Ex 7:16 - Chuj San Sebastian Bible

¹⁶ Ata tzal 'ixtc 'a winac: A Jehová qui Diosal an̈ israel on̈ tic on̈, a tzin checn cot 'ayach; to tza'l eb' wit chon̈b' tic 'a libre yic tz'at ca'nc 'emmquilal 'a qui Diosal 'a lum cusltac lum chi 'on̈; palta 'in an̈ja matz a chaj ab'i'.

Chuj San Mateo Bible

¹⁶ Ata' tzeyal d'a vin̈ icha tic: A Jehová co Diosal a on̈ hebreo on̈ tic, a checannac on̈ cot ul cal d'ayach to tzon̈ actejel a on̈ schon̈ab' on̈ tic, yic b'at on̈ och ejmelal d'ay d'a tz'inan luum. Palta masanto ticnaic man̈ jab'oc tza cha ab'i.

Ex 7:16 Iomraidhean Croise

Ex 10:3

Xlajw cha, 'ix 'atx Moisés yet' Aarón 'at yil win rey chi jun 'ejm xo, 'ix yaln pax eb' 'a win 'ixtic: —A Jehová qui Diosal an̈ israel on̈ tic on̈, a tzaln 'ixtc 'ayach: ¿Jantcto wal tiempo 'oj ac' pitb'oc a b'a, yic matz ej 'ejm a b'a 'ayin? 'A'l eb' in chon̈b' tic 'a libre, yic tz'at ya'nc eb' 'emmquilal 'ayin.

Ex 13:15

Yujto a yic 'ix pitb' 'el snab'en win rey, ma'ix yal sc'ojl win on̈ ya'c 'elta, ax Jehová a 'ix miln cham sb'ab'l 'unnal eb' 'aj Egipto, yet' sb'ab'l 'une no scajb'en noc' eb'. Yuj cha, a no sb'ab'l 'une no qui cajb'en noc', tzqui milc cham no xajmb'al-l 'a Jehová. Tzca'n pax junc no sjelc eb' qui b'ab'l winc 'unin.

Ex 14:5

A yic 'ix c'och yab'xil 'a win rey, chajtlto 'ix cot eb' israel 'eloc, 'ix snan pax sb'a win yet' eb' 'aych yajlil yet'oc, xyaln eb' 'ixtic: Caw suc on̈ec, 'ix qui chanec 'at eb' israel, 'ix 'och wan eb' smunlj 'ayn̈ec, xchi eb'.

Ex 3:12

'Ix ta'w pax Jehová, 'ix yaln 'ixtic: —Wal yel an 'oj woch et'oc, 'ay jun ch'oxnb'il 'oj wac' 'ayach, chajtlto an tzach in checb'ti. Ax yic tox 'ix 'elt eb' in chon̈b' chi oj 'a Egipto cha, ax wul eya'nc 'ejm e b'a 'ayn 'a jun witz tic, xchi Dios.

Ex 3:13

Xlajw cha, 'ix yaln pax Moisés 'ixtc 'a Dios: —Caw wal 'ajltac jun tic, q'uinloc an tzin 'at paxtinc 'a eb' wit israelal cha, tzwaln 'ixtc 'a eb': A qui Diosalec yet' eb' qui mam quicham, a tzin checn cot 'ayex, toto xin chi 'a eb', ax sc'anb'n am eb' 'anma chi 'ayin: ¿Tas sb'i jun tzal cha? xchi am eb' 'ayin. ¿Tas pax tzwutj ta'wc in b'a 'a eb'? xchi Moisés.

Ex 3:18

'Oj scha eb' yab' 'ayach. Tzlajw cha, tzach 'at yet' eb' yichm wincal chon̈b' Israel 'a yojltac win sreyl Egipto cha, tzeyaln 'a win 'ixtic: A Jehová qui Diosal an̈ hebreo on̈ tic on̈, a 'ix sch'ox sb'a 'ayn̈ on̈. Yuj cha, to tzon̈ a chaj 'at 'a lum cusltac lu'um, to tz'at cac' qui xajmb'al 'a qui Diosal on̈, 'aym 'oxe'oc c'u ste'nb'il jun lugar cha, xe chi 'a winac.

