aj Jerusalén, c'uxn tzlaj 'em quiln sat eb' 'ix 'a sat lu'um.

Ez 16:10

'Ix wa'ch jun spichl tz'ib'quintac yilxi, xwa'n 'och xan̈ab', xwa'n 'och sjal-l to b'ob'il a te lino ch'al, caw sera pichl xwac' ya'chi.

Ez 26:21

'Oj lajwc can 'ejm 'a jun 'ejmn̈ej, 'ay xo smay yilx 'oj 'ajcn yuj owal. 'Ayt eb' 'anma 'oj cob' saync 'ec' 'aj 'ay, palta man̈x 'oj 'ilchjoc yuj eb'. An tzwala, xchi Dios 'ayin.

Ez 28:17

Yuj wal swach'l elxi, yuj cha, xa b'an̈n a b'a, yuj pax snib'jub'tacl elx cha, yuj cha, 'ix 'ixtx 'el a jelnal. An wal ach in jul 'ejm 'a sat lu'um, yic ach wa'n 'och ch'oxnb'ilal 'a eb' rey.

Ez 31:15

An Jehová Yajl in, an tzwala: A yic xc'och jun te niwquil te chi 'a 'aj 'ay yet'l eb' chamnc cha, 'ix tacj chan̈ eb' a a 'ay 'a yol lum yuj cusc'ojlal, 'ix 'och wan sb'ey eb' a niwc a', 'ix wa'n cus eb' lum jolmctac witz yic Líbano, ax smasnil eb' te te', 'ix tacj chan̈ eb' te'.

Ez 32:10

A mulojoc, ax wa'n 'ejm xiwc'ojlal 'a scal jun tzo'n̈ xo chon̈ab'; caw 'oj satcn sc'ojl sreyl jun tzo'n̈ chon̈b' cha, yic 'oj 'ec' jupljoc wespada 'a yojltac eb'. A yic 'oj a satl cha, caw 'oj xiw eb', yujto 'ay smay scham pax eb'.

Ez 7:27

A win rey yet' eb' 'aych yajlil yet'oc, 'oj 'och eb' 'a cusc'ojlal, ax eb' 'anma smasnil, 'oj laj 'ib'xoc eb' yuj xiwlal. 'Oj wa'ch syailal eb' yuj smul cha. 'Icha wal xyutj eb' yixtn eb' yit 'anma'il, 'ixta pax 'oj wutc eb'. 'Ixta to b'i'an, ax in yojcan 'el eb', to an ton Jehová in, to cojn in ton Dios in, xchi Dios 'ayin.

Ez 7:8

A ticnec b'i'an, wal wa'n cot yowl in c'ojl 'a eyib'n̈ ax israel ex tic. 'Oj wac' 'el'choc yowl in c'ojl 'a eyib'n̈ 'icha tas tzin na'a. 'Oj ex in b'eyc'ojloc yuj tas maysch'olnil tzlaj e b'o', ax wa'n eyailal yuj e b'eyb'al yajb'entac.

Dn 5:6

caw sacb'el win yuj xiwlal. Yuj wal jun xiwlal x'och 'a win cha, syamn 'och win yib'x sniwnal smasnil, caw x'el yip winac.

Os 11:10

'Oj 'ochx tza'n eb' in chon̈b' wu'uj, ax yel waw 'icha no león. Yuj tz'el waw cha, ax scot eb' wunnal 'a 'aj tz'em c'u, caw wal tz'ib'x eb' yuj xiwlal ax sjaw eb' 'ayin.

Jonás 3:6

A yic xc'och yab'xil jun tic 'a win sreyl Nínive cha, 'ix q'ue wan win 'a sdespacho, xyi'n 'el spichl yic sreyl 'aych yu'uj, ax te n̈achtac sat xya'chi, x'em wocn win 'a scal stan̈l c'ac'.

Hageo 2:22

'Oj wac' lajwc 'ejm yip smasnil jun tzo'n̈ nacion̈ 'ay 'a yolyib'n̈q'uinl tic, ax in juln 'ejm can yopiso eb' 'a sat lu'um. 'Oj wac' pil'chjoc smasnil caruaje yic owal, yet' jantcn̈ej eb' 'aych 'a yojol. 'Oj cham no chej yet' eb' soldado 'ay q'ue 'a yib'n̈ no', junjn eb' mun 'oj stzu' cham sb'a eb' yet' eb' ajun yet'oc.

A Sb'ab'el Carta San Pedro 5:5

Ex quelmtac, ex cob'stac, yiclum tzeyutj e b'a 'a eb' anciano. Ax xo e masnil, 'emmquilal tzlaj eyutc pax e b'a 'ayx junjn ex. Yujto tzyal 'ixtc 'a Ch'an̈ U'un̈: A Dios, tzchac sb'a yet' eb' b'an̈quintac yeq'ui, ax 'a eb' 'emmquilal yeq'ui, tzyac' swach'c'ojlal 'a eb', xchi.

Apoc 18:9

Ax eb' niwc yajl 'a yolyib'n̈q'uinal, eb' xb'on 'ajmulal yet' jun tzalx 'ixl tic. Caw locn eb' yet' 'a sricoal. Palta ax yic 'oj yilnc eb' sq'ue stab'l stz'a'i, caw 'oj 'oc' eb'. 'Oj cul-loc eb' yoc' yu'uj.