Ez 21:7 - Chuj San Sebastian Bible

⁷ Toto tzc'anb'j eb' 'ixtc 'ayach: ¿Tas yuj tzach 'oq'ui? toto xchi eb', al 'a eb' 'ixtic: 'Ay wal jun 'ab'x xwab'i, to 'ay wal jun tas wan sjawi. Smasnil 'anma', 'oj 'el spixn yuj xiwlal, 'oj 'el yip sc'ab' eb'. Toc 'ayt mach te'n 'oj yutc sb'a, c'uxn 'oj 'ib'xoc chan̈ spenc eb' yuj xiwlal cha. Caw wal la'n xo yaji, man̈x najtloc tiempo, xchi Dios, xa chi 'a eb', xchi 'ayin.

Chuj San Mateo Bible

⁷ Tato sc'anb'ej eb' d'ayach tas yuj tzach oq'ui, tzalan d'a eb' icha tic: A yuj yab'ixal jun tas toxo ol ujoc tzin oq'ui. Masanil anima d'a yolyib'an̈q'uinal tic, man̈xo animaoc ol ajcan eb', toxon̈ej ol emcan n̈ojan eb'. Man̈xalaj mach olto yal stec'b'an sb'a. Masanil eb' ol luclonq'ue yoc yuj xivelal, xa chi d'a eb'. A in Jehová in svala' to van sjavi stiempoal, yovalil ol elc'ochoc, xchi Jehová.

Ez 21:7 Iomraidhean Croise

A Ch'an̈ Schab'l Libro Samuel 17:10

Yuj cha, wach'xam 'ay eb' winc chi caw jelan, matz xiw 'icha no león, 'Oj schab'c'ojloc sb'a eb'; yujto smasnil eb' quit chon̈b'ec, yojc eb' to caw jeln a mam chi 'a owal, 'ixta pax eb' ajun yet' cha.

A Ch'an̈ Schab'il Libro Yic Yab'ixal Eb' Rey 21:12

Yuj cha, yaln Jehová sDiosal Israel 'ixtic: An wal 'oj wi' cot yailal 'a yib'n̈ Jerusalén, yet' 'a yib'n̈ Judá tic, caw 'oj tac sc'ojl eb' 'oj 'ab'noc yab'xil.

Salmos 58:7

Sat cab' 'ejm eb' 'icha tz'aj stup 'ejm a a tzb'eyi. Lajn cab' tz'aj eb' 'icha te c'ultc tzte'x yuj 'anma'.

Ex 15:15

A eb' syajlil eb' 'aj Edom, toxn̈ej 'oj sat sc'ojl eb'. Ax eb' syajlil eb' 'aj Moab, 'oj laj 'ib'xoc eb' yuj xiwlal cha. 'Ixta pax eb' cananeo, 'oj laj sc'ub'c 'el sb'a eb'.

Is 13:7

Yuj cha, ax smasnil 'anma', 'oj sicb'oc 'ejm eb' yuj xiwc'ojlal.

Is 28:19

A yic 'oj jawc 'a junjn 'ejem, 'oj e jucx b'ey yu'uj, 'oj jawc 'ayx 'a junjn sq'uin̈b'ial. Sc'ual yac'wlil 'oj eyib'x can chan̈ yu'uj, yic 'oj eyab'nc yab'xil.

Is 35:3

'A'c 'och ste'nal eb' to may yip sc'ab', 'a'c yip eb' 'icha to sicb'nac 'el yoc.

Is 7:2

A 'a jun tiempoal cha, yajnej xit' alxc 'ixtc 'a win rey Acaz yet' 'a eb' 'aych yopiso yet'oc: A eb' 'aj Siria yet' eb' Israel, junn̈j tzyutj sb'a eb' yic tzya'n eb' owl yet' Judá tic, xchi. Yuj cha, 'ix syamn 'och win rey yet' eb' yajl chi yib'x cha'an̈, 'ixta pax eb' 'anma chi smasnil, toxn̈ej tzchinchni eb' 'a yet'l chi 'icha tzyac' te te tz'ib'x yuj 'ic'.

Jeremías 26:12

Xlajw cha, in paxtin 'a eb' yajl cha, yet' 'a eb' chon̈ab', 'ix waln 'a eb' 'ixtic: A Jehová x'a'n wal jun tzo'n̈ xeyab' waln 'a eyib'an̈ yet' 'a jun yatut Dios tic, yet' 'a yib'n̈ jun chon̈b' tic.

Jeremías 49:23

'Ix yaln pax Dios yuj eb' 'aj Damasco 'ixtic: A eb' 'aj chon̈b' Hamat yet' Arfad, caw man̈x 'anmac yaj snab'en eb', yujto caw tu sc'och 'ab'x 'a eb'. Caw xniwtj xiwc'ojlal 'a eb', man̈xtzac stac' yajc' eb' 'a tzaljc'ojlal.

Jeremías 50:43

A wal yic 'oj yab'nc sreyl Babilonia yab'xil jun tic, caw 'oj sicb'oc 'el sc'ab' yuj xiwc'ojlal, caw 'oj 'och 'a somc'ojlal yet' 'a yailal, 'icha wal junc 'ix 'ix wan yalj yune'.

Jeremías 8:18

A 'in cusc'ojlal an Jeremías in tic, man̈x 'a yan̈il, caw tzlajw 'ejm in pixn yuj tzwab'i.

Lm 5:17

Yuj cha, caw ya caj tzcab' on̈, caw wal tz'och pax 'a qui sat on̈.

