Ex 4:10 - Chuj San Sebastian Bible

¹⁰ Xlajw cha, 'ix yaln Moisés 'ixtc 'a Jehová: ¡'Ay, Mamin Jehová! comnoc wal man̈oc in tzin a checb'ti, yujto caw wal matz tac' in paxtini; man̈ octo yic tzaln 'ayn tic tzwaln 'ixta', palta toxn in c'ojlb'al to teb'il tztac' in paxtini, xchi.

Chuj San Mateo Bible

¹⁰ Ix lajvi chi', ix yalan vin̈aj Moisés chi' d'a Jehová icha tic: —Ay, ach Mamin Vajalil. Comonoc man̈oc in tzin a checb'ati, yujto yelxo val max yal-laj in loloni, man̈octo tzalan d'ayin tic svalani, palta toxonton in c'olb'al, teveln̈ej syal in loloni, xchi vin̈.

Ex 4:10 Iomraidhean Croise

Job 12:2

A wal tzwutj wab'ni caw wal cojxn ex 'ojtnac smasnil tas 'a scal eb' 'anma', ax yic 'oj e chami, ax sat 'ejm smasnil jelnal.

Ex 3:11

Palta 'ix yaln Moisés 'ixtc 'a Dios: —¿Tas waj an tic, yuj cha, 'oj stac' in 'at paxtinc 'a sat win rey cha, ax wi'n 'elt eb' wit israelal 'a Egipto cha? xchi Moisés.

Ex 4:1

'Ix ta'w Moisés 'ixtc 'a Jehová: Ma'oj scha eb' yab' 'ayin, ¿tom 'oj syiclc eb' tas 'oj wala'? Tecn 'oj yal eb' 'ayn 'ixtic: Totn am wal yel 'ix sch'ox sb'a Dios 'ayach, mto ma'ay, 'oj schic am eb', xchi Moisés.

Ex 6:12

Palta 'ix yaln Moisés 'ixtc 'a Jehová: —'Intax matz chaj eb' wit israelal chi yab' tas tzwala, ocxom wal win rey cha, ¿tom 'oj scha win yab' tas 'oj wala'? 'In to matz tac' wal pax in paxtini, xchi Moisés.

Ex 6:30

'Ix ta'w Moisés 'ixtc 'a Jehová: —Mamin, caw wal matz tac' in paxtini ¿Tas wal 'oj yutc win rey chi yab'n tas 'oj wala'? xchi Moisés.

Jeremías 1:6

¡'Oltacn Mamin Jehová, ach Wajlil! ¡Caw wal quelm in to 'unin, mantzac nachj wu'uj, tas tzwutj paxtinc in b'a! xin chi 'a 'a.

Miqueas 6:4

'In an wijnac 'elt eb' e mam eyichm 'a Egipto, in coln 'elt eb' 'a 'aj 'aych mosoal. An in checjnac 'at Moisés, Aarón yet' pax María, yic sjucb'tzax eb'.

A Tas Sc'ulejnac Eb' Schecab' Jesús Hechos 7:22

Ax Moisés cha, c'uxn 'ix 'ajx scuy jantcn̈ej sjelnal eb' 'aj Egipto. Yuj cha, caw wal jeln yalni. Jeln pax sb'on smasnil tas.

2 Co 10:10

Yujto 'ayx ab' tzeyal wuj 'ixtic: A jun tzo'n̈ scarta, caw ow ton yalni, caw 'ay yip. Palta ax winac, toxn may jac yip win tzquila. A yic tzpaxtini, may jac yel'ch tzcab'i, xe chi ab'i'.

2 Co 11:6

Wach'xam man̈ jelnoc tzwutj in paxtini, palta a wal tas wojtac, caw 'ay yel'chi. Jantcn̈ej jun tzo'n̈ tas 'ec' in b'ojnac 'a e cal, a ch'oxjnac 'ayex, to 'ay tas wojtac.