Ex 39:32 - Chuj San Sebastian Bible

³² 'Ixtn tic wal x'aj sb'o 'el'ch scajnub' Dios, atn jun Mantiado 'aj tzchaj sb'a yet' eb' 'anma'. Sb'o eb' israel smasnil tas 'ix yac' Jehová b'o'oc, 'icha wal yaj yaln 'a Moisés, 'ixta 'ix 'aji.

Chuj San Mateo Bible

³² Icha chi' ix aj sb'ochajq'ue scajnub' Dios b'aj sch'ox sb'a. Icha val ix aj yalan Jehová d'a vin̈aj Moisés chi', icha val chi' ix aj sb'oan eb' israel chi'.

Ex 39:32 Iomraidhean Croise

A Ch'an̈ B'ab'el Libro Yic Yab'ixal Eb' Rey 6:38

Ax 'a yic yuxlchil ab'il yoch reyal 'a jun 'uj tzcuch Bul, swajxquil 'ujl 'a yol jun ab'il cha, 'ix lajw sb'o 'el'ch smasnil, 'icha wal yaj yechl 'a yun̈al. Uque ab'il 'ix yac' sb'o'i.

A Ch'an̈ B'ab'el Libro Yic Yab'ixal Eb' Rey 7:40

An̈jtona', 'ix sb'on pax Hiram jun tzo'n̈ chen, niwc luchlab', yet' 'uc'ab'. 'Ixtnta 'ix 'aj slajw sb'o smasnil jun tzo'n̈ 'ix yac' rey Salomón b'o 'a yatut Jehová.

1 Cr 28:19

Yuj cha, xyaln pax David 'ixtc 'a Salomón: Smasnil jun tzo'n̈ tic, tz'ib'b'il cani, caw a Jehová 'ix 'a'n nachjc 'el wu'uj, ata tzyal yuj tas tz'aj sb'o smasnil munljel cha, 'icha yaj 'a yechel.

Ex 12:28

Yajn̈j wal cha, syamn 'och eb' syiclni mto sb'on 'icha 'ix yutj Jehová yaln 'a Moisés yet' 'a Aarón.

Ex 25:40

Tzcham wal eln tas tz'aj sb'o'i, 'icha wal tzwutj in ch'oxn yechl 'aych 'a sjolm lum witz tic, 'ixta wal tzotj a'n b'o'oc, xchi Dios 'a Moisés.

Ex 31:7

Mantiado 'aj tzin chaj in b'a eyet'oc yet' smasnil syamc'ab'il, te scaxail in trato yet' smacl yib'an̈, te mexa yet' syamc'ab'il, jun yet'l cantil nab'a oro yet' syamc'ab'il, yet'l xajmb'al yic incienso; yet'l xajmb'al 'aj tz'a smasnil no xajmb'al yet' smasnil syamc'ab'il, q'uen palagan yet' sb'achnub'al yalan̈, te pichl caw wach' tz'aj sjalxi, atn te 'oj ya'ch Aarón yet' eb' yunnal, yic 'aych eb' 'a yopiso ya'n 'och sti eb' 'anma 'ayin.

Ex 39:31

Xlajw cha, xya'n 'och eb' jun sch'an̈l q'uic'mucnac, sjaln 'och eb' q'uen placa chi 'a te sc'oxl sjolm 'a yic snan̈l sat, sb'o eb' 'icha wal xyutj Jehová yaln 'a Moisés.

