Ex 9:4 - Chuj San Sebastian Bible

⁴ Cojn no e cajb'en noc' chi 'oj chamoc, ax pax no scajb'en noc' eb' israel, may junc no 'oj chamoc, xchi Jehová, xa chi, xchi Dios.

Chuj San Mateo Bible

⁴ Palta ol in ch'oxo' to ch'oc yel eb' israel d'a vichan̈, yuj chi' malaj junoc noc' snoc' eb' ol chamoc, xchi Jehová, xa chi d'a vin̈.

Ex 9:4 Iomraidhean Croise

Ex 10:23

'Oxe c'u x'och q'uic'q'uinl cha, man̈xtzac stac' yil-lan 'och sb'a eb' 'anma yet' eb' 'ayc' 'a stz'ey, man̈xtzac stac' sb'eyc' eb'. Ax 'a yol yic Gosén, caw wal 'ay sacq'uinal, atn 'a 'aj cajn eb' israel cha.

Ex 12:13

A schic'l no noc' chi 'oj e succh 'a smac eyatut cha, a 'oj ch'oxnoc 'ajtil 'ay te n̈a chi 'aj cajn ex, sec a yic 'oj wec' in mil cham eb' b'ab'l 'unn 'a eb' 'aj Egipto tic, may junc ex 'oj e chami. A yic 'oj wilnc 'och chic' cha, c'ax'e'l 'oj weq'ui.

Ex 8:19

Xlajw cha, 'ix yaln eb' tzyal jelnal sb'a chi 'a win rey chi 'ixtic: —A jun tic, smunljel Dios, xchi ewinac. Palta an̈j 'ijnoc 'ix pitb' 'el snab'en win rey, 'icha wal yutjnac Jehová yalni. Ma'ix chaj win yab' tas 'ix yal Moisés yet' Aarón.

Ex 8:22

A yic 'oj ujc jun cha, may junc no tzac' chi 'oj 'ec' 'a yol yic Gosén, 'a 'aj 'ayc' eb' in chon̈ab'. 'Ixta wal 'oj 'aj ojcan 'eli to an Jehová in, to 'aynn̈ej 'ec' 'a smasnil yolyib'n̈q'uinl tic.

Ex 9:26

Palta ax 'a lum Gosén, 'a 'aj cajn eb' israel cha, may xon jun c'otc q'uen sacb'at chi 'ix 'ejm ta'.

Ex 9:5

'Ix yaln can pax Jehová tas c'ul 'oj jawc jun yab'il cha, xyaln 'ixtic: —Q'uic'an tzwa' cot jun yab'il cha, xchi.

Ex 9:6

Ax 'a junx c'u cha, 'ix ya'n cot Jehová jun yab'il chi 'a yib'an̈ no cajb'en noc' cha. Til wal no scajb'en noc' eb' 'aj Egipto chi xchami; ax pax no yic eb' israel, may junc no yic eb' chi xchami.

Am 4:7

'Ix wi'n pax 'och wan n̈ab' 'a 'oxe 'ujal yic mantzac 'el-l sat eyawb'en. 'Ix wac' 'ejmc n̈ab' 'a yib'n̈ junc chon̈ab', ax 'a junc xo, ma'ay, 'ay 'aj xyac' n̈ab' cha, 'ay pax 'aj ma'ay, yuj cha, xtacj chan̈ 'awb'en.

Malaquías 3:18

Atta 'oj nachjoc 'el eyuj ax tic, chajtlto chuc spac yic eb' wach' sb'eyb'al tzin 'a'n servil, chuc pax spac yic eb' maysch'olnil sb'eyb'al matz in 'a'n servil, xchi Dios.