Ex 38:21 - Chuj San Sebastian Bible

²¹ 'Ix ya'n Moisés b'o slistail smasnil q'uen q'uen 'ix c'anx 'a sb'omb'il scajnub' Dios, atn q'uen oro, q'uen plata yet' q'uen bronce. Ax win Itamar yunnal Aarón ya'mal 'och sti eb' 'anma 'a Dios, a win 'ix jucb'tzan eb' levita yic tzb'on eb' jun tzo'n̈ lista cha.

Chuj San Mateo Bible

²¹ Ix yalanxi vin̈aj Moisés chi' to sb'o slistail jantac q'uen oro, q'uen plata yed' q'uen bronce ix och d'a scajnub' Jehová, aton b'aj sic'chaj scaxail trato. A eb' levita ix b'oan slistail chi'. A vin̈aj Itamar yuninal vin̈aj Aarón ix cuchb'an eb'.

Ex 38:21 Iomraidhean Croise

1 Cr 6:3

A eb' yunnal Amram: atn Aarón, Moisés yet' María. A eb' yunnal Aarón: atn Nadab, Abihú, Eleazar yet' Itamar.

2 Cr 24:6

Yuj cha, xya'n win rey 'awtxoc cot Joiada sat ya'mal 'och sti eb' 'anma 'a Dios, xyaln 'a 'ixtic: —¿Tas yuj matz a'ch 'a a c'ojl eptzan eb' levita yic tz'at yi'noc eb' q'uen ofrenda 'a yol yic Judá yet' 'a Jerusalén tic? A Moisés win schecb' Jehová, a aljnac cani to a smasnil eb' quit israelal to yowlal tzyac' eb' q'uen tumn yuj sb'omb'il mantiado yic strato Dios, xchi win rey.

Job 11:4

Ach tic, cob' tzal 'a Dios to tojl a nab'en 'a sat, palta mun ach tzal 'ixta'.

Job 22:23

Toto tzej 'ejm a b'a 'a Dios jun tztac' yuj smasnil, tzach meltzj pax 'a 'a, 'oj ejx pax chan̈ yu'uj, ax yel smasnil yailal chi 'a yol atut.

Job 26:1

'Ix yaln pax Job 'ixtic:

Salmos 15:1

Mamin Jehová, ¿mach eb' 'oj stac' yaj cajn 'a yol a cajnub'? ¿mach eb' 'oj stac' yaj 'a lum tzaln ecn̈ej yaji?

Ex 25:16

Tzlajw cha, tza'n 'ejm eb' q'uen q'uen 'aj tz'ib'b'il 'och in checnb'il 'a yojl te caxa cha, atn eb' q'uen 'oj wac' 'aych tic.

Ex 26:33

Tzlajw cha, tza locnq'ue te cortina chi 'a yaln̈ 'aj 'aych eb' q'uen slocnub'al te nab'a oro, ax 'a spatquil 'och te cortina cha, ata tza'ch scaxail in trato, sec a te cortina chi tzpojn snan̈l jun Lugar wic yaji, yet' jun Lugar to cojn in 'ay wico'.

Ex 38:20

Smasnil yistacail yamq'uil scajnub' Dios, yet' yic te cortina cha, broncen̈ej smasnil.

Ex 38:22

A Bezaleel yunnal Uri, yixchicn Hur yin̈tl Judá, a win 'ix 'a'n b'o smasnil tas 'ix yal Jehová 'a Moisés.

Ex 40:3

Tza'n 'ajxoc 'och te scaxail in trato 'a yojol, tzlajw cha, tz'och te cortina yen̈loc.

Ex 6:23

Ax Aarón 'ix yij sb'a yet' 'ix Elisabet, yisl Aminadab yanb' Naasón, xlajw cha, 'ix 'alj yunnal eb', atn Nadab, Abiú, Eleazar yet' Itamar.

Nm 1:50

Yujto a eb' levita chi 'oj a'ch ya'malc servil in cajnub' 'aj 'ayc' scaxail in trato, yet' smasnil yamc'ab' tzc'anlb'ax 'a 'a. An̈jtona', a eb' 'oj 'i'nc b'ey jun in cajnub' chi yet' smasnil syamc'ab'il. Yowlal tzcann̈j cajn eb' 'a spatquil 'el in cajnub'.

Nm 1:53

A pax eb' levita, ata 'oj 'aj cajn eb' 'a spatquil in cajnub'; a eb' 'oj tan̈wnoc sec wach' ma'oj cot wowl 'a eb' israel, xchi Dios.

