Ex 40:15 - Chuj San Sebastian Bible

¹⁵ Tzlajw cha, tza tzicn 'och perjuma 'a eb', 'icha wal tzotj Aarón cha. A jun perjuma tzicx can 'och 'a eb' cha, a tzch'oxn 'eli to tz'ochcn eb' 'a yopiso ya'n 'och eb' sti eb' 'anma 'ayn yet' yin̈tl 'a smasnil tiempo, xchi Dios.

Chuj San Mateo Bible

¹⁵ Tzac'anpaxoch aceite d'a eb' icha tzutej vin̈aj Aarón chi', yic vach' tz'ochcan eb' sacerdoteal d'ayin. Tz'ac'jioch aceite chi' d'a eb' yic scan jun opisio chi' d'a yol sc'ab' eb', ol b'eyn̈ejb'at d'a yin̈tilal eb' d'a masanil tiempo, xchi Jehová.

Ex 40:15 Iomraidhean Croise

Salmos 110:4

A Jehová mun slocjnac sb'i yic yalni, yuj cha, may wal b'a'n̈ 'oj sjel snab'en, alb'il can yuj 'ixtic: Ach tic, tzach 'ochcn ya'malc 'och sti eb' 'anma 'ayn 'a smasnil tiempo, 'icha ya'jnac Melquisedec 'a pecti', xchi Dios 'a 'a, xchi.

Ex 12:14

A jun c'u cha, niwn cab' yel'ch tz'ajcn 'a e sat, tzeya'ch junc niwquil q'uin̈ yic tzeyi'n chan̈ in b'i an Jehová in tic. Smasnil tiempo tze na cot jun tic, ax snan cot eb' eyunnal b'aq'uin̈. Ley tz'ajcn jun tic 'a e cal 'a smasnil tiempo.

Ex 28:41

'Ixta wal 'oj otc a pichn o'tac Aarón yet' eb' yunnal. Tzlajw cha, tza secn can q'ue perjuma 'a sjolm eb'. 'Ixta tz'aj schan can eb' yopiso yic tzya'n 'och eb' sti eb' 'anma 'ayin.

Ex 29:9

'Icha tzotj Aarón, 'ixta pax tzotj eb' yunnal cha. Wach' tzotj 'och sjal-l snan̈l spichl eb'. Tojl pax tzotj q'ue sc'oxl sjolm eb'. 'Ixta wal 'oj otc a'n can 'och eb' 'a yopiso. Ax jun yopiso eb' tic, to tzcan 'a smasnil tiempo.

Ex 30:31

Tzlajw cha, tzaln yab' smasnil eb' et israelal jun tzo'n̈ tic. To a yic 'oj b'ey tiempo, a jun perjuma tzb'o cha, to wicn̈ej tz'aji, yujto a 'oj c'anlb'axc 'a yic 'ay junc tas tz'ochcn wico'oc.

Ex 30:33

Toto 'ay mach tzb'on junc xo perjuma 'icha wal jun cha, mto tzcomn tzicj 'och 'a junc comn 'anma', a jun mach 'ixta tzb'o cha, 'ijx cab' 'el 'a e cal, xchi Dios.

Ex 40:14

Tzawtn cot pax eb' yunnal chi 'a a tz'ey, tza'n ya'ch eb' sjucn pichl yic yopiso.

Ex 40:16

A Moisés 'ix sb'o 'icha wal xyutj Jehová yaln 'a 'a.

Zacarías 4:14

'Ix yaln 'ayn 'ixtic: Atn chab' tic tzch'oxn cot chawn̈ eb' sic'b'il 'el yuj Yespíritu Jehová yic tzya'n servil eb' Dios, atn Yajl yaj 'a smasnil yolyib'n̈q'uinal, xchi jun ángel cha.

Nm 25:13

To tzwac' jun 'opiso tic 'a 'a, yet' 'a eb' yin̈tl b'aquin̈, yic tz'ochcn eb' ya'malc 'och sti eb' 'anma 'ayn 'a jun 'ejmn̈ej. Caw locn 'ix yab' syal wet'oc, 'ix ya'n sicb'oc yowl in c'ojl 'a yib'n̈ eb' chon̈b' tic, xchi Dios.

A Ch'an̈ Carta D'a Eb' Hebreo 7:3

Man̈ checloc mach smam snun, yet' smam yicham. Yic yalji, yet' yic schami, may tas tzyal yu'uj. Yuj cha, sch'oxnb'il Yunnal Dios yaj winac, atn jun tz'a'n 'och qui tic 'a Dios 'a smasnil tiempo.

A Ch'an̈ Carta D'a Eb' Hebreo 7:7

Cojquec, a mach tzc'ann swach'c'ojlal Dios 'a yib'n̈ junc xo mach, wal yel, yel xo niwn yel'ch 'a yib'n̈ jun 'aj tzc'an cot swach'c'ojlal Dios cha.