Ex 39:33

Xlajw cha, 'ix ya'n can eb' smasnil syamc'ab'il scajnub' Dios 'a yol sc'ab' Moisés, atn jun Mantiado 'aj tzchaj sb'a Dios yet' eb' 'anma', yet' smasnil tas tzc'anx 'a yojol: slocnub'al te cortina, te 'a'nte', te 'oy yet' sb'achnub'al yalan̈, no stz'umal calnelu chac yaj sb'o'i, no tz'um caw lab'b'i, te cortina tz'och yen̈loc scaxail trato, te scaxail trato, te can̈nub' tzb'achn b'eyoc, smacl sti te caxa cha, te mexa yet' smasnil syamc'ab'il, 'ixm pan tz'och 'a yojltac Dios, jun yet'l cantil nab'a oro, jun tzo'n̈ cantil 'ayx 'och 'a jun yet'l cha, yet' pax smasnil syamc'ab'il, aceite tzc'anx 'a yic tz'och sc'a'l cantil, jun yet'l xajmb'al nab'a oro, jun perjuma to yicn̈ej Dios yaji, jun incienso caw su'q'ui sjab', te cortina tz'och smacloc sti Mantiado, jun yet'l xajmb'al nab'a bronce yet' srejail, te scan̈nub'al tzb'achn b'eyoc yet' smasnil syamc'ab'il, q'uen niwquil palagan yet' sb'achnub'al yalan̈, eb' te cortina tz'och 'a 'amac', yoyal yet' sb'achnub'al yaln̈ te 'oy cha, te cortina tz'och smacloc sti 'amac', sch'an̈il yet' yistacail 'amc' cha, tz'acw 'el'ch smasnil syamc'ab'il Mantiado cha. An̈jtona', xya'n can eb' te pichl b'ob'il yic tzc'anx 'a yol scajnub' Dios, atn te spichl Aarón yic yopiso, caw wach' yilxi, yet' te pichl yic yopiso eb' yunnal cha.

Ex 40:1

'Ix yaln pax Jehová 'a Moisés 'ixtic:

Ex 40:3

Tza'n 'ajxoc 'och te scaxail in trato 'a yojol, tzlajw cha, tz'och te cortina yen̈loc.

Nm 3:31

A eb' tic tz'iln te scaxail trato, te mexa, yet'l cantil, chab' yet'l xajmb'al, smasnil yamc'ab' tzc'anx 'a yol scajnub' Dios, yet' pax te cortina 'aych 'a yojol.

Mt 28:20

Tz'ec' laj e cuy eb', sec wach' jantcn̈ej tas waljnac can 'ayex, 'oj laj syiclc eb'. An tic 'ayn 'ec' eyet' 'a smasnil tiempo, masnto 'oj lajwc 'ec' yolyib'n̈q'uinl tic, xchi Jesús 'a eb'. [B'o cab' 'ixta']

Dt 12:32

A smasnil jun tzo'n̈ tzwalcn tic, yowlal tze b'eylb'ej, man̈ eya'ch stz'acub', man̈ eyi'l pax jab'oc 'a 'a, xchi Moisés.

A Ch'an̈ Carta D'a Eb' Hebreo 3:2

A Jesús, caw yiclum xyutj sb'a 'a jun 'a'jnac yopiso. 'Icha Moisés, yiclum yutjnac sb'a 'a scal smasnil eb' yunnal Dios yet'oc.

A Ch'an̈ Carta D'a Eb' Hebreo 8:5

Palta a yopiso eb' cha, ton̈j ch'oxnb'il yaj yuj tas 'ay 'a satcha'an̈. 'Icha to yen̈ln̈ej yaji. Cojquec, to ton̈j ch'oxnb'il yaji, yujto a yic mantzac sb'o Moisés jun scajnub' Dios, yaln Dios 'ixtc 'a 'a: Tzcham wal elni, 'icha wal tzwutj in ch'oxn yechl 'aych 'a sjolm lum witz tic, 'ixta wal tzotj a b'oni, xchi 'a 'a.

A Ch'an̈ B'ab'el Libro Samuel 15:22

Yuj cha, xyaln Samuel 'ixtic: Yel xo wal tzalj Jehová toto tzyiclx tas tzyala, 'a yib'n̈ to tz'ajx tz'a no xajmb'al 'a 'a. Yel xo wach' toto tzchax 'ab'xoc tas tzyala, 'a yib'n̈ to tz'ajx tz'a xepual no calnelu xajmb'al-l 'a 'a.