Nm 10:11

A yic sjunc'lil c'u yoch schab'l 'uj, 'a yic schab'l ab'il yelt eb' israel 'a Egipto, 'ix q'ue wan jun 'asn chi 'a yib'n̈ jun Mantiado yic trato cha.

Nm 18:2

Ax pax eb' ecan to junn̈j en̈tl yet'oc, wach' cab' tzcolwj eb' et'oc yet' 'a eb' onnal, yic tzex munlj 'a eyopiso 'a yol Mantiado yic trato cha.

Nm 24:5

Ex yin̈tl Jacob sja'l wal yilx 'at e mantiado, caw wach' yilx 'at e camplamento ex israel.

Nm 9:15

A 'a yic jun c'u 'aj 'ix b'o 'el'ch scajnub' Dios, tzyal 'el'chi, atn jun Mantiado yic trato, caw 'ix macchj 'el yib'n̈ yuj jun 'asun. A yic 'ix 'ejm can c'u, lajn 'ix 'aj yilx 'icha c'ac', masnto 'a yic 'ix sacb'el 'a junx c'u.

Mt 17:4

Yuj cha, xyaln Pedro 'ixtc 'a Jesús: —Mamin, caw wal wach' yujto 'ayn̈ec 'ec' 'a tic. Toto tza nib'ej, 'oj qui b'o 'oxe'oc pat on̈, junc eco', junc yic Moisés yet' junc yic Elías, xchi 'a 'a.

A Tas Sc'ulejnac Eb' Schecab' Jesús Hechos 7:44

A yic 'ix 'ec' eb' qui mam quichmec chi 'a jun cusltac lum cha, yet' eb' jun mantiado 'a 'aj 'ay sley Dios. Atn jun yet'l ya'jnac Moisés b'o'oc, 'icha yutjnac can Dios yaln 'a 'a, yic sch'oxn jun yechl 'a 'a.

2 Co 5:1

A qui niwnalec tic, lajn 'icha junc pat yajn̈ej tzlan̈chji. Palta cojquec, a yic 'oj lajwc 'ec' jun qui niwnalec tic, 'ay junx 'oj yac' Dios 'ayn̈ec 'a satcha'an̈. A jun cha, may b'a'n̈ 'oj lajwoc. Lajn 'icha junc n̈a caw wach' tz'aj sb'o'i, yujto man̈oc junc 'anma b'ojnac.

A Ch'an̈ Carta D'a Eb' Hebreo 8:2

Wan ya'n 'och qui tic 'a 'a. 'Ayc' 'a yojl jun caw yel yatut Dios, atn jun mun b'ob'il yuj Cajlilec cha. Man̈ 'anmac b'ojnac.

A Ch'an̈ Carta D'a Eb' Hebreo 9:11

Palta wulnc xo 'ec' Cristo ticnec. Yuj cha, atn sat ya'mal 'och qui tic 'a Dios ticnec. Caw wach' jun tzo'n̈ tas 'ac'b'il yuj 'ayn̈ec. Yujto a junx yet'l Dios 'aj tzyac' servil, caw yel xo wach', may jac spaltail. A jun cha, man̈ 'anmac b'ojnac, yujto man̈oc 'a sat lum tic 'ayq'ui.

A Schab'il Carta San Pedro 1:13

Tzin na'a, wach' tzex in jucb'tzej, tzwa'n e na cot jun tzo'n̈ tic, ya' sb'a pitzn in to.

Apoc 11:19

Xlajw cha, 'ix jacw yatut Dios 'a satcha'an̈, caw checl 'elt scaxail strato Dios 'a 'a. Yajn̈j wal cha, til wal xc'an̈ c'u, 'ix laj 'ec' raya. 'Ay jun tzo'n̈ xo tas xlaj c'an̈i. 'Ix 'ec' pax jun niwquil quixcab'. 'Ix jaw pax jun tzon̈ niwc sacb'at.

Apoc 15:5

Xlajwn̈ej cha, xwilni, a 'a jun scajnub' Dios 'a satcha'an̈, 'ix jacw jun Lugar yicn̈ej Dios yaj sch'ocoj, atn jun 'aj molb'il sley.

Apoc 21:3

Ax xwab'n yoch jun paxti 'a sdespacho Dios. Caw 'ip yaln 'ixtic: —'Ilto, a Dios 'ayc' yet' eb' 'anma ticnec. A 'oj cann̈j yet' eb'. Atn eb' chi schon̈b' yaji. Caw a Dios 'oj can 'a scal eb', atn wal sDiosal eb'.