Ex 38:24 - Chuj San Sebastian Bible

²⁴ Smasnil q'uen oro 'ix c'anx 'a munljel, yic 'ix b'o scajnub' Dios, atn q'uen x'ajx ofrendail 'a Jehová, a q'uen 'a smasnil tecn 'ay 21 quintal yet' 95 libra. 'Ixta 'ix 'aj yechtax 'a 'echtab' tzc'anx 'a scajnub' Dios.

Chuj San Mateo Bible

²⁴ Masanil q'uen oro ix c'anchaji yic ix b'o scajnub' Dios, d'a ofrendail ix aj smoljiem q'ueen. A q'uen oro chi', 21 quintal yed' 95 libraxo q'ueen, icha yalil q'uen echlab' sc'anchaj d'a scajnub' Dios.

Ex 38:24 Iomraidhean Croise

Ex 25:2

Al jun tic 'a eb' et israelal, to tzyac' eb' junc yofrenda 'ayin. A jun ofrenda cha, 'oj q'ue wan 'a scal smasnil eb' to tz'el 'a sc'ojl ya'ni.

Ex 29:24

Tza'n smasnil jun tzo'n̈ tic 'a yol sc'ab' Aarón yet' 'a eb' yunnal, sec ax eb' tzb'achn 'och 'a wojltac an Jehová in.

Ex 30:24

yet' lajchwec libra te acacia. Tz'echtax jun tzo'n̈ chi yet' jun echtab' tzc'anx 'a in cajnub'. Nan̈l schan̈l litro pax yaceiteal te olivo.

Ex 35:22

Xlaj jaw eb' winac yet' eb' 'ix 'ix yet' yofrenda chi 'a Moisés, caw wal tzalj eb'. 'Ix laj yi' cot eb' q'uen yelwnub'l pichul, q'uen colc'ab', q'uen yumchiquin, q'uen ton̈ yet' smasnil q'uen q'uen to nab'a oro 'aych 'a 'a, atn chi 'ix yac' eb' 'a Jehová.

Lv 27:25

A smasnil stojl tas tznax 'el yuj win ya'mal 'och sti eb' 'anma cha, lajnn̈ej tz'aj 'icha q'uen tumn tzc'anx 'a in cajnub', junc'l geras, tzyal 'el'chi jun siclo.

Lv 27:3

A eb' winc junc'l ab'il sq'uinal masnto tzc'och 'a 60 ab'il, yowlal tz'ajx 50 q'uen tumn plata smanmb'iloc, a tzyal 'echtab' tzc'anx 'a in cajnub'.

Lv 5:15

Q'uinloc 'ay mach man̈ sc'anc sc'ojl tzya'ch smul, yic matz yac' tas to wicn̈ej yaj an Jehová in, a jun cha, yowlal tzyij cot junc no mam calnelu may spaltail 'a wojltac, yic tz'och no xajmb'al-l yuj stojloc smul cha. A no tzyij cot 'ayn cha, yowlal tznaxi jantc tz'el'ch stojl no 'a q'uen plata, 'icha q'uen 'echtab' tzc'anx 'a in cajnub'.

Hageo 2:8

An 'ay wic q'uen plata yet' pax q'uen oro.

Nm 18:16

A yic jun 'uj xo yalji, tz'ajx jun tumn chi sjeloc. A yuj eb' 'unn cha, o'e q'uen tumn plata tz'ajx yuj eb', a tzyal yal-l q'uen tzc'anx 'a in cajnub', o'e gramo yal-l junjn q'ue'en.

Nm 3:47

A yuj eb' tzyac' sobra cha, tza c'an o'e'oc q'uen tumn plata yuj junjn eb', a tzyal yal-l q'uen tzc'anlb'ax 'a in cajnub', atn q'uen 11 gramos yalil.