Ez 17:3 - Chuj San Sebastian Bible

³ Tzaln 'a eb' to an tzwal jun ab'x tic 'ixtic: 'Ay wal jun no niwquil salt'iw xc'och 'a Líbano, caw niwc sc'axl no', tz'ib'quintac yilx xil no cha. Sn̈a'n cot no schon jun te c'ute'.

Chuj San Mateo Bible

³ Icha tic tz'aj alani: Icha tic yalan Jehová Cajalil: Ay val jun noc' nivan ch'acb'a ix c'och d'a Líbano, a sc'axil noc' te nivac, te najatto sc'och jen̈an, tz'ib'ib'i yilji xiil noc'. A d'a sc'ab' jun te' c'ute' ix c'och noc'.

Ez 17:3 Iomraidhean Croise

Jeremías 24:1

A Jeconías sreyl Judá yunnal Joacim, 'ix 'ijx 'at 'icha presoal yuj Nabucodonosor sreyl Babilonia. 'Ix 'ijx 'at pax eb' 'aych yajlil yet'oc, eb' b'om n̈a, yet' pax eb' tenmq'ue'en. Xlajw cha, 'icha waychil 'ix yutj Jehová sch'oxn chab' xuc te sat higo 'ayin, ata 'ay 'a yojltac yatut Jehová cha.

Jeremías 4:13

'Ix yaln pax Jehová 'ixtic: 'Iltec wal scot eb' 'ajc'ojol, lajn wal scot eb' 'icha junc 'asun. A wal scaruaje eb', lajn sb'ey 'icha junc chacxuxm 'ic'. 'Ec'b'al sb'ey schej eb' 'a no salt'iw. Alc 'ixtic: ¡'Oltacn̈ec wal an̈ec tic, caw wal 'oj qui satc 'eli! xe chi.

Jeremías 48:40

Tzyaln Jehová pax 'ixtic: A jun 'ajc'ojl yajch 'a Moab, 'ix c'och lemnjoc 'a 'a, 'icha sc'och jen̈n̈oc junc no c'uc'um.

Jeremías 49:16

Mun ax tzeyixtj 'el e b'a yuj e b'an̈quintaquil, toc 'ay mach tzxiw 'ayx 'icha cob' yaj e nani. A 'a yoltc sjatlil q'uen niwn tenm 'ay 'a jolmctac witz, ata tzex can cajan. An Jehová in, an tzwala, wach'xam ata tzex 'aj cajn 'a 'aj yel xo caw cha'an̈, 'icha 'aj tzb'o no salt'iw so', palta yowlal 'oj ex wic' 'emt ta'.

Lm 4:19

A eb' tzon̈ pechn b'eyc'oc on̈, yel xo jeln sb'ey eb' 'a no c'u'm tz'ec' 'a satcha'an̈. Tzon̈ spech eb' 'a lum jolmctac witz on̈, tzon̈ smac eb' 'a lum cusltac lum on̈.

Ez 17:4

Sc'uychtan 'el no te schon cha, xyi'n 'at no te', axta x'at yawc no te 'a schon̈b' jun tzo'n̈ eb' chon̈wjum.

Ez 17:7

'Ay junx no salt'iw caw niwquil, niwc sc'axl no', caw pim xil no'. 'Ix c'och te sch'an̈l yib' chi 'a stz'ey no', ax te sc'ab' cha, x'at t'in̈n te', yic tzc'och te 'a no', sec tzya'ch no yalil te 'a 'aj 'awb'il cha.

Ez 31:3

'Oj ach in lajb'tzoc yet' junc te c'ute 'a Líbano. A te te cha, caw wach' yilx sc'ab' te', tzlaj yac' te yen̈l 'a eb' te yit tel 'a stz'ey cha, caw niwquil 'ajnc ste'il, 'ec'b'al stel 'a yib'n̈ jun tzo'n̈ xo te te cha.

Dn 2:38

Ach ya'n 'och yajlil 'a sat smasnil lum lum 'aj cajn eb' 'anma', 'aj 'ay no calte'al noc', yet' no ch'ic. A Dios cha, a 'a'jnacch 'och yajlil 'a yib'n̈ smasnil tas, yuj cha, ach tzach yal sjolm jun yechl to nab'a oro cha.

Dn 4:22

A mach tzch'ox jun te cha, ach ton mamin rey, caw 'ix ach q'uib' yet' a b'inab'ilal. 'Ix 'och ep, masnto 'ix q'ue'ch a b'inax 'a satcha'an̈. 'Ix c'och a'n yajlil 'a 'aj tzlajw c'och lum lum tic.

Dn 7:4

A jun no xb'ab'l q'ueta, lajn yilx 'icha no león, palta 'ay sc'axl 'icha no salt'iw. Ya' sb'a wanto wiln cha, ax xwilni 'ix to'x 'el jun tzo'n̈ sc'axl cha, xlajw cha, x'ijx chan̈ lin̈n 'a sat lu'um. 'Icha 'anma x'aj chan̈ lin̈an. 'Ix jelmj snab'en, 'icha xo snab'en 'anma x'ajcni.

Os 8:1

Ach Oseas, ¡'Utz'j a trompeta! yujto wan sjaw tza'n̈joc eb' 'ajc'ojl 'a eb' in chon̈b' 'icha junc no c'uc'um, yujto ma'ix syiclj eb' in trato in b'ojnac yet'oc, tenmtac xyutj sb'a eb' 'a in cuynb'il.

Habacuc 1:8

Ax schej eb' tzc'ana, yel xo wal jeln sb'ey no 'a yib'n̈ no leopardo. Ax eb' soldado 'ay q'ue 'a yib'n̈ no', yel xo wal ow eb' 'a yib'n̈ no 'ocs tz'ec' 'a 'ac'wal. Caw man̈x yalnb'ilc sb'isl schej eb' cha, najtto 'ay e no', tz'at lemnjoc e no 'a owl cha, 'icha wal s'at lemnjoc no c'uc'um yic tzyamn no schib'ej.

Mt 24:28

'Icha pax 'aj tzcheclj sniwnal junc no chamnc noc', yujto ata tzyam sb'a no 'usej, 'ixta 'oj 'ajoc.

Mt 4:24

C'uxn 'ix puccn 'el yab'xil 'a scal smasnil eb' 'aj Siria. Yuj cha, smasnil eb' ya'ay yuj tzann̈j yab'ilal, 'ix 'ijx cot eb' 'a 'a. An̈jtona yet' eb' tz'ixtx yuj ewin demonio yet' eb' tzcot owya 'a sjolom, yet' eb' sicb'nac 'eli, 'ix ya'n can b'oxc sc'ojl eb' smasnil.

Dt 28:49

A junc nacion̈al eb' 'anma caw najt 'ay 'a slajb' yolyib'n̈q'uinl tic, a 'oj yi' cot Jehová 'ayex. 'Icha wal sjelnal sb'ey junc no salt'iw yic tzjen̈wj no', 'ixta 'oj 'aj sjaw eb'. Chuc sti eb', ma'oj eyab' tas tzyal eb'.