Ex 6:1 - Chuj San Sebastian Bible

¹ 'Ix ta'w Jehová 'a Moisés 'ixtic: —'Ojt el wal nab'an tas 'oj wutc win sreyl Egipto tic yet' in poder. Teb'il 'oj ex ya'l 'a yol schon̈b' tic, palta caw a win 'oj alnoc ax eyeli, xchi.

Chuj San Mateo Bible

¹ Ix tac'vi Jehová: —Olto val ila' tas ol vutoc vin̈ sreyal Egipto tic. Yed' vipal ol ex yactanel vin̈. A in ol vac' pural vin̈, ol ex spechanel vin̈ d'a yol schon̈ab' tic, xchi.

Ex 6:1 Iomraidhean Croise

A Ch'an̈ Schab'il Libro Yic Yab'ixal Eb' Rey 7:19

Palta ax jun stan̈mal win rey cha, 'ix ta'w 'ixtc 'a win schecb' Dios: Wach'xam to tzjac Jehová sventnual satcha'an̈, palta ma'oj 'el'chc 'icha tzotj aln cha, xchi. 'Ix ta'w Eliseo chi 'ixtic: 'Oj el jun chi yet' a sat, palta man̈x 'oj a wa 'ixim, xchi.

A Ch'an̈ Schab'il Libro Yic Yab'ixal Eb' Rey 7:2

'Ix ta'w win tztan̈wni win rey chi 'ixtc 'a win schecb' Dios cha: —Wach'xam tzjac Jehová sventnual satcha'an̈, palta ma'oj 'el'choc 'icha tzal cha, xchi. —'Oj el jun chi yet' a sat, palta man̈x 'oj a wa 'ixim, xchi Eliseo cha.

2 Cr 20:17

Man̈oc ex 'oj eyac' owal. Ton̈j 'oj eyaj ta', may tas 'oj e b'o', ax eyilni tas 'oj wutc ex in coln 'el an Jehová in, xchi. Ex 'aj Jerusalén yet' ex 'aj Judá, man̈ ex xiwoc, man̈ eyac' chab'c'ojlal. Q'ui'nto tz'ex 'at eyac' owl yet' eb', yujto a Jehová 'aych quet'ec, xchi Jahaziel.

Salmos 12:5

Mamin Jehová, ach tzal 'ixtic: Caw tz'ixtx eb' may jac tas tztac' yu'uj, a eb' meb'a', caw tz'el yaw eb' yab'n syail. Yuj cha, yowlal 'oj in colwj 'a eb' to tznib'n in colwal, xa chi.

Salmos 12:6

A tas alb'il oj Mamin Jehová, tztac' ca'n 'och yipc qui c'ojl on̈, yujto lajn 'icha q'uen plata si'mb'il yaj stz'a'i, man̈x 'a jac slumal tzcan 'a 'a, uc 'ejm tz'ajx tz'a 'a yol jorna.

Salmos 136:12

Yet' wal spoder xyi'n 'elt eb'. A schamc'ojlal Dios 'ayn̈j 'a smasnil tiempo.

Salmos 89:13

Caw wal 'ay a poder, tztac' oj smasnil.

Ex 11:1

Yaljnacx can pax Jehová 'ixtc 'a Moisés: —Tot 'oj wac' junc xo yailal 'a yib'n̈ win rey yet' 'a yib'n̈ smasnil eb' 'anma 'a Egipto tic. 'Oj lajwc xoj cha, man̈ ton̈joc 'oj ex yac' 'elt winac, palta to caw wal 'oj e pechx 'elt yuj win 'a jun 'ejmn̈ej.

Ex 12:31

Atn 'a jun 'ac'wl cha, ata 'ix yac' win rey 'awtxoc Moisés yet' Aarón, 'ix yaln 'a eb' 'ixtic: —A ticnec 'ixquec muc'uc. 'Ijec 'at smasnil eb' eyit israelal cha, 'ijec 'el e b'a 'a scal eb' wit chon̈b' tic. 'At 'a'c 'emmquilal 'a Jehová 'icha tzeyutj eyaln cha.

Ex 12:33

Locn eb' 'aj Egipto chi xchecn 'elt eb' israel cha, sec yajn̈ej tz'el eb' 'a yol schon̈b' eb', yujto tzna eb' 'aj Egipto cha, toq'ue tzcham eb' smasnil.

Ex 12:39

Man̈x 'a tiempo 'ix sb'o eb' tas sc'uxu, ji'ltixn̈ej xpechx 'elt eb' yuj eb' 'aj Egipto cha. Toxn̈ej sb'ol eb' yoch cha, atn 'ixm harina may yich xyij cot eb'.

