Ex 33:7 - Chuj San Sebastian Bible

⁷ 'Ix xuyn chan̈ Moisés jun Mantiado yic Jehová, najt 'ix yij 'el 'a stz'ey camplamento cha, ax 'a sti 'el chi sb'ox cha'an̈. 'Ix ya'n scuch Mantiado 'aj tzqui chaj qui b'a yet' Dios. Toto 'ay mach tznib'j c'umnoc Jehová, yowlal ata tz'at 'a jun Mantiado 'ay 'a sti 'el camplamento cha.

Chuj San Mateo Bible

⁷ Ix yac' b'ochajq'ue jun mantiado vin̈aj Moisés d'a stib'at campamento. Ix yac'an vin̈ scuch jun mantiado chi': D'a B'aj Sch'ox Sb'a Jehová. Tato ay junoc mach sb'at sc'anb'ej junoc tas d'a Jehová, yovalil sb'at d'a jun mantiado chi'.

Ex 33:7 Iomraidhean Croise

A Ch'an̈ Schab'l Libro Samuel 21:1

A 'a yol stiempoal rey David, 'oxe ab'il 'ix yac' wejel. Yuj cha, 'ix scanb'n David 'a Jehová tas yuj 'ixta wan yuji. 'Ix yaln Jehová 'a 'ixtic: A jun wejl tic, yuj smul Saúl yet' yuj eb' yin̈til, yuj cha, tzeyab'n syail, yujto milb'il cham eb' gabaonita yu'uj, xchi.

Salmos 10:1

Mamin Jehová, ¿tas wal yuj najt tzej can 'el a b'a? ¿Tas yuj tza c'ub'j 'el a b'a yic stiempoal 'ay yailal?

Salmos 27:8

Ach 'ix al 'ayn 'ixtic: Nitz 'ochl a b'a 'a in tz'ey, xa chi. Yuj cha, xin nani to tzin nitz 'ochch in b'a 'a a tz'ey.

Salmos 35:22

Mamin Jehová, 'ix eln̈j smasnil jun tzo'n̈ tic, man̈ ach can 'a sictaquil. Man̈ e'l a b'a 'a in tz'ey.

Ex 18:12

Xlajwn̈ej cha, xya'n win Jetro chi jun xajmb'al yuj yaln wach' paxti 'a Dios; 'ay jun tzo'n̈ xo xajmb'al xyac'a. 'Ix c'och pax Aarón yet' eb' yichm wincal chon̈b' Israel 'a winac, 'ix mol wa eb' 'a yojltac Jehová yet' win sn̈i Moisés cha.

Ex 18:7

Yajn̈j wal cha, 'ix 'elt Moisés 'a yol smantiado 'at scha sn̈i', 'ix 'em n̈ojn sc'och 'a yojltac sn̈i cha, stz'ub'n 'elt sti'. Ax yic xlajw sc'anb'lan eb' sc'ojol, 'ix 'och eb' 'a yol smantiado Moisés.

Ex 33:6

Yuj cha, a yic 'ix 'atx eb' 'a lum yich witz Sinaí, man̈x 'a junc eb' xya'ch syumchiquin yet' ston̈.

Ex 33:8

A yic tzxitc' Moisés 'a jun Mantiado cha, smasnil eb' 'anma', tz'elt can lin̈n eb' 'a yol sti smantiado, jun lajn tz'ajch q'ueln eb' 'a Moisés, masnto tz'och 'a yojl jun Mantiado cha.

Pr 15:29

Caw najt yajl Jehová 'a stz'ey junc maysch'olnil sb'eyb'al, palta toto tojl snab'en, caw chab'il slesl yu'uj.

Is 59:2

¡Palta man̈ 'ichc ta'! A tas maysch'olnil tze b'o'o, a chi 'ayc' 'a e nan̈l yet' Dios. A jun tzo'n̈ e mul cha, a tz'ec' jen̈n 'a e nan̈l yet'oc, yuj cha, man̈xtzac snib'j yab' tas tzeyala.

Os 9:12

Toto 'ayt 'aj 'oj cob' q'uib' eb' 'unn chi jun, palta an xo 'oj wi'cc sq'uinl eb' 'a eb'. Man̈x 'a xon junc 'oj wactc cani. 'Oltac wal jun tzo'n̈ eb' 'anma cha, yic 'oj wi'nc 'el in b'a 'a stz'ey eb'.

Dt 4:29

Palta toto a yic 'ayx 'ec' ta', ax snan sb'a e c'ojol, ax e c'ann scolwal Jehová qui Diosalec yet' smasnil e c'ojol mto yet' smasnil e nab'en, 'oj colwjoc ton 'ayex.

A Ch'an̈ Carta D'a Eb' Hebreo 8:2

Wan ya'n 'och qui tic 'a 'a. 'Ayc' 'a yojl jun caw yel yatut Dios, atn jun mun b'ob'il yuj Cajlilec cha. Man̈ 'anmac b'ojnac.