Ex 8:15 - Chuj San Sebastian Bible

¹⁵ Cojn wal yic 'ix yiln win rey chajtlto man̈x 'a jun yailal cha, 'ix ya'n win pitb'oc pax 'el snab'en jun 'ejm xo, 'icha wal xyutj Jehová yalni. Ma'ix schaj win yab' tas xyal Moisés yet' Aarón.

Chuj San Mateo Bible

¹⁵ Ayic ix yilan vin̈ rey to man̈xalaj yaelal ayoch d'a yib'an̈ vin̈, ix yac'anxi pitb'oquel spensar vin̈, icha val ix yutej Jehová yalani, maj sc'anab'ajejlaj vin̈ tas ix yal d'a eb' vin̈ chavan̈ chi'.

Ex 8:15 Iomraidhean Croise

Ex 14:5

A yic 'ix c'och yab'xil 'a win rey, chajtlto 'ix cot eb' israel 'eloc, 'ix snan pax sb'a win yet' eb' 'aych yajlil yet'oc, xyaln eb' 'ixtic: Caw suc on̈ec, 'ix qui chanec 'at eb' israel, 'ix 'och wan eb' smunlj 'ayn̈ec, xchi eb'.

Ex 4:21

Xyaln pax Jehová 'ixtc 'a Moisés: —A yic 'oj a c'och 'a Egipto cha, nann̈ej cab' jun tzo'n̈ tic o'oj, yic 'oj a c'och 'a yojltac win rey, chajtlto 'oj a ch'ox yil win jun tzo'n̈ milagro to satjub'tac yilx xwac' a b'o'. Palta an 'oj wac' pitb'oc 'el snab'en win rey cha, yic ma'oj e chax 'elt yu'uj.

Ex 7:4

A win rey cha, ma'oj scha win yab' tas 'oj eyala', palta 'oj in ch'ox in poder yil win rey cha, yic tzwa'n cot yailal 'a yib'n̈ eb' 'aj Egipto tic, 'ixta 'oj wutc ex wi'n 'elta.

Ex 8:14

'Ix laj si'nc syam sb'a eb' 'anma chi smasnil no chamnc pajtza cha, b'ulctac xlaj yutc can eb' no 'a smasnil lugar, caw wal tu x'ec' sjab' no'.

Ex 8:16

Yuj cha, 'ix yaln Jehová 'ixtc 'a Moisés: —Al 'a Aarón to tzyij chan̈ sc'ococh, tzma'n 'ejm 'a yib'n̈ spoccal lum lum tic, sec tz'och lum pocc chi 'usal. 'Oj pitzwc no 'us chi 'a smasnil yol yic Egipto tic, xchi.

Ex 8:28

'Ix yaln pax win rey chi 'ixtic: —Tztac' e 'at 'a lum cusltac lum cha, yic tz'at eya'nc e xajmb'al 'a Jehová e Diosal cha, cojn toto man̈ najtoc tzex 'ati. Tzex leslwi pax 'a Dios chi wu'uj, xchi win rey cha.

Ex 8:29

'Ix ta'w pax Moisés 'ixtc 'a winac: —Cojn wal tzin 'el 'a tic, ax in tew 'a Jehová to tz'el no tzac' tic q'uic'an. 'Oj 'el e no 'a tic, 'a 'aj 'ay eb' 'aych yajlil et'oc, yet' 'a smasnil 'anma 'a jun nacion̈ tic. Palta b'i'an, man̈x on̈ extc on̈, man̈x 'a cab' tas tzal 'ayn̈ on̈ yic 'oj 'at ca'nc qui xajmb'al chi 'a qui Diosal chi 'on̈, xchi Moisés.

Ex 8:32

Palta 'ix pitb' 'el pax snab'en win rey chi jun 'ejm xo, ma'ix schaj 'elt win eb' israel cha.

Ex 8:8

X'ec' jaye c'u, xlajw cha, 'ix 'awtx 'at Moisés yet' Aarón yuj win rey cha, 'ix yaln win 'a eb' 'ixtic: —Leslwan̈c 'a Jehová, to tzyij 'el e no pajtza tic 'ayn yet' eb' wit chon̈b' tic, sec tzex wa'l 'a libre, yic tz'at eya'nc e xajmb'al 'a Jehová cha, xchi.

Pr 26:11

'Icha no tz'i tzxeji, tzcha le'n pax no xej cha, 'ixta eb' may snab'en, tzcha meltzj can pax 'at eb' 'a stu nab'enal.

