Ez 21:9 - Chuj San Sebastian Bible

⁹ Ach 'anma', paxtinan̈ 'el 'a scal eb' 'anma', tzaln 'a eb', to an Jehová Yajl in, an tzwal 'ixtic: 'Iltec wal jun q'uen espada, caw wal jay ye, tzictzni pax yilxi.

Chuj San Mateo Bible

⁹ Ach anima, lolonan̈ d'a in b'i, tzalani to a in Jehová in sval icha tic: Ilecnab' val q'uen espada van sjavi. A q'uen espada te jayxo yaj ye q'ueen. Toxon̈ej copopi yilji q'ueen.

Ez 21:9 Iomraidhean Croise

Job 20:25

A jun jul-lab' cha, tojln̈ej yec' 'a yol sniwnal eb', tz'ec' 'a seyb' eb', tz'elx c'och 'a yichspatc eb'. A yuj jun cha, ax sniwtj chan̈ xiwc'ojlal 'a scal 'anma'.

Job 9:22

Yujto lajn xoj yel'ch jun tzo'n̈ tic tzwila: A Dios tzalni yic tzcham eb' 'ay smul, a pax tzalni yic tzcham eb' may pax smul.

Is 27:1

A 'a yic jun c'ul cha, 'oj sc'anlb'oc Jehová yespada to caw 'ay smay, caw jay pax ye. 'Oj sc'anlb'oc yuj ya'n 'och yailal 'a yib'n̈ no Leviatán, atn no chan to caw jeln sb'eyi, no yajn̈ej tzsetn sb'a; 'oj smil Jehová no dragón chi cajn 'a yojl a mar.

Is 66:16

A Jehová, 'oj sb'eyc'ojloc smasnil 'anma 'a yolyib'n̈q'uinl tic yet' c'ac' mto yet' owal, til wal 'anma 'oj cham yuj jun tzo'n̈ cha.

Jeremías 12:12

Smasnil lum tzalctac 'a lum cusltac lu'um, caw xjaw eb' winc wul satcn 'eli. Yujto an Jehová in tic, 'ay jun wespada, a tz'a'n lajwc 'el eb' 'anma 'a jun nacion̈ tic 'a 'aj tzlajw c'och junjn pac' sti', man̈x 'a 'aj 'ay junc'ojlal.

Jeremías 15:2

Toto tzc'anb'j eb' 'ayach 'ajtil tz'at eb' cha, tzaln 'a eb' to an tzwal 'ixtic: A eb' to 'aych 'a yib'n̈ to a yab'il tzmilni, 'at cab' eb' chamnc 'a scal yab'il cha. Ax eb' to a owl tzmilni, 'at cab' eb' chamnc 'a owal. A eb' to a wejl tzmilni, 'at cab' eb' chamnc 'a 'aj 'ay wejl cha. Ax pax eb' to 'aych 'a yib'n̈ to 'oj yamchjoc 'at 'icha presoal, 'at cab' eb' 'icha presoal chi 'a chuc chon̈b'al, xchi Dios, xa chi 'a eb'.

Jeremías 46:4

'A'c 'och stz'um e no chej, tzex 'och 'a yib'n̈ e no'. 'A'c q'ue e q'uen xumpilin, jun jit'n̈ tzeyutj e b'a. Ñicc sn̈i e lanza. 'A'c 'och smacl sn̈i e c'ojol, xchi cab' eb' 'a eb' soldado cha.

Jeremías 47:7

Palta ¿tas wal 'oj 'aj yoch wa'an? Yujto a Jehová 'ix alni, to 'ixta tz'aji, caw a 'ix alni to tz'och owl 'a chon̈b' Ascalón yet' 'a smasnil eb' cajn 'a sti 'a mar.

Ez 21:15

'Oj xiw smasnil 'anma yuj chaml 'oj 'och cha, 'etzn xo 'och jun espada chi 'a stitc chon̈ab', 'oj xib'tc sb'a 'anma yuj q'ue'en. A jun espada cha, atn q'uen jay yaj ye, q'uen tzictzni yel sc'aq'uil, lista xo yaj smilwji.

Ez 21:28

Ach 'anma', al yab' eb' amonita tzb'uchwj 'a chon̈b' Israel, to an Jehová Yajl in, an 'ixtc tzwutj waln 'a eb': 'Iltec wal jun espada, lista xo yaj smilwji, caw wal tzictzni yel sc'a'l 'icha raya.

Ez 21:3

Al yab' eb' to an Jehová in, an tzwal 'ixtc 'a yib'n̈ eb': An tzwala, to tzin 'och 'ajc'ojlal 'ayex. 'Oj wic' q'uet wespada 'a yol yet'ul, ax in miln cham eb' 'anma wach' snab'en yet' eb' maysch'olnil sb'eyb'al. 'Oj 'el yich scham eb' 'anma 'a stojlal sur masnto 'oj c'och scham eb' 'a stojlal norte.

Ez 21:8

'Ix yaln pax Jehová 'ixtc 'ayin:

Am 9:4

Wach'xam 'oj 'ijxoc 'at eb' 'icha presoal yuj eb' 'ajc'ojol, palta 'oj 'at wac' tzu'xoc cham eb' yet' q'uen espada. 'Oj wa'n̈j 'och syailal eb', man̈oc wach'l 'oj wac' 'a eb', xchi Dios.