Ex 5:3 - Chuj San Sebastian Bible

³ 'Ix yaln pax eb' 'ixtc 'a winac: —A qui Diosal an̈ israel on̈ tic on̈, 'ix sch'ox sb'a 'ayn̈ on̈, yuj cha, to tzon̈ a chaj 'at 'a lum cusltac lum chi 'on̈, yic tz'at ca'nc qui xajmb'al 'a Jehová qui Diosal on̈, 'oxe c'u ste'nb'il jun lugar cha. Toto matz on̈ 'at on̈, axta laj x'aji, on̈ chamt yuj junc yab'il on̈, mto 'oj qui xicx cham yet' q'uen espada on̈, xchi eb' 'a win rey cha.

Chuj San Mateo Bible

³ Ix yalan eb' vin̈: —A co Diosal a on̈ hebreo on̈ tic, ix sch'ox sb'a d'ayon̈. Yuj chi' chaon̈b'at d'a tz'inan luum yic b'at cac'an co silab' d'a Jehová co Diosal, oxe' c'ual stec'nab'il b'aj ol on̈ b'at chi'. Tato max on̈ b'ati, axo talaj tz'aji tzon̈ yac'ancham co Diosal chi' yuj junoc yaelal, ma yuj oval, xchi eb' vin̈ d'a vin̈ rey chi'.

Ex 5:3 Iomraidhean Croise

A Ch'an̈ Schab'il Libro Yic Yab'ixal Eb' Rey 17:25

Yictax sjaw cajn eb' ta', mant 'a xon 'aj tz'och eb' 'emmquilal 'a Jehová. Yuj cha, 'ix ya'n cot Jehová e no león 'a scal eb', yic tzchin no jaywn̈oc eb'.

2 Cr 30:8

Yuj cha, man̈ eyac' pitb'oc 'el e nab'en 'icha yutjnac sb'a eb' qui mam quichmec cha. 'A'c 'och e b'a 'a yol sc'ab' Jehová, jawn̈ec 'a yatut, atn jun sic'b'il 'el yuj 'a smasnil tiempo, tzeya'n servil Jehová qui Diosalec quet' on̈, ax yoch wan yowx 'ayex.

Esdras 7:23

Smasnil tas tzc'an Dios 'ay yic satcha'an̈, yajn̈ej tzeya'n mu'c 'a yatut Dios cha, sec wach' matz cot yowl 'a wib'n̈ an reyn tic yet' eb' wunnal, yet' pax 'a yib'n̈ eb' 'anma 'ay 'a yol in macb'en.

Ex 3:18

'Oj scha eb' yab' 'ayach. Tzlajw cha, tzach 'at yet' eb' yichm wincal chon̈b' Israel 'a yojltac win sreyl Egipto cha, tzeyaln 'a win 'ixtic: A Jehová qui Diosal an̈ hebreo on̈ tic on̈, a 'ix sch'ox sb'a 'ayn̈ on̈. Yuj cha, to tzon̈ a chaj 'at 'a lum cusltac lu'um, to tz'at cac' qui xajmb'al 'a qui Diosal on̈, 'aym 'oxe'oc c'u ste'nb'il jun lugar cha, xe chi 'a winac.

Ex 7:16

Ata tzal 'ixtc 'a winac: A Jehová qui Diosal an̈ israel on̈ tic on̈, a tzin checn cot 'ayach; to tza'l eb' wit chon̈b' tic 'a libre yic tz'at ca'nc 'emmquilal 'a qui Diosal 'a lum cusltac lum chi 'on̈; palta 'in an̈ja matz a chaj ab'i'.

Ex 8:1

'ix yaln pax Jehová chi 'a Moisés 'ixtic: —'At 'ilt win rey cha, tzaln 'ixtc 'a winac: A Jehová a tzaln 'aych 'ixtic: Chaj 'at eb' in chon̈b' tic, yic tz'at ya'nc eb' 'emmquilal 'ayin.

Ex 8:20

'Ix yaln pax Jehová 'a Moisés 'ixtic: —A yic q'uic'an 'a caw sq'uin̈b'il to, 'oj 'at win rey 'a sti a niwn a'. Yuj cha, tzach caw seb' q'ue wa'an, tz'at alnc 'a winac to an Jehová in, an tzwal 'ixtic: Chaj 'at eb' in chon̈b' tic yic tz'at ya'nc eb' 'emmquilal 'ayin.

Ex 8:27

Yuj cha, yowlal tzon̈ 'at 'a cusltac lum on̈, ata 'oj 'at cac' qui xajmb'al 'a Jehová qui Diosal on̈, 'icha yutjnac yalni. 'Oxe c'u ste'nb'il jun lugar 'aj tzon̈ 'at chi 'on̈, xchi Moisés.

Ez 6:11

'Ix yaln pax Jehová Cajlil 'ixtic: Poc' a c'ab', tza te'n 'ejm oc, 'el cab' aw yuj tas tzjaw 'a yib'n̈ eb' et chon̈b' tic. Man̈x jantcoc maysch'olnil x'el sb'on eb', yuj cha, 'oj cham eb' yuj owal, yuj wejel yet' pax yuj yab'il.

Lv 26:25

'Oj wa' cot owl 'a e cal eyailaloc, sec a tz'a'n spac in trato matz eyiclj cha. 'Oj laj cob' 'at e col e b'a 'a yol e chon̈ab', palta 'oj wac' cot yab'il 'a e cal, ax eyamchj yuj eb' 'ajc'ojl cha.

Dt 28:21

A Jehová 'oj 'a'nc cot junc niwquil yailal 'a eyib'an̈, a 'oj e satn 'el 'a sat lum lum 'aj 'oj e c'och cajn cha.