Ex 34:10 - Chuj San Sebastian Bible

¹⁰ 'Ix yaln Jehová 'ixtc 'a Moisés: Chaj ab' tas 'oj wala'. A ticnec tzin b'ocn jun in trato tic et' 'a sat smasnil eb' et chon̈b' tic. 'Oj in b'o jun tzo'n̈ tas satjub'tac yilxi, jun tzo'n̈ to mant 'a 'aj tzb'o 'a junc nacion̈ 'a sat lum lum tic. Ax smasnil eb' 'anma ajun et' tic, 'oj yil eb' smasnil tas 'oj in b'o', caw wal satjub'tac yilx tas 'oj in b'o 'a e cal.

Chuj San Mateo Bible

¹⁰ Ix yalan Jehová d'a vin̈aj Moisés chi': —Chaab' tas ol vala': A ticnaic, tzin b'ocan jun in trato tic d'a yichan̈ masanil eb' etchon̈ab'. Ol in b'o tastac te satub'tac to mantalaj b'aj tzuji d'a junocxo nación d'a yolyib'an̈q'uinal tic. Ol yil masanil eb' etchon̈ab' eb' ajun tic ed'oc tastac ol in c'ulej eyuuj, to satub'tac yilji.

Ex 34:10 Iomraidhean Croise

A Ch'an̈ Schab'l Libro Samuel 7:23

A pax a chon̈b' Israel tic, may junc xo chon̈b' lajn yet'oc, caw cojn jun nacion̈ tic a coljnac 'el 'a sat lum tic 'a yol sc'ab' eb' 'ajc'ojol, yuj yochcn a chon̈b'oc. Caw satjub'tac tas xa b'o yuj eb' a chon̈ab', yic 'ix e'n 'elt 'a Egipto; 'ix e'n 'el pax jun tzo'n̈ nacion̈ yet' sdiosal 'a yojltac eb'. Yuj cha, caw wal tzb'inax 'a b'i yuj eb' 'anma',

Salmos 106:22

Caw wal satjub'tac yilx tas xa b'o 'a lum slum eb' yin̈tl Cam, caw wal yel xo 'ay smay tas xa b'o 'a yol a Chac Mar.

Salmos 136:4

Cojn ton tzb'on tas satjub'tac yilxi. A schamc'ojlal Dios 'ayn̈j 'a smasnil tiempo.

Salmos 145:6

'Oj yal eb' 'anma yuj tas b'ob'il o'oj, yujto caw tztac' o'oj, 'oj wal-li to caw niwn el'chi.

Salmos 147:20

Man̈ 'ichcta 'ix yutj jun tzo'n̈ xo nacion̈, yuj cha, man̈ yojcoc eb' jun tzo'n̈ sley cha. ¡Alx cab' wach' paxti 'a Jehová!

Salmos 65:5

Ach qui Diosal on̈, qui Colmal aji, ach tzon̈ a ta'wej, tzon̈ a b'onyaj yet' tas satjub'tac yilxi. Smasnil eb' 'anma cajn 'a sat lum lum tic, yet' eb' cajn 'a sc'axpil 'ec' a mar, 'oj ach ya'ch eb' yipc sc'ojol.

Salmos 66:3

Calc 'a Dios 'ixtic: A wal a munljel Mamin, caw satjub'tac yilxi. Yuj wal a jelnal, caw tz'ib'x chan̈ eb' 'ajc'ojl 'a ojltac.

Salmos 66:5

Cotn̈ec, wul 'iltec smunljel Dios nab'an, atn jun tzo'n̈ satjub'tac yilx sb'o yuj qui wach'loc an̈ 'anman̈ec tic.

Salmos 68:35

Caw satjub'tac yilx yaj Dios 'a yol scajnub'. A qui Diosalec an̈ israel on̈ec tic, tzyac' qui jelnalec yet' quip. ¡Alx cab' wach' paxti 'a qui Diosalec!

