Ex 36:2 - Chuj San Sebastian Bible

² 'Ix yawtn cot Moisés Bezaleel, Aholiab, yet' pax smasnil eb' x'ajx sjelnal yuj Jehová, yic tzb'on eb' junc tas wach' yilxi. Wal 'a smasnil sc'ojl eb' 'ix ya'n 'och sb'a eb' sb'on jun munljel tic.

Chuj San Mateo Bible

² Axo vin̈aj Moisés ix avtancot vin̈aj Bezaleel yed' vin̈aj Aholiab chi' yed' pax masanil eb' vin̈ ix ac'ji sjelanil spensar yuj Jehová yic sb'oan yaln̈ej tastac vach' yilji, aton eb' tz'el d'a sc'ol scolvaj d'a jun munlajel chi'.

Ex 36:2 Iomraidhean Croise

1 Cr 28:21

A ticnec, a eb' ya'mal 'och sti eb' 'anma 'a Dios yet' eb' levita, junjn macn̈ eb', caw wal tzya'ch eb' 'a sc'ojl smunlj 'a smasnil munljel tic. An̈jtona', yet' smasnil eb' mun tz'el 'a sc'ojl smunlji, eb' jeln snab'en smunlj 'a tzann̈j munljelal, eb' yajl yaji, yet' pax smasnil eb' chon̈ab', caw 'oj syiclc eb' smasnil a checnb'il, xchi rey David 'a Salomón.

1 Cr 29:5

yet' 'a tzann̈j munljel 'oj sb'o eb' munljum 'a q'uen oro mto 'a q'uen plata. Ax ticnec jun, mach ex wal tz'el 'a e c'ojl eya'n eyofrenda 'a Jehová ticnec, tztac' eya'ni, xchi win rey.

Ex 25:2

Al jun tic 'a eb' et israelal, to tzyac' eb' junc yofrenda 'ayin. A jun ofrenda cha, 'oj q'ue wan 'a scal smasnil eb' to tz'el 'a sc'ojl ya'ni.

Ex 25:40

Tzcham wal eln tas tz'aj sb'o'i, 'icha wal tzwutj in ch'oxn yechl 'aych 'a sjolm lum witz tic, 'ixta wal tzotj a'n b'o'oc, xchi Dios 'a Moisés.

Ex 28:3

Al 'a smasnil eb' 'ay sjelnal, eb' xwac' sjelnal snab'en sjalw nip, sec a eb' 'oj b'onc spichl Aarón yic tz'och ya'malc 'och sti eb' 'anma 'ayin.

Ex 31:6

Ax 'a scal eb' yin̈tl can Dan, ata xin sic' 'elt pax win Aholiab yunnal Ahisamac, a 'oj colwjoc yet'oc. Smasnil eb' 'ay xon sjelnal, 'ix in wach' 'a'j sjelnal eb', sec a eb' 'oj b'onc jun tzo'n̈ xwal 'aych tic:

Ex 35:10

Smasnil eb' winc 'ay sjelnal sb'on junc tas wach' yilxi, cot cab' eb', ax sb'on eb' tas 'ix yal Jehová to tzb'o'i:

Ex 35:2

Waque c'u tzex munlji, ax 'a yucl c'ual tzex 'ilji, yujto a jun c'u cha, yicn̈ej Jehová yaji, atn ta wach' eyi'n chan̈ sb'i. Tzann̈j mach tzmunlj 'a jun c'u cha, tojln̈ej schami.

Ex 36:1

Yuj cha, a win Bezaleel, yet' win Aholiab, yet' pax smasnil jun tzo'n̈ xo eb' xyac' Jehová sjelnal, atn eb' 'oj b'onc jun tzo'n̈ tas wach' yilxi. A eb' 'oj b'onc smasnil tas 'oj c'anlb'axc 'a yol scajnub' Dios. 'Oj sb'o eb' 'icha wal 'ix yutj Jehová yalni, xchi Moisés.

Ex 36:3

A ewin xchan smasnil jun tzo'n̈ ofrenda xyij cot smasnil eb' yit israelal eb' cha, xyaln Moisés 'a ewinac to tz'el yich sb'o scajnub' Dios. Ya' sb'a cha, caw wal 'ay stzaljc'ojlal eb' 'anma yi'n cot yofrenda 'a junjn sq'uin̈b'ial.

A Tas Sc'ulejnac Eb' Schecab' Jesús Hechos 14:23

A yic x'ec' Pablo yet' Bernabé 'a junjn iglesia, 'ix ya'n can 'och yopiso eb' tz'och ancianoal. 'Ix leslwi eb' 'a Dios, 'ix 'och pax eb' 'a c'ajb'c'ojlal. Xlajw cha, x'ajx can 'ab'enal eb' creyente 'a yol sc'ab' Cajlil yuj eb', atn 'a 'ajtil 'aych sc'ojl eb'.

A Scarta San Pablo D'a Eb' Aj Colosas 4:17

Ax cu'tac Arquipo, tzeyal 'ixtc 'a 'a: Caw tzach munlj wal 'a jun opiso tic xyac' Cajlil 'ayach, xe chi 'a 'a.

A Ch'an̈ Carta D'a Eb' Hebreo 5:4

May junc mach tztac' scomn 'a'n 'och sb'a 'a jun 'opiso cha. Cojn eb' 'awtb'il yuj Dios tztac' yajx yopiso, 'icha 'ajnc win Aarón yawtx yuj Dios pecti'.