Ez 2:4 - Chuj San Sebastian Bible

⁴ An tzach in checb't 'a eb' 'anma caw pit sjolom, eb' caw tzatz snab'en. Tzal 'a eb' 'ixtic: 'Ixtc wal xyutj Jehová Cajlil yaln eyu'uj, xa chi 'a eb'.

Chuj San Mateo Bible

⁴ A ticnaic tzach in checb'at d'a juntzan̈ anima te ov sat yuj spital, man̈ jab'oc scha yab' eb', palta tzal d'a eb' icha tic: Icha tic yalan Jehová Cajalil, xa chi d'a eb'.

Ez 2:4 Iomraidhean Croise

A Ch'an̈ B'ab'el Libro Yic Yab'ixal Eb' Rey 22:14

'Ix ta'w win Micaías chi 'ixtc 'a winac: —'A sat Jehová tzwaln 'ayach, a tas 'oj yal Jehová 'ayin, atn chi 'oj 'at wala', xchi.

2 Cr 30:8

Yuj cha, man̈ eyac' pitb'oc 'el e nab'en 'icha yutjnac sb'a eb' qui mam quichmec cha. 'A'c 'och e b'a 'a yol sc'ab' Jehová, jawn̈ec 'a yatut, atn jun sic'b'il 'el yuj 'a smasnil tiempo, tzeya'n servil Jehová qui Diosalec quet' on̈, ax yoch wan yowx 'ayex.

2 Cr 36:13

An̈jtona', 'ix yac' tenmtacl sb'a 'a Nabucodonosor, atn jun 'aj 'ix yac' sti 'a sat Dios, to junxn̈ej tzyutj snab'en yet'oc. Jun 'eln̈ej 'ix yac' pitb'oc 'el snab'en, man̈xtoc 'ix yal sc'ojl xmeltzj 'a Jehová sDiosal chon̈b' Israel.

Salmos 95:8

to 'ixta', man̈ eyac' pitb'oc e b'a, 'icha ya'jnac eb' e mam eyichm 'a Meriba, 'icha pax yutjnac sb'a eb' 'a Masah yic 'ayc' 'eb' 'a lum cusltac lu'um.

Pr 21:29

A junc maysch'olnil snab'en, tzcob' sch'oxli to wach' yaji, palta ax junc wach' snab'en, caw tzya'ilj sb'a yet' swach' b'eyb'al.

Is 48:4

Yujto wojtac to caw wal pit ex, matz eyij 'ejm e b'a, matz ex q'uixw pax jab'oc.

Jeremías 1:7

'Ix yaln Jehová 'ayn 'ixtic: An Jehová in, an tzwala, man̈ ala', chajtlto quelm ach to 'unin, cojn to 'oj a 'atn̈j 'a 'ajtil 'oj ach in checa', ax aln smasnil tas 'oj wac' ala'.

Jeremías 3:3

Yuj wal e mul cha, x'och wan ya'n n̈ab' 'a stiempoal. Caw lajn yilx 'och e sat 'icha junc 'ix 'ajmul 'ix. ¡Caw matz eyec q'uixwc e b'a!

Jeremías 36:21

Xlajw cha, 'ix checx 'at win Jehudí yuj win rey yic tz'at yi'nc win ch'an̈ un̈ chi 'aycn 'a yatut win Elisama cha. Ax yic xjaw win yet' ch'an̈ un̈ cha, 'ix syamn 'och win yawtn ch'an̈ 'a sat win rey, yet' 'a sat smasnil eb' 'ay yopiso oyn 'och smaclni yab'i'.

Jeremías 5:3

'Ix waln 'a 'ixtic: Mamin, a wal mach tza sayq'ui, atn wal eb' 'anma caw yeln̈j tas tzyala. 'Ix a'ch wal yailal 'a yib'n̈ eb' a chon̈ab', palta may jac yel'ch 'a sat eb'. Xlaj a'ch syailal eb', palta ma'ix nachj 'el yuj eb'. Yel xo wal pit snab'en eb', 'ec'b'al stzatzl snab'en eb' 'a yib'n̈ q'uen q'ue'en. Ma'ix snib'j xon eb' xyactjcan stu b'eyb'al, xin chi.

