Ez 12:3 - Chuj San Sebastian Bible

³ Yuj cha, molb'tzej tas 'ay 'ayach, tze'ni tzach 'ati, 'icha to tzach 'ijx 'at 'icha presoal. A cab' 'a c'ul tza b'o jun tic, sec tzyil eb' smasnil. 'Eln̈ 'a et'l cha, chucx junc lugar 'aj tzach c'och yil eb', sec lemb'il 'oj yil cot sb'a eb', yujto caw pit jun chon̈b'al eb' 'anma tic.

Chuj San Mateo Bible

³ Yuj chi' molb'ej a c'ael, ichato van ic'jib'at d'a ch'oc chon̈ab'il. D'a c'ualil, yichan̈ val eb' tzach elta d'a yol a pat, ch'ocxo b'aj tzach b'atcani, tecan ol nachajel yuj eb' icha chi, vach'chom te pit eb'.

Ez 12:3 Iomraidhean Croise

Salmos 81:13

A eb' in chon̈ab', comnoc xyab' eb' tas xwala; comnoc sb'eylb'ej eb' israel tas xwal 'a 'a.

Jeremías 10:17

Ex 'aj chon̈b' Jerusalén, caw oyb'ilx xo, molb'tzejc smasnil tas 'ay 'ayex.

Jeremías 26:3

Toq'ue tzchaj eb' yab'i', ax yactn can eb' stu b'eyb'al. To 'ixta', man̈x 'oj wa' cot yailal xin nalb'ej wa'n 'och 'a yib'n̈ eb' yuj smaysch'olnilal cha.

Jeremías 27:2

'Ix yaln 'ixtic: B'o jaye'oc lasu yet' junc te yugo, tzlajw cha, tza'n 'och 'a a jaj.

Jeremías 36:3

'Awtj yab' eb' 'aj Judá, toq'ue a yic 'oj yab'nc eb' yuj jun tzo'n̈ yailal to nab'il wa'n cot 'a yib'an̈, toq'ue yuj cha, ax yactn can eb' smaysch'olnilal, to 'ixta', 'oj wac' lajwc smul eb' 'a yib'an̈, xchi Dios 'ayin.

Jeremías 36:7

Toq'ue 'oj yal sb'a eb' chon̈b' tic 'a Jehová, ax yactn can eb' smaysch'olnilal. Yujto caw wal niwquil yowl sc'ojl Dios snalb'ej ya'n cot 'a yib'n̈ jun chon̈b' tic, xin chi 'a 'a.

Jeremías 7:26

Palta ax xo tic, ma'ix eyiclj tas 'ix wala, tenmtac xeyutj e b'a, yel xo wal tu xeyutj e b'a 'a yib'n̈ eb' e mam eyichm cha.

Ez 12:7

Xin b'on in pa 'a c'ul 'icha x'aj yalx 'ayin. Ax 'a yemc'ual, xin b'on jun oln 'a sat yich watut cha. A yic wan sq'uic'b'i, 'ix wa'n q'ue in pa chi 'a in quelab', q'ueln 'och eb' 'anma chi 'ayin yic in 'elt 'a jun oln cha.

Ez 3:26

An xo 'oj ach wa'ch sucal, 'oj can tzayn ac' 'a yol a jom, man̈x 'oj stac' a paxtini, ma'oj stac' a tenn 'och wan eb' 'anma cha, yujto caw wal pit xon eb'.

Ez 3:27

Palta an to 'oj wala', ax a paxtin paxi, ax aln 'a eb' 'anma chi 'ixtic: 'Ixtc wal yaln Jehová Cajlil, xa chi 'a eb'. A eb' tznib'j 'ab'noc, yab' cab' eb', ax eb' matz nib'j 'ab'noc, man̈ yowlalc tzyab' eb', yujto caw wal pit eb', xchi 'ayin.

Ez 33:11

An Jehová in, an tzwal 'ixtc 'a eb': Matz in nib'j to tzcham eb' tz'och smul, palta to tzin nib'j to tzjel eb' sb'eyb'al, sec pitzn eb'. Ex israel, 'actjec can jun tzo'n̈ e b'eyb'al cha, sec ma'oj e chami, xchi Dios.

Ez 43:11

Toto 'oj q'uixwc chan̈ eb' yuj tas xlaj sb'o cha, to 'ixta', tza ch'ox yil eb' tas yaj watut sb'o'i, tastc 'ay 'a yojol, chajtl pax yilx smac 'aj tzon̈ 'ochi yet' 'aj tzon̈ 'el paxta, yet' pax jantc yechl 'a smasnil. Tzaln yab' eb' jun tzo'n̈ ley tas tz'aj yoch 'emmquilal 'a watut tic. B'o yechl chi yil eb', tza tz'ib'n pax smasnil jun tzo'n̈ ley cha, sec 'oj stac' syiclni eb'.

Lc 13:34

Ax wal tic ex 'aj Jerusalén, caw tzlaj e mil cham eb' schecb' Dios. Ax jun tzo'n̈ xo eb' tzchecx cot yuj Dios 'ayex, ton̈j tzlaj e jul cham eb' yet' q'uen q'ue'en. Til xo wal 'ejm tzex wawtj cot 'ayin, 'icha junc caxtiln̈ tzyawtj cot yune', tzmoyni. 'Ixta tzex wutej, palta toxn matz yal e c'ojol.

Lc 20:13

Yuj cha, xyaln win 'aj lum chi 'ixtic: ¿Tasm 'oj 'aj ticnec? Tic 'oj in checb't jun wunnal xajn wuj tic. Tecn 'oj xiw eb' yu'uj, xchi cob' winac.

Dt 32:29

Q'uinloc 'ay snab'en eb', to 'ixta', tznachj 'el yuj eb', tzyojcan 'el eb', tas 'oj 'aj 'el'ch eb'.

Dt 5:29

Comnoc wal 'ichn̈jta snab'en eb', sec 'ay wel'ch 'a sat eb', tzyiclni eb' smasnil in checnb'il 'a junjn c'u. Toto 'ixta', 'icha wal swach'l tz'aj yec' yuj eb', 'ixta pax 'oj 'ec' yuj yunnal eb' b'aq'uin̈.

2 Ti 2:25

An̈jtona', 'emmquil tzyutj eb' yaln 'a eb' tzchichn 'och 'a 'a. Toq'ue 'oj yac' Dios sna sb'a eb', ax yojcan 'el eb' jun cuynb'il caw yel.