Ez 21:6 - Chuj San Sebastian Bible

⁶ Ach 'anma', ji'jmtac cab' oq'ui, caw wal tz'el cab' yip a pixn oc' 'a sat eb' 'anma cha.

Chuj San Mateo Bible

⁶ Ach anima, sic'sic'anan̈ val oq'ui, yab'ocab' val syail a pixan, tzach oc' d'a yichan̈ eb' etchon̈ab'.

Ez 21:6 Iomraidhean Croise

Is 16:11

Yuj cha, caw wal tzcus in c'ojl yuj tas 'oj 'aj slajw 'el eb' 'aj Moab yet' eb' 'aj Kir-hareset.

Is 21:3

Caw tzyab' in niwnal syail, caw 'ayn 'och 'a in yailal, 'icha wal junc 'ix 'ix tzyab' syal yalj yune'. Tzin 'och 'a somc'ojlal yuj tas tzlaj wab'i, tzin xiw pax chan̈ yuj tas tzwila.

Is 22:4

Yuj cha, tzwaln 'ixtic: 'Eln̈ec 'a in tz'ey, yujto tzin nib'j caw tzin 'oc' si'mb'il, man̈x eyac' pural eya'n sniwnal in c'ojl yuj yailal 'oj jawc 'a yib'n̈ qui chon̈b'ec tic.

Jeremías 19:10

A yic tzlajw aln jun tzo'n̈ tic, tza ma'n poj lum ch'ub' chi 'a sat eb' 'anma ajun et' cha.

Jeremías 30:6

¿Tom 'ay 'aj tz'alj 'unn 'a eb' winac? ¿Tas yuj toxn̈ej la'n 'och sc'ab' eb' winc chi 'a sc'ojol, 'icha to 'oj 'aljoc 'el junc 'unn 'a eb'? ¿Tas yuj caw tzsacb' 'el sat eb' xiw smasnil?

Jeremías 4:19

Caw wal tzin cumcn 'ec' wab'n syail. Caw tz'ib'x in pixn yuj tas tzlaj uji. Man̈xtzac stac' sictac tzin 'aji. Tox 'ix wab' yoc' q'uen trompeta, yet' jun 'aw yic owal.

Ez 21:12

Ach 'anma', 'el cab' aw oq'ui, yujto 'oj tzu'xoc cham eb' in chon̈ab' yet' eb' 'aych yajlil 'a scal eb'. A eb' yajl cha, junn̈j 'oj 'aj eb' scham yet' eb' chon̈ab', ach xo tic, tza mac' sn̈i a c'ojl yuj cusc'ojlal.

Ez 21:5

Ax yojcan 'el smasnil 'anma', to an Jehová in, an tzwij q'uet wespada 'a yol yet'ul, mant 'oj in molx wespada cha, xchi Dios, xa chi 'a eb'.

Ez 21:7

Toto tzc'anb'j eb' 'ixtc 'ayach: ¿Tas yuj tzach 'oq'ui? toto xchi eb', al 'a eb' 'ixtic: 'Ay wal jun 'ab'x xwab'i, to 'ay wal jun tas wan sjawi. Smasnil 'anma', 'oj 'el spixn yuj xiwlal, 'oj 'el yip sc'ab' eb'. Toc 'ayt mach te'n 'oj yutc sb'a, c'uxn 'oj 'ib'xoc chan̈ spenc eb' yuj xiwlal cha. Caw wal la'n xo yaji, man̈x najtloc tiempo, xchi Dios, xa chi 'a eb', xchi 'ayin.

Ez 32:18

Ach 'anma', b'itnej jun b'it yic chaml tic, yujto til wal eb' soldado 'aj Egipto 'oj chamoc, yet' eb' soldado yic jun tzo'n̈ nacion̈ 'oj c'och eb' 'a scal eb' yit chamnquil cha: A eb' caw jelan, 'oj telwc 'ejm eb', ax sc'och eb' 'a campusan yet' eb' 'ayx 'ec' chi ta'.

Ez 37:20

A chab' te te tza tz'ib'j cha, tzej chan̈ te schab'l yil eb' 'anma cha. Tzlajw cha, junxn̈ej tzotj a yamn te 'a yol a c'ab' yil eb'.

Ez 4:12

A 'ixm wal 'oj a wa cha, 'oj a b'o 'ixm 'a yarinail 'ixm cebada, ax a b'oln 'a stzac'ac'. A stza 'anma cha, a chi 'oj a c'atztzoc, q'ueln 'och eb' 'ayach, ax a b'on tas tza c'ux cha, xchi 'ayin.

Ez 6:11

'Ix yaln pax Jehová Cajlil 'ixtic: Poc' a c'ab', tza te'n 'ejm oc, 'el cab' aw yuj tas tzjaw 'a yib'n̈ eb' et chon̈b' tic. Man̈x jantcoc maysch'olnil x'el sb'on eb', yuj cha, 'oj cham eb' yuj owal, yuj wejel yet' pax yuj yab'il.

Ez 9:4

'ix yaln 'ixtc 'a winac: 'Ixc 'a yol chon̈b' Jerusalén tic, tza'n can 'och yechl eb' 'anma 'a snan̈l sat, eb' to tzcus yuj smul x'och 'a scal eb' 'anma cha, xchi 'a winac.

Dn 5:6

caw sacb'el win yuj xiwlal. Yuj wal jun xiwlal x'och 'a win cha, syamn 'och win yib'x sniwnal smasnil, caw x'el yip winac.

Dn 8:27

An xo an Daniel in tic, caw x'el wip xwab'i, 'ix 'och in yailal jaye c'ual. Xlajw cha, xb'ox in c'ojol, in q'uex wa'an, 'ix in yamn pax 'och wiln wopiso 'ac'b'il yuj win rey. Palta caw wal an̈ja 'ayn 'och 'a somc'ojlal yuj jun tzo'n̈ tas wiljnac 'a in waych cha, yujto caw matz nachj 'el wu'uj, tas wal tzyal 'el'chi, xchi Daniel.

Nahúm 2:10

Tox xlajw 'ejm Nínive, cusltac xoj yilx cani. A wal eb' cajn 'a 'a, caw tz'el yip eb' yuj xiwlal. Toxn̈ej tzlan̈lni spenc eb' smasnil, man̈x 'a mach 'ay yip. Caw tzsacb'el sat eb' yuj xiwlal.

Habacuc 3:16

A yic xwab'n smasnil tas 'oj jawc 'a quib'n̈ chi 'on̈, caw in xiw cha'an̈. 'Ix 'ib'x chan̈ in ti'. Smasnil in niwnal, caw man̈x 'a yip, tzanxn̈ej 'aj in telwi. Wach'xam 'ixta 'oj 'ajoc, palta caw junc'ojlaln̈ej waj in tan̈wni jun c'ual yic 'oj jawc yailal oj 'a yib'n̈ eb' tz'a'n owl quet' on̈.