Ez 17:11 - Chuj San Sebastian Bible

¹¹ 'Ix yaln pax Jehová 'ayn 'ixtic:

Chuj San Mateo Bible

¹¹ Ix yalanxi Jehová d'ayin icha tic:

Ez 17:11 Iomraidhean Croise

2 Cr 36:13

An̈jtona', 'ix yac' tenmtacl sb'a 'a Nabucodonosor, atn jun 'aj 'ix yac' sti 'a sat Dios, to junxn̈ej tzyutj snab'en yet'oc. Jun 'eln̈ej 'ix yac' pitb'oc 'el snab'en, man̈xtoc 'ix yal sc'ojl xmeltzj 'a Jehová sDiosal chon̈b' Israel.

Salmos 88:9

Caw wal tzin 'oc' si'mb'il, tzmal yol in sat woc' yuj in cusc'ojlal. Mamin Jehová, 'a junjn c'u tzwaln in b'a 'ayach, a 'aych tzin moj q'ue in c'ab'.

Jeremías 24:8

Ax pax Sedequías sreyl Judá, yet' eb' 'aych yajlil yet'oc, yet' pax smasnil eb' cajn 'a Jerusalén, atn eb' xcanto 'a jun nacion̈ tic, yet' pax eb' xc'och cajn 'a Egipto, a eb' cha, lajn wal yaj eb' 'a in sat 'icha te sat higo c'al xo, matz tac' sloxi.

Jeremías 27:12

Yuj cha, in meltzj waln pax jun tzo'n̈ tic 'a Sedequías sreyl Judá. 'Ix waln 'ixtc 'a 'a: 'A'ch a b'a 'a yaln̈ schecnb'il sreyl Babilonia yet' 'a eb' schon̈b' winac, sec wach' ma'oj a chami.

Ez 17:10

Wach'xam 'oj cob' 'awxoc paxi, palta man̈x 'oj wolnoc, ax 'ic' 'oj cot 'a stojlal 'aj tzq'uel c'u, a 'oj ma'nc tacjoc. 'Oj tacjoc chan̈ 'a yet'l 'aj 'awb'il cha, xa chi 'a eb', xchi Dios 'ayin.

Ez 17:12

C'anb'j 'a eb' et chon̈b' tenmtac cha, tzam nachj 'el yuj eb' tas tzyal 'el'ch jun 'ab'x tzal cha. Al 'ixtc 'a eb': A no b'ab'l salt'iw cha, tzyal 'el'chi atn win sreyl Babilonia. 'Ix c'och win 'a Jerusalén, 'ix yi'n cot win eb' syajlil Judá yet' sreyl 'icha presoal. 'Ix yij cot win eb' yet' 'a Babilonia tic.