Jeremías 6:15

¿Tom 'ix q'uixw eb' sb'on jun tzo'n̈ maysch'olnil cha? Wal yel, caw ma'ix q'uixw xon wal eb' jab'oc, ¡toxn man̈ yojcoc eb' sq'uixwi! Yuj cha, an Jehová in, an tzwala to a wal yic 'oj wa'nc 'och yailal 'a yib'n̈ eb', 'oj satcn 'el eb', xchi Dios.

Jeremías 8:12

¿Tom tzq'uixw jac eb' yuj jun tzo'n̈ tas matz tzchaj in c'ojl tzb'o cha? Wal yel tzwala, caw matz q'uixw xon eb', caw matz chacb' 'el sat eb' sq'uixw xon jab'oc. Yuj cha, an Jehová in, an tzwala, to a yic 'oj wa'n jawc yailal 'a yib'n̈ eb', 'oj telwc 'ejm eb', 'icha jun tzo'n̈ eb' 'emnc xo, xa chi 'a eb', xchi Dios 'ayin.

Ez 3:11

'Ixc 'at 'ilt pax eb' et chon̈b' 'icha preso yaji, tzaln can yab' eb' jun tzo'n̈ paxti tic, toxn̈ej tzchaj eb' yab'i', mto ma'ay, cojn to tzal 'ixtc 'a eb': 'Ixtc wal xyutj Jehová Cajlil yaln eyu'uj, xa chi 'a eb', xchi 'ayin.

Ez 3:27

Palta an to 'oj wala', ax a paxtin paxi, ax aln 'a eb' 'anma chi 'ixtic: 'Ixtc wal yaln Jehová Cajlil, xa chi 'a eb'. A eb' tznib'j 'ab'noc, yab' cab' eb', ax eb' matz nib'j 'ab'noc, man̈ yowlalc tzyab' eb', yujto caw wal pit eb', xchi 'ayin.

Ez 3:4

Xlajw cha, xyaln 'ixtc 'ayin: Ach 'anma', 'ixc 'a scal eb' et israelal, tzaln can in paxti tic 'a eb'.

Ez 3:7

Palta a eb' et israelal cha, ma'oj snib'c eb' yab' tas 'oj ala', yujto matz nib'j xon eb' yab' tas tzwala. A smasnil eb' et chon̈b' cha, caw wal pit eb', caw tzatz pax snab'en eb'.

Am 7:15

Palta a Jehová in 'i'n 'och wan 'a cajj noc' cha, 'ix yaln 'ayn 'ixtic: 'Ixic 'at al-l in paxti 'a chon̈b' Israel, xchi.

Zacarías 7:12

Caw pit xyutj eb' snab'en, 'icha stzatzl q'uen yax q'ue'en, sec wach' matz chaj eb' yab' cuynb'il yet' checnb'il 'ix wal 'a eb', atn jun tzo'n̈ yaljnac 'el eb' in checb' yuj Wespíritu 'a yic pecti'. Yuj cha, caw niwn xcot yowl in c'ojol.

Mt 10:16

'Ab'ec, 'oj ex in checb't 'icha jun tzo'n̈ calnelu tz'at 'a scal no 'oques, 'ixta 'oj eyaji. Yuj cha, caw lista tzeyutj e b'a 'icha junc chan caw jelan, palta caw manso tzeyutj pax e b'a 'icha junc no parama.

Dt 10:16

'A'c 'och yechl jun trato tic 'a e nab'en, man̈ eyac' pitl e b'a 'a 'a,

Dt 31:27

Yujto wojtac, to ax tic caw wal pit ex, tenmtac ex. 'Aynto cob' 'ec' eyet'oc, palta 'in toxn to tenmtac tzeyutj e b'a 'a Jehová Dios, ¿ocxom wal yic 'oj in chami?