Pr 29:1

A mach pit tzyutj sb'a, wach'xam niwn 'ejm tz'ajx cuenta, a jun cha, caw ji'lti 'oj 'aj slajw 'eli, man̈x 'oj stac' scoln sb'a.

Ec 8:11

Yujto man̈ toc yajn̈ej tz'ajx 'och yailal 'a yib'n̈ eb' maysch'olnil, yuj cha cojxn maysch'olnil chi tzna eb'.

Is 26:10

Wach'xam tz'o'ch a c'ojl 'a eb' maysch'olnil sb'eyb'al, palta matz yiclj eb' sb'on tojlal. Wach'xam a 'a scal eb' wach' snab'en cajn 'ec' eb', palta an̈ja sb'on eb' maysch'olnil cha. Toc 'ay el'ch yet' opiso chi 'a sat eb'.

Os 6:4

Xyaln Jehová 'ixtic: ¿Tas wal 'oj ex wutc ex 'aj Efraín? ¿Tas wal 'oj ex wutc ex 'aj Judá? A e chamc'ojlal 'ayin, lajn wal 'icha 'asn 'a yic sq'uin̈b'ial, lajn 'icha chicb'chan̈ tz'em 'a yic 'ayt sacb'i, ax 'a yic tzsacb'i, yajn̈ej tzsatx cha'an̈.

A Ch'an̈ Carta D'a Eb' Hebreo 3:15

Yujto 'ixtc yaj stz'ib'x can 'a Ch'an̈ U'un̈: A ticnec toto tzeyab' tas tzwala, to 'ixta', man̈ eyac' pitb'oc e b'a 'icha ya'jnac eb' e mam eyicham yic tenmtac yutjnac sb'a eb', xchi 'a Ch'an̈.

A Ch'an̈ Carta D'a Eb' Hebreo 3:8

to 'ixta', man̈ eyac' pitb'oc e b'a 'icha ya'jnac eb' e mam eyicham. Tenmtac yutjnac sb'a eb' 'ayn 'a lum cusltac lu'um, ata ya'jnacn prowal eb'.

Apoc 16:9

Caw xlaj tz'a eb' 'anma smasnil yuj yoc c'u. Palta an̈ja man̈ jac 'ix sna sb'a eb' jab'oc. Toxn ma'ix yal eb' chajtlto niwn yel'ch Dios. Ton̈j xb'uchwj eb' 'a 'a, yujto 'ay spoder ya'n jun tzo'n̈ yailal cha.

A Ch'an̈ B'ab'el Libro Samuel 6:12

Xlajw cha, sjiyn 'el ewin e no wacx cha, 'ix cot e no 'a sb'el Bet-semes. Xoj yoc' e no' yic tzb'ey e no 'a b'e cha, tojln̈ej scot e no', may 'aj tz'el e no 'a stitc b'e. Ax eb' syajlil eb' filisteo cha, najt tza'n xoj scot eb' yuj e no', masnto xjaw e no 'a smon̈jonal lum Bet-semes cha.

A Ch'an̈ B'ab'el Libro Samuel 6:3

—Toto tzeya'x meltzjoc te scaxail strato sDiosal Israel cha, man̈ eya'x meltzjoc te sch'ocoj, palta yowlal cab' 'ay tas tzeyac' stojnb'ilc e mul chi 'a 'a. Toto 'ixta', 'oj b'oxc e c'ojol, ax eyojcan 'eli, tas wal yuj xya'ch yailal 'a quib'n̈ec, xchi eb' ya'mal 'och sti eb' cha.

A Ch'an̈ B'ab'el Libro Samuel 6:6

Man̈ tzatzc tzeyutj e nab'en, 'icha yutjnac sb'a eb' 'aj Egipto yet' win faraón. 'Ix stzatzb' 'el snab'en eb' masnto 'ix yac' Dios syailal eb', 'ixta to b'i'an 'ix ya'n 'elt win eb' israel cha.

A Ch'an̈ B'ab'el Libro Samuel 6:9

Si'mb'il wal tzeyila: Toto tojln̈ej s'at e no yet' te caruaje chi 'a sb'el Bet-semes yic tzpax te 'a slu'um, toto 'ixta', a Jehová a 'ixtc tzon̈ 'utnec yet' jun tzo'n̈ yailal tic. Toto ma'ay, tecn man̈oc tz'a'n 'och yailal tic 'a quib'n̈ec, comn yab'il tzon̈ 'ixtnec ama, xchi eb'.