Ez 13:2 - Chuj San Sebastian Bible

² Ach 'anma', al jun tzo'n̈ in paxti tic 'a eb' tzcob' yalch sb'a in checb'oc 'a scal eb' israel. A eb' cha, mun tzcob' yal eb' junc tas 'a yol yico', al yab' eb' to an Jehová in, an tzwal 'ixtic:

Chuj San Mateo Bible

² Ach anima, al juntzan̈ in lolonel tic d'a juntzan̈ eb' syaloch sb'a in checab'oc d'a eb' etisraelal, aton eb' scomon lolon d'a yol yico'. Al d'a eb' to smaclej yab' in lolonel eb', a in Jehová e Yajal in tic sval icha tic:

Ez 13:2 Iomraidhean Croise

A Ch'an̈ B'ab'el Libro Yic Yab'ixal Eb' Rey 22:19

Yuj cha, 'ix yaln win Micaías chi 'ixtic: —'Ab' wal spaxti Jehová. 'Ix wila chotn 'ejm Jehová 'a sdespacho, ax eb' yángel 'a satcha'an̈ oyn 'och eb' 'a stz'ey.

Is 1:10

Ex 'aj Jerusalén lajn ex yet' eb' eyajlil, 'icha wal eb' 'aj Sodoma yet' eb' 'aj Gomorra 'ixta 'ex. 'Ab'ec, a jun tzo'n̈ paxti tic, cuynb'il xyac' Jehová qui Diosalec.

Is 28:14

Ex yajl eyaj 'a Jerusalén, caw wal b'uchmtac ex, 'ab'c wal spaxti Jehová.

Is 9:15

(A jun jolm cha, tzyal 'el'chi, atn eb' yichm wincal chon̈ab' yet' eb' yajl yaj 'a scal eb'. Ax jun sn̈e cha, atn eb' tzcob' yalch sb'a schecb'oc Dios, palta yes eb'.)

Jeremías 23:2

A Jehová qui Diosalec an̈ israel on̈c tic, a tzaln 'ixtc 'a eb' yilmal schon̈ab', atn eb' yajl yaj 'a yib'n̈ eb': Ax tic, 'ix eyac' sactzic can 'at eb' in chon̈ab', xe xib'tj can 'at eb', ma'ix eya'ilj eb'. Yuj cha, an Jehová in, an tzwala, caw 'oj wa'ch yailal 'a eyib'n̈ yuj tas maysch'olnil tze b'o cha.

Jeremías 27:14

Man̈ a cha ab' tas tzyal jun tzo'n̈ tzyalch sb'a schecb'oc Dios cha, atn eb' tzalni to matz a'ch a b'a 'a yaln̈ schecnb'il jun rey cha. A tas tzyal eb' cha, caw 'esn̈ej.

Jeremías 27:18

Toto caw yel in checb' yaj eb', leslwoc cab' eb' 'ayin, yujto an ton tic Jehová in, tztac' wuj smasnil. Sc'an cab' eb' 'ayin, sec wach' man̈xtzac 'ijx 'at jun tzo'n̈ xo syamc'ab'il watut 'a Babilonia, yet' tas 'ayt can 'a sdespacho win sreyl Judá, yet' 'a Jerusalén, xchi Dios, xin chi 'a eb'.

Jeremías 37:19

A jun tzo'n̈ xyalch sb'a schecb'oc Dios, eb' 'ix alni to ma'oj jawc win sreyl Babilonia wul yac' owl yet' jun chon̈b' tic, toc 'ix a'ch eb' 'a preso.

Jeremías 5:31

Cojn 'es tzyal-l eb' tzcob' yalch sb'a in checb'oc. Ax eb' ya'mal 'och sti eb' 'anma 'ayin, tzyac' eb' yajlil 'icha tas tznib'ej. Ax jun in chon̈b' tic, wach' tzyab' 'ixta'. Palta ¿tas wal 'oj yutc sb'a eb', yic 'oj jawc jun slajb' tiempoal? xchi Dios.

Jeremías 8:10

Yuj wal cha, 'oj wa'cn 'och yistl eb' 'a yol sc'ab' jun tzo'n̈ocx winac, yet' pax slum eb', chucx mach 'oj 'ica'anoc. Smasnil eb' niwc yel'chi, yet' eb' may yel'chi, axn̈ej tas tzyac' ganar eb' 'a spatc maysch'olnil, a chi tzna eb'. 'Ixta pax eb' tzyalch sb'a in checb'oc, yet' eb' tz'a'n 'och e ti 'ayin, cojxn̈ej 'elc'l tzb'o eb'.