Ex 4:22

Tzlajw cha, ax aln 'a win rey cha. To an Jehová in an tzwal 'ixtic: A eb' israel tic, 'icha to in b'ab'l 'unnal yaj eb'.

Ex 4:23

Tox 'ix wal 'ayach, to tza chaj 'at eb' wunnal tic, yic tz'at yac' eb' 'emmquilal 'ayin, palta yujto matz yal a c'ojl tza chaj 'at eb', yuj cha, 'oj in mil cham win a b'ab'l 'unnal, xchi Jehová, xa chi 'a 'a, xchi Dios.

Ex 7:4

A win rey cha, ma'oj scha win yab' tas 'oj eyala', palta 'oj in ch'ox in poder yil win rey cha, yic tzwa'n cot yailal 'a yib'n̈ eb' 'aj Egipto tic, 'ixta 'oj wutc ex wi'n 'elta.

Ex 8:1

'ix yaln pax Jehová chi 'a Moisés 'ixtic: —'At 'ilt win rey cha, tzaln 'ixtc 'a winac: A Jehová a tzaln 'aych 'ixtic: Chaj 'at eb' in chon̈b' tic, yic tz'at ya'nc eb' 'emmquilal 'ayin.

Ex 8:20

'Ix yaln pax Jehová 'a Moisés 'ixtic: —A yic q'uic'an 'a caw sq'uin̈b'il to, 'oj 'at win rey 'a sti a niwn a'. Yuj cha, tzach caw seb' q'ue wa'an, tz'at alnc 'a winac to an Jehová in, an tzwal 'ixtic: Chaj 'at eb' in chon̈b' tic yic tz'at ya'nc eb' 'emmquilal 'ayin.

Ex 9:1

Xlajw cha, xyaln Jehová 'ixtc 'a Moisés: —'Ixc 'at 'ilt pax win rey cha, tzaln 'a 'ixtic: A Jehová qui Diosal an̈ israel on̈ tic on̈, a tzaln 'ixtc 'ayach: Chaj 'at eb' in chon̈b' tic, yic tz'at ya'nc eb' 'emmquilal 'ayin.

Ex 9:13

Xlajw cha, 'ix yaln pax Jehová 'ixtc 'a Moisés: —Tzach seb' q'ue wan q'uic'an, tzach 'at paxtinc yet' win rey cha, tzaln 'a 'ixtic: A Jehová qui Diosal an̈ israel on̈ tic, a tzaln 'ixtc 'ayach: Chaj 'at eb' in chon̈b' tic, yic tz'at ya'nc eb' 'emmquilal 'ayin.

Is 45:13

An Jehová in tztac' wuj smasnil, 'oj in b'o snab'en win Ciro sec 'oj sb'o tojlal. An 'oj wac' nachjoc 'el yu'uj sec a wach'l 'oj sb'o'. A 'oj b'onc pax in chon̈b' Jerusalén jun 'ejm xo. Ax eb' in chon̈b' to 'ijxnac 'at 'icha presoal, 'oj 'ajxoc 'el eb' 'a libre yuj 'a nab'an̈ej. May tas 'oj stoj eb', may pax spac 'oj yac' eb' 'a 'a, xchi Dios.

Jeremías 50:33

A Jehová tztac' yuj smasnil, a tzaln 'ixtic: A eb' 'aj chon̈b' Israel, yet' eb' 'aj Judá, wan yab'n eb' syal yuj tas tz'aj yixtx ticnec. 'Aych eb' 'a preso yuj eb' 'ajc'ojl yajch 'a 'a, matz 'actx 'el eb' yuj eb'.