Ex 33:20 - Chuj San Sebastian Bible

²⁰ Palta tzwal 'ayach, ma'oj el xon in sat, yujto may xon junc 'anma tztac' yilni. Toto tzyila, yajn̈ej tzchami.

Chuj San Mateo Bible

²⁰ Palta sval d'ayach to man̈ ol yal-laj och q'uelan d'a in sat, yujto malaj junoc mach syal yilan in sat. Tato tz'och q'uelan junoc mach d'ayin, elan̈chamel schami.

Ex 33:20 Iomraidhean Croise

Gn 32:30

Xya'n can Jacob sb'ic jun lugar chi Peniel, yujto xyal 'ixtic: Caw wal xwil Dios yet' in sat, palta 'in pitzn in to, xchi winac.

Ex 24:10

Ata xyil eb' israel chi sDiosal. Caw tzictzni yilx 'aj te'n 'ejm yoc, lajn yilx 'icha q'uen zafiro, caw yaxt'ujnac yilx 'icha satcha'an̈.

Ex 24:9

'Ix 'atx Moisés yet' Aarón 'a jolm witz Sinaí, yet' Nadab, Abiú yet' pax 70 eb' yichm wincal chon̈b' Israel.

Ex 3:6

An tic, sDiosal in eb' a mam echam, atn Abraham, Isaac yet' Jacob, xchi Dios. A yic xyab'n Moisés yalx jun tzo'n̈ paxti cha, 'ix smacn 'och sc'ab' 'a sat, yujto caw xiw yiln Jehová.

Ex 33:18

—Mamin, ch'ox wal wil a tzictznil 'an, xchi Moisés cha.

Ex 33:23

'Oj lajwc we'cni, ax wi'n pax 'el in c'ab', sec cojxn̈ej in patquil 'oj ela', al wal eln in sat, caw wal matz tac'a, xchi Dios.

Is 6:5

Yuj cha, xwaln 'ixtic: 'Oltacn wali, tecn 'oj in chami, yujto xwilch jun Rey yet' in sat, atn Jehová tzta'n̈j yuj smasnil. An xo tic, nab'a 'anma 'in, tu tas tzlaj 'elt 'a in ti', cajn in 'ec' pax 'a scal eb' 'anma tu spaxtin tic, xin chi.

Jn 1:18

May junc mach 'ix 'iln Dios jun 'ejmoc. Palta a jun c'otn̈ Yunnal to Dios paxi, a ch'oxjnac 'eli. A Yunnal tic caw chamc'ojlb'il yu'uj.

Dt 5:24

Yel ton wal b'i'an, a Jehová sch'ox sb'a yet' stzictznial, yet' pax spoder. 'Ix cab' pax wal spaxtin 'elt 'a scal c'ac'. A ticnec, 'ix cojquej 'eli to tztac' spaxtin Dios yet' eb' 'anma', may pax eb' xcham yu'uj.

1 Ti 6:16

Dios chi may b'a'n̈ tzchami. Sacq'uinl 'aj 'ay. May junc mach tztac' sc'och 'a stz'ey. May xon junc mach tz'iln Dios, yujto may mach tztac' yilni. Caw niwn cab' yel'ch Dios 'a qui sat. 'Ay spoder 'a smasnil tiempo. 'Ixta cab' tz'aji.

A Ch'an̈ Carta D'a Eb' Hebreo 1:13

May junc ángel 'aj yaljnac pax Dios junx tic, 'icha 'ix yutj yaln 'a Yunnal. Yic yaln 'ixtic: 'Emn̈ wocn 'a in wach' c'ab', masnto 'oj can eb' tzchichn 'och 'aych 'a yaln̈ wu'uj, xchi.

Jueces 13:22

'Ix yaln Manoa chi 'a yistzil 'ixtic: —A ticnec ach wistzil, tecn 'oj qui chami, yujto 'ix quil Dios, xchi.

Jueces 6:22

'Ixta x'aj snachj 'el yuj Gedeón, chajtlto a jun yángel Jehová 'ix paxtin yet'oc, yuj cha xyaln 'ixtic: —¡'Ay, Mamin Jehová! ¡Caw wal q'uelc'mb'a in 'aj in paxtin yet' jun ángel checb'il cot o'oj! xchi.