Ex 13:14

A yic 'oj sc'anb'noc eb' cunnalec 'ayn̈ b'aq'uin̈: ¿Tas tzyal 'el'ch jun tic? toto xchi eb', tzcalnec 'ixtc 'a eb': Sch'oxnb'il yic on̈ yi'n 'elt Jehová yet' spoder 'a yol yic Egipto, 'a 'ajtil 'e'nc on̈ mosoal.

Ex 13:16

Yuj cha, 'icha yopiso no tz'um 'aych 'a qui c'ab' yet' 'a snan̈l qui sat, 'ixta yopiso jun ley tic. A tz'a'n qui na coti, yic on̈ yi'n 'elt Jehová yet' spoder 'a yol yic Egipto, xqui chic 'a eb', xchi Moisés.

Ex 13:3

'Ix yaln Moisés 'a smasnil eb' yit chon̈b' chi 'ixtic: Yowlal 'oj qui nac cot jun q'uin̈ tic 'a junjn ab'il yujto on̈ yijec 'elt Jehová yet' spoder 'a Egipto, 'a 'ajtil on̈ 'e'c mosoal. Yuj cha, ma'oj qui wac 'ixm pan 'ay yich.

Ex 13:9

'Icha wal yopiso no tz'um 'aych 'a qui c'ab' yet' 'a snan̈l qui sat, 'ixta yopiso jun q'uin̈ tic yic tzqui nan coti. Yuj cha, to 'oj calb'tan̈c sley Jehová, ax qui yiclniec paxi, yujto a on̈ 'i'nec 'elt 'a Egipto yet' spoder.

Ex 14:13

'Ix ta'w Moisés 'ixtc 'a eb' 'anma cha: —Man̈ ex xiwoc, te'wtzejc e b'a, 'oj eyila' tas 'oj yutc colwjoc sb'a Jehová quet'ec, yujto man̈x 'a xon b'a'n̈ 'oj eyilch jun tzo'n̈ 'aj Egipto tic, cojxn̈ej ticnec tzeyilcn 'och eb'.

Ex 15:6

Mamin Jehová, caw wal 'ay a poder, 'ix a satl eb' 'ajc'ojl cha.

Ex 7:4

A win rey cha, ma'oj scha win yab' tas 'oj eyala', palta 'oj in ch'ox in poder yil win rey cha, yic tzwa'n cot yailal 'a yib'n̈ eb' 'aj Egipto tic, 'ixta 'oj wutc ex wi'n 'elta.

Ex 7:5

A yic tox xin ch'ox in poder yet' 'a yic tox ex wij 'elt 'a jun nacion̈ tic, 'ixta to b'i'an, ax snachj 'el yuj eb' 'aj Egipto tic, to an ton Jehová in, xchi Dios 'a Moisés.

Is 63:12

Atn Jehová 'aych yipc Moisés yic xb'ey 'a yol b'e, jun x'a'n spoj sb'a a mar 'a yojltac eb' schon̈ab', sec tzb'inax 'a smasnil tiempo yuj eb'.

Nm 11:23

Xlajw cha, 'ix ta'w pax Jehová, 'ix yaln 'ixtic: —¿Tom tza na'a to jab' wal in poder? A ticnec 'oj ela', toto 'oj 'el'choc tas 'ix wal an Jehová in tic, mto ma'ay, xchi Dios.

Nm 23:23

A 'a eb' yin̈tl Jacob, may yel'ch eb' tzyal jelnal sb'a, may yel'ch eb' b'alm 'a sat eb'. A ticnec b'i'an, yowlal tzalx 'ixtc 'a yib'n̈ eb' israel: Til wal satjub'tacl 'ix sb'o Dios yet'oc, xchi cab' eb' 'anma yuj eb'.

A Tas Sc'ulejnac Eb' Schecab' Jesús Hechos 13:17

A qui Diosalec an̈ israel on̈c tic, a si'jnac can 'el eb' qui mam quichmec. A yic 'ayc' eb' 'a scal eb' chuc chon̈b'al 'a Egipto, a 'a'jnac can 'och eb' niwc chon̈b'al. Xlajw cha, xyi'n 'elt eb' 'a Egipto chi yet' spoder.

Dt 32:39

An tic, cojn in ton Dios in, may junc xo dios 'icha 'in tic. An tzwac' cham junc mach, an pax tztac' wa'n sq'uinal. An tzwac' lajwc eb' 'anma', an pax tzwan̈tj eb'. ¡May junc mach tztac' scoln 'el sb'a 'a yol in c'ab'!

Dt 4:34

¿Tom 'ay junc xo dios, tox x'i'n 'elt junc schon̈b' 'a scal junc xo chon̈ab' 'icha wal on̈ yutj Jehová on̈ yi'nec 'elt 'a Egipto? Til wal tas ujnac ta'. Eyiljnac milagro, xiwc'ojlal, owal. Yet' wal sjelnal on̈ yi'nec 'elt 'a Egipto cha.