Ex 8:21 - Chuj San Sebastian Bible

²¹ Palta toto ma'oj a'l eb' in chon̈b' tic, man̈x jantcoc no tzac' 'oj wa' cot 'a eb'an̈, 'a yib'n̈ smasnil eb' 'aych yajlil et'oc, yet' 'a yib'n̈ smasnil 'anma 'a sat lum lum tic.

Chuj San Mateo Bible

²¹ Palta tato man̈ ol actejel eb', ol vac'cot junoc uman̈ noc' cach icha tab' d'a ib'an̈, d'a yib'an̈ masanil eb' ay yopisio ed'oc yed' pax d'a yib'an̈ masanil a chon̈ab'. Ol b'ud'joquel masanil yol e pat yed' masanil sat luum yuj noc'.

Ex 8:21 Iomraidhean Croise

Salmos 105:31

'Ix yaln paxi to tzpitzw chan̈ no 'us 'a yol smacb'en Egipto. 'Icha wal 'asun, 'ixta wal xjaw no'.

Salmos 78:45

'Ix ya'n pax cot e no 'us yet' e no pajtza 'a scal eb' 'aj Egipto cha, sec tzyab' eb' syal yuj e no';

Ex 10:6

'Oj b'ut'joc 'el yojl a despacho yuj no', 'oj 'och no 'a yol yatut eb' 'aych yajlil et'oc, yet' 'a yol yet'l smasnil eb' 'anma 'a jun nacion̈ tic. A eb' e mam yet' eb' e mam eyicham, may xon 'aj yiljnac eb' jun wan yuj tic, xchi Moisés. A yic xlajw yaln Moisés jun tzo'n̈ tic, 'ix 'el paxt 'a yol sdespacho win rey cha.

Ex 8:20

'Ix yaln pax Jehová 'a Moisés 'ixtic: —A yic q'uic'an 'a caw sq'uin̈b'il to, 'oj 'at win rey 'a sti a niwn a'. Yuj cha, tzach caw seb' q'ue wa'an, tz'at alnc 'a winac to an Jehová in, an tzwal 'ixtic: Chaj 'at eb' in chon̈b' tic yic tz'at ya'nc eb' 'emmquilal 'ayin.

Ex 8:22

A yic 'oj ujc jun cha, may junc no tzac' chi 'oj 'ec' 'a yol yic Gosén, 'a 'aj 'ayc' eb' in chon̈ab'. 'Ixta wal 'oj 'aj ojcan 'eli to an Jehová in, to 'aynn̈ej 'ec' 'a smasnil yolyib'n̈q'uinl tic.

Ex 8:24

'Ix 'el'ch 'icha wal 'ix yutj Jehová yalni, 'icha wal 'asun, 'ixta yec' no tzac' yic 'ix c'och no 'a yol sdespacho win rey, 'a yol yatut eb' 'aych yajlil yet' winac, yet' 'a smasnil yol yic Egipto cha. Caw 'ix juw 'el yol chon̈b' chi yuj no'.

Is 7:18

A 'a jun tiempoal cha, 'oj ya' cot Jehová eb' soldado cajn 'a stitc a niwn a 'a Egipto, ax sjaw somnjoc eb' 'icha tzyac' no 'us. 'Oj yawtn cot eb' soldado 'aj Asiria, ax sjaw somnjoc eb' 'icha no sno'l chab'.