Lm 4:13

'Ixta 'ix uji, yuj wal smul eb' schecb' Dios yet' yuj smul eb' ya'mal 'och sti eb' 'anma 'a Dios, yujto til wal 'anma may smul 'ix smil eb' 'a yol chon̈ab'.

Ez 13:1

'Ix yaln Jehová 'ayn 'ixtic:

Ez 13:17

Ach 'anma', a ticnec al 'a jun tzo'n̈ eb' 'ix et chon̈ab', eb' 'ix cob' xyalch sb'a in checb'oc. A eb' 'ix cha, mun cob' tzyal eb' 'ix junc tas 'a yol yico'.

Ez 13:3

¡'Ay, 'oltac wal jun tzo'n̈ eb' checb' mun tzcob' yal junc tas 'a yol yico'! Man̈ yeloc to 'ay tas tzyil eb' cha.

Ez 16:35

Yuj cha, an Jehová Yajl in, an tzwal 'ixtc yuj 'ix 'ajmul 'ix cha:

Ez 22:25

A eb' 'aych yajlil 'a scal eb' 'anma cha, lajn wal eb' 'icha no león tz'el yaw sayn 'ec' schib'ej. A eb' cha, 'anma tzlaj smil eb', tzlaj yi'nc 'ec' eb' tas 'ay 'a eb' 'anma', til wal eb' 'ix 'ix tzcham yichmil yuj eb'.

Ez 22:28

Ax eb' tzcob' yalch sb'a in checb'oc 'a scal eb' chon̈ab', tzlaj sc'ub'c 'el eb' smul, 'icha tz'aj yoch tan̈ 'a yich junc n̈a, tzmacchj 'el cob' lum xamit yu'uj, 'ixta tzyutj eb' tzmacn sat eb' chon̈b' cha. Tzlaj cob' yalnc eb' to 'ay tas tzwac' yil eb', tznan chan̈ eb' tas tzyutj eb' ya'n 'es, tzcob' yalnc eb' 'ixtic: A Jehová Cajlil, a tz'a'n cal jun tzo'n̈ tic on̈, xchi cob' eb', palta wal yel, may tas tzwac' yal eb'.

Ez 34:7

Yuj cha, ex 'icha 'ilm calnelu eyaj 'a in chon̈ab', 'ab'c wal tas tzwala:

Ez 34:9

Yuj cha, an Jehová Yajl in, an tzwal 'ixtic: Ax yilmal in chon̈b' eyaji, 'ab'tec tas tzwala: 'Oj wac' yowlal eb' in chon̈b' chi 'ayex; ax ex wi'n 'el 'a eyopiso, sec man̈x 'oj e tz'ac eyil in chon̈b' cha, yujto mun ax tze tan̈wj e b'a. 'Oj wi'cc eb' in chon̈b' 'a yol e c'ab', sec man̈x 'oj e wa 'a spatc eb'.

Miqueas 3:11

A eb' juez yaj 'a yol chon̈ab', man̈ wach'c tzyutj eb' sb'onyaj junc 'anma', tzchaj eb' q'uen c'ultac tumin. An̈jtona eb' tz'a'n 'och qui ti 'a Dios, yujn̈ej schan eb' tumin, yuj cha, tzcuywj eb'. 'Ixta pax eb' tzyalch sb'a schecb'oc Dios, yujn̈ej schan eb' tumin, yuj cha, tzyaln eb' tas tz'aj 'el'ch junc mach. Tzyaln pax eb' to 'aych Dios yet' eb', yuj cha, tzyaln eb' 'ixtic: A Jehová 'aych quet'ec, yuj cha, may yailal 'oj 'ec' 'a quib'n̈ec, xchi cob' eb'.

Miqueas 3:6

'Icha to yajn̈ej 'oj 'ec' c'u 'a yib'n̈ eb', ax scancn eb' 'a scal q'uic'q'uinal. Man̈x 'a b'a'n̈ 'oj ch'oxxoc yil eb' jun tzo'n̈ tas 'a 'icha waychil, man̈x 'oj stac' yaln pax 'el eb' tas 'oj ujc b'aq'uin̈, xin chi, xchi Dios.

Sofonías 3:4

A eb' tzyalch sb'a schecb'oc Dios, caw tzb'an̈ sb'a eb', 'a'm 'es eb'. A eb' ya'mal 'och sti eb' 'anma', tzyixtj 'el eb' scajnub' Dios, tzjeln eb' tas tzyal sley.