Ex 9:14 - Chuj San Sebastian Bible

¹⁴ A 'a yic jun tiempoal tic, 'oj wa' cot jun tzo'n̈ yailal 'a eb'an̈, 'a yib'n̈ eb' 'aych yajlil et'oc, yet' 'a yib'n̈ smasnil 'anma'. A yuj jun yailal cha, ax ojcan 'eli, to may junc xo mach tztac' slajb'tzan sb'a wet' 'a yolyib'n̈q'uinal.

Chuj San Mateo Bible

¹⁴ A d'a jun tiempoal tic ol vac'cot juntzan̈ yaelal tic d'a ib'an̈ yed' d'a yib'an̈ eb' ay yopisio ed'oc yed' d'a yib'an̈ eb' a chon̈ab', yic vach' tzojtaquejeli to man̈xa junoc mach lajan spoder icha in tic d'a yolyib'an̈q'uinal tic.

Ex 9:14 Iomraidhean Croise

A Ch'an̈ Schab'l Libro Samuel 7:22

Mamin man̈x jantcoc a jelnal, yujto may junc 'anma tztac' slajb'tzan sb'a et'oc. Caw may junc xo Dios lajn et'oc, cojxn ach ton Dios ach, a tzyal 'ixta tzcutj cab'ni.

1 Cr 17:20

Mamin Jehová, toc 'ay junc xo mach lajn et'oc, toxn may junc comn dios tztac' slajb'tzan sb'a et'oc, a tzyal xcutj cab'n an̈ tic on̈.

Salmos 86:8

Toc wal 'ay junc xo dios lajn 'icha ach tic. Toc wal 'ay junc xo tas tzlajb'tzej sb'a yet' tas tza b'o'o.

Ex 15:11

Mamin Jehová, may junc xo dios tztac' slajb'tzan sb'a et'oc, may junc xo mach caw wach' 'icha ach tic, may junc xo mach tztac' sch'oxn milagro 'icha tas satjub'tac tza b'o'o.

Ex 8:10

—¡Q'uic'an! xchi win rey cha. Xlajw cha, 'ix yaln Moisés: —B'o cab' 'icha tzotj aln cha, sec 'oj ojcoc 'eli, to may junc xo mach lajn spoder 'icha Jehová qui Diosal on̈.

Ex 8:6

Xlajw cha, 'ix ya'n 'at Aarón sc'occh 'a yib'n̈ smasnil a a 'ay 'a yol yic Egipto. Yajn̈j wal cha, 'ix q'uel tzicn̈joc no pajtza', 'ix laj pucb't no 'a smasnil yol yic Egipto cha.

Ex 9:15

Toto tzyal in c'ojol, tztac' in ch'oxn in poder 'ayach, tzwa'ch yailal 'a eb'an̈, yet' 'a yib'n̈ smasnil 'anma 'a jun nacion̈ tic, tztac' tzex in satl 'a sat lum lum tic.

Is 45:5

Cojn in ton Jehová in, may junc xo. May junc xo Dios, Cojxn In Toni. An 'oj wac' ep, wach'xam man̈ in ojcoc.

Is 46:9

Nacc cot tas ujnac 'a yictax pecti'. Cojn in ton Dios in, may junc xo, may wal junc xo dios lajn wet'oc.

Jeremías 10:6

Mamin Jehová, may xon wal junc mach lajn et'oc; yujto ach tic, cojxn ach niwn el'chi, caw b'inab'il a b'i, tzta'n̈j oj smasnil.

Jeremías 10:7

Ach sReyl smasnil nacion̈, ¿tom 'ay junc mach man̈ smojc tzxiw 'ayach? Smoj wal to 'ay el'ch 'a smasnil sat 'anma'. A 'a scal smasnil eb' jelan, yet' 'a scal eb' rey 'a yolyib'n̈q'uinl tic, caw may junc mach lajn et'oc.

Jeremías 19:8

'Oj 'ochcn jun e chon̈b' tic 'a cusltac lumal, ax yochcn b'uchnb'ilal. A eb' 'oj 'ec' 'a tic, 'oj sat sc'ojl eb' yu'uj, caw 'oj xiw eb' yiln 'ochi.

Dn 5:21

'Ix pechx 'el 'a scal yit 'anma'il, 'ix jelmj snab'en, lajn x'aj snab'en 'icha no noc'. Ax yet' no calcte'al b'uru 'ajnc cajan, a te c'ultc slo 'icha no wacax. 'Emnc chicb'chan̈ 'a yib'n̈ sniwnal, masnto xnachj 'el yu'uj, chajtlto a jun Dios cojxn niwn yel'chi, a tz'a'n yajlil 'a yib'n̈ eb' tz'och reyal. A mach tznib'j tzya'ch yajlil 'a junjn chon̈ab', tzya'chn̈ej.

Lv 26:18

Toto matz na sb'a e c'ojl yuj jun tzo'n̈ cha, toto matz ex 'och yiclumal 'ayin, 'oj wac' niwtjoc sjaw yailal 'a eyib'an̈.

Lv 26:21

Toto an̈ja tenmtac tzeyutj e b'a 'ayin, matz eyiclj tas tzwala, 'oj wac' niwtjoc sjaw yailal 'a eyib'n̈ yuj e mul cha.

Lv 26:28

an̈jtona 'in, 'oj cot pax wowl 'ayex, ax wa'n niwtjoc sjaw yailal 'a eyib'n̈ yuj e mul cha.

Miqueas 6:13

Yuj wal cha, 'oj wa'ch eyailal. 'Oj ex in satcn 'el yuj e mul.

Dt 3:24

Mamin Jehová, a ticnec xa chaj 'el yich a ch'oxni to niwn el'chi yet' a jelnal 'a 'ayn a checb' in tic. May junc xo Dios 'a satcha'an̈ mto 'a sat lum tic 'ay sjelnal sb'on junc tas satjub'tac yilx 'icha tas tza b'o tic.

Dt 4:35

'Ix sch'ox quil jun tzo'n cha, sec tzcojquejec 'eli to may junc xo Dios, palta cojn ton Jehová.

Apoc 18:8

Yuj wal cha, junn̈j c'u, 'oj jawc smasnil yailal 'a yib'an̈. Caw 'oj cusoc. 'Oj 'och swejel. 'Oj n̈usxoc tz'a 'a scal c'ac', ax schami. 'Ixta 'oj 'aj 'ix, yujto caw niwn spoder Dios Cajlil, atn wal 'oj b'eyc'ojlanc 'ix, xchi jun 'aw cha.

Apoc 22:18

Ax xo e masnil tzeyab' tas tzyal jun libro yic Dios tic, 'oj walb't junx tic 'ayex: Toto 'ay eb' 'oj 'a'nc 'och xicl jun tzo'n̈ tic, ax jun tzo'n̈ yailal tz'ib'b'il 'a jun libro tic, a 'oj ya' cot Dios 'a yib'n̈ eb'.

A Ch'an̈ B'ab'el Libro Samuel 4:8

'Oltacn̈ec wali. ¿Mach wal 'oj qui colnec 'a yol sc'ab' jun tzo'n̈ dios 'ay yip? Atn jun tzo'n̈ dios satjnac 'el eb' 'aj Egipto 'a lum cusltac lu'um yet' jun tzo'n̈ yailal.