Ez 20:49

Xlajw cha, xwaln 'ixtic: ¡'Ay, Mamin Jehová! A eb' wit chon̈b' cha, tzlaj yal eb', to a tas tzwal cha, toxn matz nachj xon 'el ab' jun tzo'n̈ paxti chi yuj eb', xin chi 'a 'a.

Ez 21:15

'Oj xiw smasnil 'anma yuj chaml 'oj 'och cha, 'etzn xo 'och jun espada chi 'a stitc chon̈ab', 'oj xib'tc sb'a 'anma yuj q'ue'en. A jun espada cha, atn q'uen jay yaj ye, q'uen tzictzni yel sc'aq'uil, lista xo yaj smilwji.

Ez 21:6

Ach 'anma', ji'jmtac cab' oq'ui, caw wal tz'el cab' yip a pixn oc' 'a sat eb' 'anma cha.

Ez 21:8

'Ix yaln pax Jehová 'ixtc 'ayin:

Ez 22:14

Tom 'oj stac' ste'wtzan sb'a eb' 'a wojltac yic 'oj in b'eyc'ojlanc eb'. A tas tox xwala, yowlal 'oj 'el'choc.

Ez 24:19

Ax smasnil eb' 'anma 'a chon̈b' tic, 'ix yal eb' 'ayn 'ixtic: Al 'ayon̈ tas tzyal 'el'ch jun tzo'n̈ tza ch'ox tic, xchi eb'.

Ez 6:2

Ach 'anma', 'ixc q'ueln 'a jolmctac witz yic chon̈b' Israel, tzaln 'at 'ixtc 'a yib'n̈ eb' 'anma chi ta':

Ez 7:17

'Oj 'el yip sc'ab' eb' smasnil, 'oj 'ib'xoc chan̈ yoc eb' yuj xiwlal,

Ez 7:26

B'elb'ni sjaw yailal 'a yib'n̈ 'anma'; 'ixta pax sjaw yab'xil xiwc'ojlal. 'Oj cob' sayc' eb' junc win in checb' 'aj tzc'anb'j sb'a, palta ma'oj 'ilchjoc yuj eb'. Man̈x 'a pax eb' ya'mal 'och sti eb' 'anma 'oj 'a'n cuyxoc in checnb'il, man̈x 'a pax eb' 'ichmtac winc 'oj 'a'nc snab'en eb'.

Dn 5:6

caw sacb'el win yuj xiwlal. Yuj wal jun xiwlal x'och 'a win cha, syamn 'och win yib'x sniwnal smasnil, caw x'el yip winac.

Lv 26:36

Ax eb' eyin̈tl pitznto 'a scal eb' 'ajc'ojl yajch 'ayx cha, 'oj wac' jawc xiwc'ojlal eb' si'mb'il. 'Oj laj comn 'at eb' 'eloc, yic 'oj yab'nc eb' sc'an̈ yem c'otnjoc junc xil te'. 'Oj laj 'at eb' 'eloc, 'icha to 'ay mach pechjnac eb' yet' q'uen espada. 'Oj laj smac' telwc sb'a eb' s'at 'eloc, palta may mach tzpechn eb'.

Nahúm 2:10

Tox xlajw 'ejm Nínive, cusltac xoj yilx cani. A wal eb' cajn 'a 'a, caw tz'el yip eb' yuj xiwlal. Toxn̈ej tzlan̈lni spenc eb' smasnil, man̈x 'a mach 'ay yip. Caw tzsacb'el sat eb' yuj xiwlal.

Lc 21:26

Caw 'oj sacb'oc 'el eb' 'anma yuj xiwlal, yic 'oj snanc eb' yuj tastc 'oj jawc 'a yolyib'n̈q'uinl tic, yujto 'oj tzicb'tan̈xoc jun tzo'n̈ 'ay spoder 'a satcha'an̈.

Dt 20:8

Tzlajw cha, tzyaln pax eb' syajlil eb' soldado chi 'ixtic: Toto 'ay junc ex caw tzex xiwi, mto matz techj eyuj tzeyab'i, tztac' tzex pax 'a eyatut, yic wach' ma'oj somchjoc chan̈ eb' quit soldadoil tic eyu'uj, xchi cab' eb'.

A Ch'an̈ Carta D'a Eb' Hebreo 12:12

'Ay ex, 'icha to may yip e c'ab', 'icha to sicb'nac 'el eyoc. Caw tzlaj eyac' eyip, sec tzwach' b'o e nab'en.

Josué 5:1

Ax smasnil eb' sreyl eb' amorreo cajn 'a junx sc'axpil 'ec' sti a Jordán, 'a stojlal 'aj tz'em c'u, yet' pax eb' sreyl eb' cananeo cajn 'a sla'nil sti a Mar Mediterráneo, 'ix yab' eb' yab'xil, to tacjnac chan̈ a Jordán yuj Jehová yic ye't chon̈b' Israel 'a yojl a'. Yuj cha, caw wal xiw chan̈ eb', may xon junc eb' ste'wtzej sb'a sjaw yac' owl yet' eb' israel.

Josué 7:5

'Ix pechx eb' yuj ewin 'a 'aj 'ay spuertail chon̈b' cha, masnto 'a jun lugar 'a 'aj tz'ijx 'elt q'uen q'uen tzeyxi. Ax 'a spa'nil 'ejm jun chon̈b' cha, ata xmilx 36 eb' soldado israel cha. Yuj cha, 'ix jaw schab'c'ojlal eb' israel, caw tzsicb' 'el eb' tzyab'i.

A Sb'ab'el Carta San Pedro 4:7

A ticnec, jab'xoj 'oj lajwc 'ec' smasnil tas. Yuj cha, caw lista tzcutjec qui b'a. Te'n tzcutjec qui nab'en qui leslwi.