Ex 7:17 - Chuj San Sebastian Bible

¹⁷ Yuj wal cha, xyaln Jehová oj 'ixtic: A ticnec, yuj tas 'oj in ch'ox ela', ax ojcan 'eli chajtlto an Jehová in. A yic 'oj in ma'nc 'ejm in c'occh 'a yib'n̈ a a tic, yajn̈ej ax yoch a a tic chic'al.

Chuj San Mateo Bible

¹⁷ Yuj chi' ix yalanxi to ay tas ol sch'ox ila' yic tzojtaquejeli to a Jehová chi' an̈ejton Dios Aytaxoneq'ui. Ayic ol in mac'an sat a a' tic yed' te' in c'ococh yamb'ilq'ue vuj tic, ol och a' chic'al.

Ex 7:17 Iomraidhean Croise

A Ch'an̈ B'ab'el Libro Yic Yab'ixal Eb' Rey 20:28

At wal cha, xjaw jun schecb' Dios 'a win sreyl Israel, 'ix yaln 'ixtc 'a winac: —'Ixtc wal xyutj Jehová yalni: Yujto a eb' sirio, xyal eb' to sdiosal in eb' lum niwc witz, man̈ sdiosaloc in lum pan̈n 'a'lic, yuj cha, 'oj wac' jun tzo'n̈ 'anma chi 'a yol a c'ab', sec 'oj ojcoc 'eli to Jehová Dios in, xchi Dios, xchi winac.

A Ch'an̈ Schab'il Libro Yic Yab'ixal Eb' Rey 19:19

Ax ticnec jun Mamin Jehová qui Diosal on̈, coln̈ 'el 'a yol sc'ab' jun rey chi on̈, sec tzyojquej 'el smasnil nacion̈ 'a yolyib'n̈q'uinl tic, to cojxn̈ej ach Jehová Dios ach, xchi Ezequías 'a slesal.

Salmos 105:29

'Ix 'och a a chic'l yu'uj, 'ix cham smasnil no chay 'a yojl eb' a'.

Salmos 78:44

Atn yic x'och a a chic'al, ax eb' 'aj Egipto cha, man̈x 'ic stac' yu'n eb' a'.

Salmos 83:18

sec 'oj 'ojcaxc 'eli to cojn ach Jehová ach, to cojn ach niwn el'ch 'a yib'n̈ lum lum tic.

Salmos 9:16

Mamin Jehová, ach 'ojcax 'el yuj tas wach' tza b'o'o. Mun tzyalej sb'a eb' tzb'on maysch'olnil.

Ex 1:22

A yic 'ix yiln win rey chajtlto matz tac' 'ixta', yuj cha, 'ix yaln win 'ixtc 'a smasnil eb' schon̈b' cha: A smasnil eb' winc 'unn tz'alj 'a scal eb' israel tic, tze xutcn 'at eb' 'a yojl a Nilo, palta toto 'ix 'unin, q'uib' cab'i', xchi win rey cha.

Ex 10:2

'Oj eyal cot yab' eb' eyunnal yet' eb' eyiechicn jun tzo'n̈ tic, yujto an tzwac' jawc smasnil jun tzo'n̈ tic 'a yib'n̈ Egipto tic, atn tas to satjub'tac yilx tzin b'o'o. 'Ixta tzeyutj eyojcan 'eli, chajtlto an ton Jehová in, xchi Dios.

Ex 4:9

Palta toto matz ya'ch eb' 'anma chi 'a sc'ojl yuj chab' milagro tic, tzej q'uet jac a niwn a Nilo, tza secn 'ejm a 'a sat lu'um, cojn wal yic tza secn 'ejm a cha, ax yoch a chic'al, xchi Dios.

Ex 5:2

'Ix ta'w win rey chi 'a eb' 'ixtic: —¿Mach jun Jehová tzeyal cha? Alc jac wab'i', sec 'oj in yiclc tas 'oj yala', ax ex in chan 'ati. An tic man̈ wojcoc xon jun Jehová tzeyal cha. Yuj cha, toc 'ayx wan ex in chan 'ati, xchi winac.

Ex 6:7

'Oj ex wi'ch in chon̈b'oc, ax woch e Diosaloc. 'Ixta 'oj eyutc eyojcan 'eli to an ton Jehová in, e Diosal in. An tzex in col-l 'a yol sc'ab' eb' 'aj Egipto tic.

Ex 7:20

'Icha wal 'ix yutj Jehová yaln cha, 'ixta 'ix yutj Moisés yet' Aarón. 'Ix yi'n chan̈ Aarón te sc'occh cha, 'ix sma'n 'ejm 'a yib'n̈ a Nilo 'a yojltac win rey, yet' 'a sat smasnil eb' 'aych yajlil yet'oc. Yajn̈j wal cha, 'ix 'och a a chic'al.

Ex 7:5

A yic tox xin ch'ox in poder yet' 'a yic tox ex wij 'elt 'a jun nacion̈ tic, 'ixta to b'i'an, ax snachj 'el yuj eb' 'aj Egipto tic, to an ton Jehová in, xchi Dios 'a Moisés.

Ez 25:17

Caw niwquil 'oj wutc in pacn in b'a 'a eb' yuj yowl in c'ojol, sec 'oj yojcoc 'el eb', to an Jehová in, to cojn in ton Dios in, xchi Dios.

Ez 29:9

'Oj can a chon̈b' chi 'a cusltaquil, ax yojcan 'el eb' 'anma', to an Jehová in, an 'ixta tzach wutej, yujto 'ix ala to ec a Nilo, ach xa b'o a alni.

