Ex 34:19 - Chuj San Sebastian Bible

¹⁹ Smasnil eb' e b'ab'l winc 'unin, wic yaj eb'. An̈jtona' 'ixta pax yuj sb'ab'l 'une e wacax, e calnelu mto e chiwo. Toto smam no 'unn cha, wic yaj no'.

Chuj San Mateo Bible

¹⁹ Masanil eb' b'ab'el vinac unin, vic yaj eb'. Vicpax sb'ab'el yune' noc' e vacax, yune' noc' e calnel yed' yune' noc' e chiva tato vinac.

Ex 34:19 Iomraidhean Croise

Nehemías 10:36

An̈jtona', 'oj qui'c 'at eb' qui b'ab'l 'unnal, no sb'ab'l 'une qui wacax, no sb'ab'l 'une qui calnelu yet' sb'ab'l 'une qui chiwo 'a yatut qui Diosalec, 'a yojltac eb' ya'mal 'och qui ti 'a Dios, atn eb' tzmunlj 'a yatut qui Diosalec cha, 'icha yaj stz'ib'x can 'a ch'an̈ ley.

Ex 13:12

a yic cha, 'oj qui pojc 'el eb' qui b'ab'l winc 'unin, yet' no sb'ab'l 'une no qui cajb'en noc', atn no smam, yujto yic Jehová yaj eb'.

Ex 13:2

A eb' b'ab'l winc 'unn tz'alj 'a e cal, pojc 'el eb', yujto wic tz'ajcn eb'. An̈jtona no cajb'en noc', a sb'ab'l 'une e no', wic yaj no', xchi.

Ex 22:29

Man̈ e tench wan e b'a eya'n eyofrenda 'ayin: Atn ofrenda yic smasnil sb'ab'l sat eyawb'en. A eb' e b'ab'l winc 'unin, yowlal tzeyac' eb' 'ayin,

Ez 44:30

A eb' 'oj chanc jun tzo'n̈ ofrenda yic sb'ab'l sat 'awb'en yet' smasnil tas tzyac' eb' eyit israelal 'ayin. Ax yic 'oj e b'onc 'ixm harina panil, a wal 'ixm caw wach' 'oj eyac' 'a eb', sec 'oj wac' in yaxilal 'a eyib'an̈.

Lc 2:23

'Ixta xyutj sb'a eb', yujto a 'a sley Cajlil, ata tz'ib'b'il can 'ixtic: A junjn winc 'unn tzb'ab'l 'alji, a tz'ajx yico'oc Cajlil, xchi 'a Ch'an̈ U'un̈.