Salmos 72:18

¡Alx cab' wach' paxti 'a Jehová! Atn qui Diosal an̈ israel on̈c tic, cojn tztac' sb'on tas satjub'tac yilxi.

Salmos 76:12

Yujto a tz'i'n 'ec' sq'uinl eb' yajal, caw tzxiw eb' rey yic yolyib'n̈q'uinl tic 'a 'a.

Salmos 77:14

Ach tic Dios ach, ach b'ojnac jun tzo'n̈ tas satjub'tac yilxi. 'Ix ac' 'ojcaxc 'el a tojlal yuj jun tzo'n̈ nacion̈.

Salmos 78:12

A Dios 'ix sb'o tas satjub'tac yilx 'a yojltac eb' qui mam quichmec, atn 'a Soán 'a yol yic Egipto.

Ex 34:27

'Ix yaln Jehová 'ixtc 'a Moisés: Tz'ib'j smasnil jun tzo'n̈ paxti tic, yujto a eb' 'aych yipnub'alc in trato b'ob'il wuj et'oc, yet' pax eb' et israelal tic, xchi.

Ex 34:28

Chawinc c'u chawinc 'ac'wl 'ix can Moisés yet' Jehová 'a sjolm lum witz cha. May xon jac tas sc'ux 'a yic jun tiempoal cha, may pax tas xyuq'uej. Atn 'a jun tiempoal cha, ata 'ix stz'ib'j can 'och jun trato 'a eb' q'uen q'uen cha, atn jun tzo'n̈ lajn̈e checnb'il.

Is 64:3

Comnoc tza b'o 'icha tas a b'ojnac 'a pecti', a yic eml cha, xa b'on tas man̈ nanoc cu'uj, caw satjub'tac yilxi, ax eb' lum niwc witz, c'uxn 'ix 'ib'x eb' lum 'a ojltac.

Jeremías 32:21

Yet' wal a niwquil poder cha, 'ix e'n 'elt a chon̈b' Israel tic 'a Egipto, yic tza ch'oxn jun tzo'n̈ niwc milagro, yet' jun tzo'n̈ senya xlaj a ch'oxo'. Yuj cha, xlaj xiwcn chan̈ eb' 'anma'.

Miqueas 7:15

'Ix ta'w Dios 'ixtic: 'Oj in ch'ox eyil tas to caw satjub'tac yilxi, 'icha wal wutjnac wi'n 'elt eb' e mam eyichm 'a Egipto.

Dt 10:21

Yujto cojn 'a sb'i 'aj wach' calnec qui wach' paxti', qui Diosalec wal yaji. Cujec til wal tas satjub'tac 'ix sch'ox 'ilxoc.

Dt 32:30

¿Tas yuj cojn yuj junc eb' 'ajc'ojol on̈ 'atc 'elc junc mil on̈ec? ¿Tas pax yuj cojn chawn̈ eb' xon̈ pechn 'at lajn̈e mil on̈ec? May tas tztac' yuj eb', toto man̈oc Jehová qui Colmal on̈ 'a'nec 'a yol sc'ab' eb'.

Dt 4:13

Ata 'ix yac' Jehová cojcoc 'el strato, atn jun lajn̈e checnb'il. 'Ix stz'ib'j 'och 'a chapachn̈ q'uen q'ue'en. 'Ix yalni to yowlal tzqui b'eylb'ejec.

Dt 9:19

Caw wal in xiwi yic xwab'n scot yowl Jehová 'a eyib'an̈. A xwutj wab'ni, tox ex lajw 'el yuj muc'uc. Palta 'ix yab' to wal Jehová tas xwal 'a jun 'ejm xo cha.

Josué 6:20

A yic 'ix 'utz'x no cacha cha, 'ix 'el yaw smasnil eb' soldado. Yajn̈j wal cha 'ix cot lan̈n̈joc smuroal jun chon̈b' cha. Ax eb' soldado cha, 'ix 'at tza'njoc eb' 'a stojlal 'aj 'ayq'ui, 'ix 'och eb' 'a yol jun chon̈b' cha.