Ez 30:19

'Oj wa'ch wal yailal 'a yib'n̈ eb' 'aj Egipto, 'ixta to b'i'an ax yojcan 'el eb', to an Jehová in, to cojn in ton Dios in, xchi Dios.

Ez 30:8

A yic 'oj wa'n 'och sc'a'l jun chon̈b' cha, ax slajw can pax 'ejm smasnil eb' 'anma tzcoln jun nacion̈ cha. 'Ixta to b'i'an, ax yojcan 'el eb' to an ton Jehová in, to cojn in ton Dios in.

Ez 32:15

A yic 'oj wactn can Egipto 'a sictaquil, 'oj cham eb' 'anma', yet' no noc', caw cusltac 'oj 'ajcn jun nacion̈ cha. Atta 'oj in yojcoc 'el eb' to an Jehová in, to cojn in ton Dios in.

Ez 32:6

'Oj b'ey a chic'l 'a sat lum lum tic, ax syamn sb'a 'a yich eb' lum niwc witz, 'oj b'ut'joc 'el sb'e eb' a a 'a ch'olctac yuj a chic'l cha.

Ez 38:23

'Ixta wal 'oj wutc in ch'oxn in poder yet' in jelnal 'a sat jun tzo'n̈ nacion̈ 'oj 'ilnoc jun cha. 'Ixta to b'i'an, ax yojcan 'el eb' to an Jehová in, to cojn in ton Dios in, xchi Dios.

Ez 39:28

An xwa't eb' 'icha presoal 'a jun tzo'n̈ nacion̈ cha, an pax 'oj wi'x cot eb' jun 'ejm xo 'a sat slu'um. May wal junc eb' 'oj wactcan 'a jun tzo'n̈ nacion̈ cha, sec 'oj yojcoc 'el eb' to an Jehová in, sDiosal in eb'.

Dn 4:17

An̈ ángel on̈ tzqui tan̈wj yolyib'n̈q'uinl tic on̈, an̈ tzcal on̈ to tzjaw jun yailal chi 'a yib'an̈, sec wach' tzyojquej 'el smasnil eb' 'anma', to a jun Dios yel xo niwn yel'chi, a tz'a'n yajlil 'a yib'n̈ smasnil nacion̈. A eb' tznib'j tzya'ch yajlil, tzya'ch yopiso eb'. A eb' 'anma yel xo may yel'chi, a eb' tzya'cn 'och yajlil 'a scal eb' 'anma', xchi jun ángel cha.

Dn 4:32

'Oj a pechx 'el 'a scal eb' 'anma', ax yet' no calte'al noc' 'oj a c'och cajan. Uque ab'il 'oj a lo te c'ultc 'icha e no wacax, masnto 'oj nachjoc 'el o'oj, to a jun Dios yel xo niwn yel'chi, a tz'a'n yajlil 'a yib'n̈ smasnil 'anma', yet' 'a yib'n̈ smasnil nacion̈ 'ay 'a sat lum lum tic. A tz'a'n 'och eb' yajl tznib'j ya'ch yajlil, xchi jun paxti cha.

Dn 4:37

A ticnec jun, an Nabucodonosor in tic, tzwij chan̈ sb'i jun sReyl satcha'an̈, tzwaln pax wach' paxti 'a 'a. Yujto caw wach'n̈j tas tzb'o'o, caw tojln̈ej smasnil, a tz'i'n 'ejm eb' cob' tzyij chan̈ sb'a 'a yol yico', xchi win rey cha.

Dn 5:21

'Ix pechx 'el 'a scal yit 'anma'il, 'ix jelmj snab'en, lajn x'aj snab'en 'icha no noc'. Ax yet' no calcte'al b'uru 'ajnc cajan, a te c'ultc slo 'icha no wacax. 'Emnc chicb'chan̈ 'a yib'n̈ sniwnal, masnto xnachj 'el yu'uj, chajtlto a jun Dios cojxn niwn yel'chi, a tz'a'n yajlil 'a yib'n̈ eb' tz'och reyal. A mach tznib'j tzya'ch yajlil 'a junjn chon̈ab', tzya'chn̈ej.

Dn 5:23

A eco', to 'ix a b'an̈ a b'a 'a sat jun sYajlil satcha'an̈. 'Ix a'n 'ijxoc cot 'a ojltac jun tzo'n̈ svaso 'ayc' 'a yol yatut. Ach xo tic yet' smasnil eb' 'awtb'il cot o'oj, 'ix o'j 'an̈ yet' eb' 'a yojl jun tzo'n̈ vaso cha. 'Ix aln wach' paxti 'a jun tzo'n̈ comn dios nab'a plata, oro, bronce, hierro, te', yet' q'uen q'ue'en, atn jun tzo'n̈ matz tac' xon yilni, matz yab'i, may jac yojtac. Man̈oc 'a Dios 'aj 'ix al wach' paxti', palta ticni a 'a yol sc'ab' 'ayc' a q'uinal, a tzach 'i'n b'eyc'oc.

Apoc 11:6

A eb' testigo cha, 'ay spoder eb' smacn 'och wan n̈ab', sec man̈xtzac yac' n̈ab' yic tz'ec' yalnc 'el eb' spaxti Dios. 'Ay pax spoder eb' ya'n 'och a a chic'al. Tzta'n̈j ya'n 'och eb' tzann̈j yailal 'a yolyib'n̈q'uinal, a tzyala 'aj tznib'j eb'.

Apoc 8:8

'Ix yutz'n jun schab'l ángel strompeta. Yajn̈j cha, 'ay jun 'icha niwquil witz wan stz'a'i. 'Ix julx 'ejm 'a yojl a mar. Yuj cha, jab'xoj man̈ spacloc a mar chi x'och chic'al.