Ez 10:1 - Chuj San Sebastian Bible

¹ Ax xwilni, a 'a yib'n̈ jun 'icha samq'uen pachn q'ue 'a yib'n̈ sjolm eb' querubín cha, ata 'ix checlj chan̈ jun 'icha yilx junc despacho, lajn wal yilx 'icha q'uen zafiro.

Chuj San Mateo Bible

¹ Ix lajvi chi' ix vilan d'a yib'an̈ jun b'achanb'at d'a yib'an̈ eb' querubín, ata' ix sch'ox sb'a jun tas icha junoc trono, lajan val yilji icha q'uen zafiro.

Ez 10:1 Iomraidhean Croise

Gn 18:17

Yuj cha, snan Jehová 'ixtic: Smoj waln yab' Abraham tic tas jab'xoj in b'oni,

Gn 18:2

ax xyilni lin̈n 'ec' 'oxwn̈ winc 'a yojltac 'ati. A yic 'ix yiln cha, yajn̈j wal cha, 'ix 'at win 'at scha eb' muc'uc. Xlajw cha, x'em n̈ojnjoc win 'a sat lum 'a yojltac eb'.

Gn 18:22

A chawn̈ eb' winc x'ec' paxtinc yet' Abraham cha, tojl xoj x'at eb' 'a Sodoma, ax pax Abraham, 'ix cancn paxtinc yet' Jehová.

Gn 18:31

'Ix 'och tecn Abraham yaln 'ixtc 'a Dios: —Mamin ach Wajlil, tzin tew 'och wal 'ayach, ¿tas wal tzotej, toto cojxn junc'l 'anma may smul? xchi. 'Ix ta'w pax Dios, xyalni: —Yuj junc'l 'anma wach' sb'eyb'al cha, ma'oj in satl jun chon̈b' cha, xchi.

Gn 3:24

Xlajw yelt can eb' 'anma chi yuj Dios, 'ix ya'n can 'och jun tzo'n̈ eb' querubín 'a stojlal 'aj tzq'uel c'u 'a Edén, yet' jun q'uen espada tzictzni yel sc'aq'uil yic tz'ec' oyyoc, sec wach' man̈x 'a junc mach tztac' yochi, yic tzlon sat te te tz'a'n q'uinl cha.

Gn 32:24

Ax Jacob xcan sch'ocoj, 'ay jun winc xyac' owl yet' 'a jun 'ac'wl cha masnto sacb'i.

Gn 32:30

Xya'n can Jacob sb'ic jun lugar chi Peniel, yujto xyal 'ixtic: Caw wal xwil Dios yet' in sat, palta 'in pitzn in to, xchi winac.

Salmos 18:10

Ach q'ue 'a yib'n̈ jun querubín, 'ix 'at jen̈n̈oc; 'ix 'at jen̈n̈oc 'a yib'n̈ 'ic'.

Ex 24:10

Ata xyil eb' israel chi sDiosal. Caw tzictzni yilx 'aj te'n 'ejm yoc, lajn yilx 'icha q'uen zafiro, caw yaxt'ujnac yilx 'icha satcha'an̈.

Jeremías 13:6

Caw niwn xo tiempo 'ix 'eq'ui, 'ix yaln pax Jehová 'ixtc 'ayin: 'Ixc 'a Perat, tze'n pax cot jun jal-l wa'jnac a c'ub'c can 'el ta', xchi.

Jeremías 13:8

Xlajw cha, 'ix yaln pax Jehová 'ixtc 'ayn jun 'ejm xo:

Ez 1:1

An Ezequiel in tic, yunnaln win Buzi, an xin tz'ib'j jun libro tic. Ya'mal 'och sti eb' 'anma waj 'a Dios. Ata 'ayn 'ec' 'a sti jun a a tzcuch Quebar 'a yol yic Babilonia. 'Ayn 'och 'a scal eb' 'aj Judá 'ijxnac cot 'icha presoal. A 'a yic yol c'u yoch schan̈l 'uj yic ab'il 30, atn 'a yic tox 'ix 'ec' o'e ab'il yijx cot win rey Joaquín 'icha presoal, ata 'ix wil jun tic, 'icha to 'ix jacw satcha'an̈, 'ix sch'oxn sb'a Jehová Dios 'ayin, xya'n jawc spoder 'a wib'an̈.

Ez 10:20

Atn eb' querubín tic wiljnac 'a stz'ey qui Diosalec an̈ israel on̈c tic yic 'ayn 'ec' 'a sti a niwn a Quebar. Ata xwojquej can 'el eb', chajtlto querubín eb'.

Ez 11:22

Xlajw cha, sjen̈n 'el eb' querubín chi sc'axil, 'ix q'ue wan eb' yet' jun tzo'n̈ setet 'aych 'a yaln̈ cha. Ax stzictznil sDiosal chon̈b' Israel, a 'ay q'ue 'a yib'n̈ sjolm eb'.

Ez 9:11

Xlajw cha, xjapx win lino spichl cha, win t'un̈n 'och stz'ib'lab' chi 'a snan̈al, 'ix yaln win 'ixtic: A ticnec, 'ix b'o 'icha wal tas xac' in b'o', xchi winac.

Habacuc 2:1

'Icha wal yajch junc win stan̈mal chon̈b' 'a yopiso, 'ixta 'oj wutc in maclni wab'i' tas 'oj yal Jehová 'ayin, yic tznachj 'el wu'uj tas 'oj yutc spacn tas 'ix wal 'a 'a, xin chi.

Jn 1:18

May junc mach 'ix 'iln Dios jun 'ejmoc. Palta a jun c'otn̈ Yunnal to Dios paxi, a ch'oxjnac 'eli. A Yunnal tic caw chamc'ojlb'il yu'uj.

Ef 1:20

yic ya'n pitzwc pax Cristo 'a scal eb' chamnac, yic ya'n 'ejm wocn 'a swach' c'ab' 'a satcha'an̈.

Josué 6:2

Palta xyaln Jehová 'a Josué 'ixtic: A ticnec tzwac' chon̈b' Jericó 'a yol e c'ab' yet' sreyal yet' pax eb' soldado.

A Sb'ab'el Carta San Pedro 3:22

paxnc q'ue 'a satcha'an̈. Ata 'ayc' 'a swach' c'ab' Dios ticnec. A tz'a'n mandar eb' ángel, yet' jun tzo'n̈ xo 'ay yopiso to 'ay spoder.

Apoc 1:13

Ax 'a snan̈l jun tzo'n̈ yet'l cantil cha, ata 'ay jun lajn yilx yet' 'anma'. 'Aych jun jucn pichl yu'uj, tz'emch 'a yoctac. Ax 'a sn̈i sc'ojol, ata 'aych jun cincha niwquil sat, caw nab'a oro.