Ez 16:6 - Chuj San Sebastian Bible

⁶ An xo, in 'ec' 'a stz'ey, 'ix wiln 'ochi to caw wal c'almtac yilx yet' schiq'uil, 'ix in nani to wach' tzpitzw chan̈ 'a scal schic'l cha.

Chuj San Mateo Bible

⁶ Axo yic ix in ec' d'a stz'ey ix, ix vilani to miicmiic ix yuj schiq'uil, ix in naani to smoj sq'uib' ix.

Ez 16:6 Iomraidhean Croise

Is 14:19

Ach xo tic, najt ach julx can 'el 'icha c'alem 'ayx sjab', xjulx can 'ejm a niwnal 'a scal eb' xi'lb'a, eb' 'icha to tec'b'il can 'ejm sniwnal 'a scal q'uen 'a yol xab' olan.

Is 51:23

Ata 'oj wa'x 'a eb' tzlaj ex 'ixtn cha, atn eb' xlaj aln 'ayx 'ixtic: E'n̈ec teln 'a sat lum tic, ax qui b'atj 'ec' 'a eyib'n̈ on̈, xchi eb' 'ayex; ex 'ec' teln 'a sat lum cha, ex ste'wtan̈n eb' 'icha pococ, xchi Dios.

Ez 16:22

Yuj yajmulal yet' tas yajb'entac sb'o'o, yuj cha, man̈xtzac sna cot tas 'ajnc scot 'a yune'al, matz na coti toto jitn 'eli, yic 'ayt 'ec' 'a scal schiq'uil. 'Icha junc 'ix 'ix cha, 'ixta yaj Jerusalén 'a in sat.

Ez 16:5

May xon mach 'ix 'o'ch sc'ojl 'a 'a, yic tzb'on eb' jun tzo'n̈ cha. A yic x'alj cha, xcan t'ocn yuj eb' 'a sat lu'um, caw yajb'il yuj eb'.

Ez 16:7

An xin q'uib'tzej 'icha junc te c'ultc tzpac'chan̈ 'a sat lu'um. Xq'uib' cha'an̈, yajn̈ej 'ix 'och yip, caw wach' pax yilx 'icha junc 'ix cob's xq'uib' 'elt yim 'a sn̈i sc'ojol, xq'uib' pax xil sjolom, palta jitn 'eli, may spichul.

Miqueas 7:10

An̈jtona eb' 'ajc'ojl yajch 'ayn̈ec, 'oj yac' Dios yil pax eb' jun tic, caw 'oj q'uixwc can 'el eb' yu'uj. Atn eb' aljnac 'ayn̈ec 'ixtic: ¿'Ajtil 'ay Jehová e Diosal cha? xchi eb'. Palta a ticnec, 'oj quilc wal tas 'oj 'aj slajw 'el eb'. 'Oj te'wtan̈xoc eb' 'icha lum b'i'ch 'a yoltc caye.

Mt 5:13

'Icha yatz'mil tas tzc'uxxi, 'ixta eyaj 'a yolyib'n̈q'uinl tic. Q'uinloc 'ay junc 'atz'm tzsat sc'achi'al. ¿Tast wal 'oj 'aj sc'achib'i jun 'ejm xo? Man̈x 'a yopiso, toxn̈ej tzjulx 'eli, tzlaj te'x yuj eb' 'anma'.

Jn 5:25

Wal yel tzwal 'ayex, a ticnec, tox 'ix jaw stiempoal yab'n eb' chamnc in jaj an Yunnaln Dios tic. A eb' tzyiclni, atn eb' 'oj scha sq'uinal.

A Tas Sc'ulejnac Eb' Schecab' Jesús Hechos 7:34

A eb' in chon̈b' 'ayc' 'a Egipto, tzwila, caw wan yab'n eb' syal ta'. Tzwab'i, caw tzc'acw eb' yab'n syail. Yuj cha, in jaw wul wic' 'elt eb' 'a scal syail. Yuj cha, 'ixic. To ach 'oj ach in checb't 'a Egipto cha, xchi Dios 'a Moisés.

Ro 9:15

Yujto yaljnac can 'ixtc 'a Moisés: 'Oj wac' in wach'c'ojlal 'a eb' 'aj tzyal in c'ojl tzwac'a, an̈jtona', 'oj 'o'ch pax in c'ojl 'a eb' 'aj tzyaln̈j in c'ojol, xchi Dios.

Dt 9:4

A yic tox xlajw 'el eb' 'anma chi 'a eyojltac yuj Jehová, 'ayx cob' 'oj eyal 'ixtic: Yuj wal qui wach'il, yuj cha, on̈ yi'nec cot Jehová 'a jun lugar tic, 'oj e chioc. Palta yuj smul eb' 'anma 'a jun lugar cha, yuj cha, tzsatn 'el Dios eb'.

A Ch'an̈ Carta D'a Eb' Hebreo 10:29

Ax ticnec, toto tzqui patquilj can 'el Yunnal Dios, toto man̈x 'a yel'ch schic'l 'a qui satec, toto tzca'c sq'uixwloc Yespíritu Dios, atn jun 'ay schamc'ojlal 'ayn̈ec, toto 'ixta', ¿jantc tom wal niwn yailal 'oj qui cha 'a yib'n̈ eb' ma'ix yiclni ley yic Moisés? Yujto a schic'l Yunnal Dios cha, a 'a'jnac 'el'choc strato Dios 'ayn̈ec. Yu'uj, c'uxn x'el qui mul 'ayn̈ec.

Apoc 14:20

A jun te'lab' 'el yal uva cha, a 'a sti 'el chon̈b' 'ay. 'Icha tzte'x te uva si'mb'il, 'ixta wal x'aj eb' 'anma cha. Ax schic'l eb' x'eli, caw pim x'aji. 'Icha schan̈il 'aj 'aych sfreno e no chej 'a sti', 'ixta xq'ue'ch spimal. Ax 'aj xlajw c'och suyn schic'l eb' cha, 'aym 'oxe'oc ciente kilómetro x'aj't snajtil, 'icha wal junc niwquil pama'.