Ex 8:29 - Chuj San Sebastian Bible

²⁹ 'Ix ta'w pax Moisés 'ixtc 'a winac: —Cojn wal tzin 'el 'a tic, ax in tew 'a Jehová to tz'el no tzac' tic q'uic'an. 'Oj 'el e no 'a tic, 'a 'aj 'ay eb' 'aych yajlil et'oc, yet' 'a smasnil 'anma 'a jun nacion̈ tic. Palta b'i'an, man̈x on̈ extc on̈, man̈x 'a cab' tas tzal 'ayn̈ on̈ yic 'oj 'at ca'nc qui xajmb'al chi 'a qui Diosal chi 'on̈, xchi Moisés.

Chuj San Mateo Bible

²⁹ Ix tac'vi vin̈aj Moisés chi' d'a vin̈: —An̈ej val tzin el d'a tic, tzin c'anan d'a Jehová to a q'uic'an tz'el noc' cach tic d'ayach, d'a eb' ay yopisio ed'oc yed' d'a masanil a macb'en tic. Palta man̈xoocab' on̈ ixtej, man̈xaocab'pax tas ol al d'ayon̈ ayic ol b'at cac'an co silab' d'a Jehová chi', xchi vin̈aj Moisés chi'.

Ex 8:29 Iomraidhean Croise

Salmos 66:3

Calc 'a Dios 'ixtic: A wal a munljel Mamin, caw satjub'tac yilxi. Yuj wal a jelnal, caw tz'ib'x chan̈ eb' 'ajc'ojl 'a ojltac.

Ex 8:15

Cojn wal yic 'ix yiln win rey chajtlto man̈x 'a jun yailal cha, 'ix ya'n win pitb'oc pax 'el snab'en jun 'ejm xo, 'icha wal xyutj Jehová yalni. Ma'ix schaj win yab' tas xyal Moisés yet' Aarón.

Ex 8:8

X'ec' jaye c'u, xlajw cha, 'ix 'awtx 'at Moisés yet' Aarón yuj win rey cha, 'ix yaln win 'a eb' 'ixtic: —Leslwan̈c 'a Jehová, to tzyij 'el e no pajtza tic 'ayn yet' eb' wit chon̈b' tic, sec tzex wa'l 'a libre, yic tz'at eya'nc e xajmb'al 'a Jehová cha, xchi.

Ex 9:30

Palta wojc wal si'mb'il, chajtlto ach tic yet' eb' 'aych yajlil et'oc, mant 'a jac e xiwc'ojlal 'a Jehová Dios, xchi Moisés 'a win rey cha.

Jeremías 42:4

In ta'w 'a eb' 'ixtic: —Inye, 'oj in tew 'a Jehová qui Diosalec chi eyu'uj, 'icha wal xeyutj e c'ann 'ayin. A tas 'oj yutc ta'wc sb'a Jehová 'ayin, 'ixta pax 'oj wutc waln 'ayex. May junc tas 'oj in c'ub'c 'eli, xin chi 'a eb'.

Gl 6:7

Man̈ eyixtc e b'a e nani to matz yil Dios tas tze b'o'o. May junc mach tztac' sc'ub'n 'el tas 'a sat Dios. Yuj cha, a tas tzqui b'o'ec, a chi 'oj 'ajxoc pax spacc 'ayn̈ec.