Ex 39:6 - Chuj San Sebastian Bible

⁶ Xya'n 'och eb' q'uen cornalina 'a 'aj 'ay syamnub'al to nab'a oro, 'aych sb'i eb' yunnal Israel 'a eb' q'ue'en, 'icha wal stz'ib'l junc seyo, 'ixta x'ajch sb'i eb' cha.

Chuj San Mateo Bible

⁶ Ix yac'anoch q'uen cornalina eb' d'a syamnub'al nab'a oro. Ayoch sb'i eb' yuninal vin̈aj Israel d'a q'ueen, icha yajoch sletrail junoc sello.

Ex 39:6 Iomraidhean Croise

Job 28:16

Matz tac' qui tojnec yet' q'uen oro caw wach', mto yet' q'uen cornalina, mto yet' q'uen zafiro.

Ex 28:11

A mach tz'a'n can 'och jun tzo'n̈ b'i chi 'a q'uen q'uen cha, a cab' junc mach yojc sb'on q'uen q'uen wach' yilxi. A tzb'on can 'och jun tzo'n̈ b'i cha, 'icha wal stz'ib'l junc seyo, 'ixta tz'ajcn 'ochi.

Ex 28:12

Tzlajw cha, tza'n 'och eb' q'uen 'a te sc'ab' te pichl chi tz'ec' 'a squelb' te camx 'icha chaleco cha, tz'ochcn eb' q'uen snanb'ilc cot smasnil eb' yunnal Israel. Ax Aarón, 'oj yic b'ey jun tzo'n̈ b'i tic 'a squelab' yic tz'ochch 'a wojltac an Jehová in.

Ex 28:9

Tzlajw cha, tze'n cot chab'oc q'uen cotc pachmb'a cornalina, ax 'a eb' q'ue'en, ata tzac' 'och sb'i smasnil eb' yunnal Israel.

Ex 39:5

Ax jun jal-l tzjaln 'och te camx chaleco cha, lajn x'aj sb'o yet' te chaleco cha. 'Ix 'och oro 'a scal te q'uic'mucnac ch'al, te púrpura, te chac yet' te lino ch'umb'il, 'ix b'o te 'icha yaj yaln Jehová 'a Moisés.

Ez 28:13

A 'a scal te 'awb'ente 'a Edén, ata 'e'nc ach cajan, ax jun tzo'n̈ q'uen wach' yilxi, a eb' 'aych yelwnub'loc a pichul, atn eb' q'uen tic: Q'uen rubí, q'uen crisólito, q'uen jade, q'uen topacio, q'uen cornalina, q'uen jaspe, q'uen zafiro, q'uen granate yet' q'uen esmeralda. Ax tas yamjnac jun tzo'n̈ q'uen cha, nab'a oro. A jun tzo'n̈ tic lista xon yaj eb' yictax ach in b'on cani.