Ex 9:22 - Chuj San Sebastian Bible

²² Xlajw cha, xyaln Jehová 'ixtc 'a Moisés: —'Ij chan̈ a c'ab' 'a satcha'an̈, sec 'oj cot niwc sacb'at 'a yib'n̈ smasnil 'anma', 'a yib'n̈ smasnil no noc', yet' 'a yib'n̈ smasnil 'awb'en 'ay 'a yol yic Egipto tic, xchi Dios.

Chuj San Mateo Bible

²² Ix lajvi chi', ix yalan Jehová d'a vin̈aj Moisés: —Ic'chaan̈ a c'ab' yic tz'em q'uen nivac sacb'at d'a yib'an̈ masanil anima, d'a yib'an̈ masanil noc' noc' yed' d'a yib'an̈ masanil tas avab'il ay d'a yol smacb'en Egipto tic, xchi.

Ex 9:22 Iomraidhean Croise

Ex 10:21

'Ix yaln pax Jehová 'ixtc 'a Moisés: —A ticnec, 'ij chan̈ a c'ab' 'a satcha'an̈, sec 'oj 'och q'uic'q'uinl 'a yol yic Egipto tic, xchi.

Ex 7:19

An̈jtona', 'ix yaln pax Jehová 'a Moisés 'ixtic: —Al 'a Aarón to tzya't sc'ab' yet' sc'occh 'a yib'n̈ smasnil a a 'a yol yic Egipto tic: a spac'b'a', a cotc a', a ton̈j pan̈n 'eq'ui, a 'ay 'a yol q'ue'en yet' a 'ay 'a yol jucub', 'oj 'och eb' a chic'al. An̈jtona a molb'il 'a yol b'el, 'a yol tzu, 'a yol q'uen ch'ub', c'uxn 'oj 'och a chic'al, xchi.

Ex 8:16

Yuj cha, 'ix yaln Jehová 'ixtc 'a Moisés: —Al 'a Aarón to tzyij chan̈ sc'ococh, tzma'n 'ejm 'a yib'n̈ spoccal lum lum tic, sec tz'och lum pocc chi 'usal. 'Oj pitzwc no 'us chi 'a smasnil yol yic Egipto tic, xchi.

Ex 8:5

'Ix yaln pax Jehová 'ixtc 'a Moisés: —Al 'a Aarón to tzya't sc'occh 'a yib'n̈ smasnil a niwn a', a cotc b'eymal a', yet' 'a yib'n̈ smasnil a niwc pam a', sec ata 'oj q'uelc no pajtza', ax sb'ut'j 'el yol yic Egipto tic yuj no', xchi.

Ex 9:21

Palta 'ay pax jun tzo'n̈ xo eb' ma'ix schaj yab' tas xyal Jehová, ma'ix smol eb' scajb'en noc', yet' eb' smoso eb', ma'ix smol sb'a eb'.

Josué 10:11

'Ay pax eb' xcob' yac' ganar s'at 'elc 'a eb' israel cha, ya' sb'a wan spichlj 'ejm eb' 'a lum span̈nil Bet-horón. Ax Jehová 'ix 'a'n cot jun tzo'n̈ niwc sq'uenal sacb'at 'a yib'n̈ eb', masnto 'a Azeca. Yel xo wal caw niwn eb' xcham yuj q'uen sq'uenal sacb'at cha, 'a yib'n̈ pax eb' xtzu'x cham yuj eb' israel cha.

Apoc 16:21

Xlajw cha, 'ix 'ejm wal jun tzo'n̈ sacb'at caw niwac. 'Aym junjnoc quintal yal-l jun jun. Ax eb' 'anma', caw xlaj b'uchwj eb' 'a Dios yuj jun tzo'n̈ sacb'at cha, yujto caw niwn xyab' eb' syal yu'uj.