Ez 1:24 - Chuj San Sebastian Bible

²⁴ 'Ix wab'n sc'an̈ sc'axl eb' yic tz'at jen̈n̈oc eb'; lajn wal sc'an̈ 'icha sc'an̈ a 'elmal a', 'icha wal yol sjaj Dios jun tztac' yuj smasnil, 'icha pax sc'an̈ sb'ey nan̈loc eb' soldado. A yic tz'och wan eb', tzyi'n 'ejm eb' sc'axl cha.

Chuj San Mateo Bible

^24-25 Ix vab'anpax sc'an̈ sc'axil eb' chi' ayic sb'at jen̈en̈oc eb'. Icha val sc'an̈ yem a' nivac pajav, ma icha sc'an̈ c'u, ma icha sc'an̈ yec' junoc nivan n̈ilan̈ eb' soldado ma icha val to a Dios Syal yuj Smasanil van sloloni. Ayic tz'och vaan eb' querubín chi' sjen̈vi, syic'anem sc'axil eb' chi', sc'an̈n̈ej jun sc'an̈ chi' d'a yib'an̈ jun b'achanb'at d'a yib'an̈ eb' chi'.

Ez 1:24 Iomraidhean Croise

A Ch'an̈ Schab'il Libro Yic Yab'ixal Eb' Rey 7:6

Yujto a Jehová 'ix 'a'n yab' eb' sirio 'a scamplamento, 'icha to xc'an̈ yec' jun tzo'n̈ caruaje yic owal, no chej yet' nan̈l soldado. Yuj cha, 'ix laj yal-lanc eb' 'a jun jun, to a sreyl chon̈b' Israel 'ix tojn win sreyl eb' hitita yet' win sreyl Egipto yic tzya'n eb' owl yet' eb' yalni.

Job 37:2

'Ab'tec wal sc'an̈ c'u, a jun cha yol sjaj Dios. A 'a yol sti tz'elt jun tzc'an̈ cha.

Salmos 18:13

Ach Jehová caw niwn el'chi, 'ix 'el aw 'icha wal sc'an̈ c'u 'a satcha'an̈, yajn̈ej 'ix cot sacb'at yet' stzac'ac'.

Salmos 68:33

atn jun tzb'eyc' 'a satcha'an̈, jun to 'ayc' xon 'a pecti'. 'Ab'c wal schan̈il yol sjaj. A yol sjaj cha, man̈x jantcoc spoder.

Ez 10:5

Ax eb' querubín cha, checl sc'an̈ sc'axl eb' chi 'a jun 'amc' 'a sti 'elt yatut Dios, lajn wal sc'an̈ 'icha yol sjaj Dios tztac' yuj smasnil yic tzpaxtini.

Ez 3:13

A jun xwab' sc'an̈ cha, atn sc'axl eb' querubín tzc'an̈ schan sb'a, checl pax sc'an̈ jun tzo'n̈ setet 'ayc' 'a stz'ey eb' cha, lajn wal sc'an̈ 'icha sc'an̈ junc niwquil quixcab'.

Ez 43:2

ax xwilni, 'ix jaw tzicn̈joc stzictznil qui Diosal 'ayin, ata xcot 'a stojlal 'aj tzq'uel c'u, lajn wal sc'an̈ 'icha sc'an̈ a 'elmal a'. Caw wal 'ix sacb'el sat lum yuj stzictznil cha.

Dn 10:6

A sniwnal, caw tzictzni yilx 'icha q'uen topacio, ax sat caw tz'etzw 'icha letz'lo'om. A yol sat, caw tzxexni 'icha junc cantil tzn̈ilchj sc'aq'uil. A sc'ab' yet' yoc, caw tzictzni 'icha q'uen bronce caw n̈el-li yaj sb'o'i, ax sjaj caw tzn̈il-li 'icha sjaj nan̈loc 'anma'.

Apoc 1:15

A yoc, caw tzictzni, 'icha q'uen bronce tzb'o 'a jorna, caw tzictzni tz'aji. Caw tzn̈il-li sjaj spaxtini, 'icha sc'an̈ sb'ey eb' a niwc a'.

Apoc 19:6

Ax xwab'n paxi 'ay jun 'icha sjaj nan̈loc 'anma'. Caw tzn̈il-li sjaj eb', 'icha sc'an̈ sb'ey jun tzo'n̈ a niwc a'. 'Icha sc'an̈ jun tzo'n̈ c'u caw wal ow sc'an̈i, 'ixta sjaj eb', 'ix yaln eb' 'ixtic: ¡Calc wach' paxti 'a Dios! Yujto a Cajlil qui Diosalec, tztac' yuj smasnil, 'ix swach' yamj 'och ya'n Yajlil.