Ex 33:2 - Chuj San Sebastian Bible

² An 'oj wac' b'ab'ljoc jun wángel eyu'uj, a 'oj e jucb'tzani. 'Oj wi'l eb' 'anma 'ay 'a sat lum lum cha, atn eb' cananeo, eb' amorreo, eb' hitita, eb' ferezeo, eb' heveo yet' eb' jebuseo.

Chuj San Mateo Bible

² A in ol in chec b'ab'laj jun vángel d'a eyichan̈. A' ol ex cuchb'anb'atoc. A juntzan̈ chon̈ab'il anima, aton eb' cananeo, eb' amorreo, eb' hitita, eb' ferezeo, eb' heveo yed' eb' jebuseo, ol viq'uel eb' d'a sat luum chi'.

Ex 33:2 Iomraidhean Croise

Gn 24:7

A Jehová sDiosal satcha'an̈, a in 'i'n 'elt 'a yatut in mam, 'ix ya'n sti ya'n jun lum tic 'a eb' win̈til. A pax 'oj checnc 'at yángel et'oc, sec wach' 'oj e' cot yistzil ni wunnal tic ta'.

1 Cr 1:14

A 'a win Canaán, ata cotnc yin̈tl eb' jebuseo, eb' amorreo, eb' gergeseo,

Ex 23:20

'Oj in checb't jun wángel eyet'oc yic tzex stan̈wni 'a yol b'e, ax ex yi'n 'at 'a jun lugar 'ajtil wach'x yaj wu'uj.

Ex 3:17

'Ix wala to 'oj ex in col-l 'a yaln̈ jun eyailal tic, ax ex wi'n 'at 'a jun lum lum caw wal wach', caw 'ay syaxil sat, atn 'a 'aj cajn 'ec' eb' cananeo, eb' hitita, eb' amorreo, eb' ferezeo, eb' heveo yet' eb' jebuseo, xchi Dios, xa chi 'a eb'.

Ex 3:8

Yuj cha in 'emli, yic tzwul in colnc 'elt eb' 'a yol sc'ab' eb' 'aj Egipto cha. 'Oj wic' 'elt eb', ax wi'n 'at eb' 'a jun lum lum caw lewan, caw wach', til wal tas 'ay 'a jun lum cha. Atn lum 'aj cajn eb' cananeo, eb' hitita, eb' amorreo, eb' ferezeo, eb' heveo yet' eb' jebuseo.

Ex 32:34

Ax ticnec 'an, 'ixic, 'ij 'at eb' chon̈b' tic 'a jun lugar 'aj xwal 'ayach. A jun wángel 'oj b'ab'ljoc eyu'uj, a 'oj e jucb'tzani. Palta 'ay jun c'ual, 'oj wac' syailal eb' 'anma tic yuj smul 'ix 'och 'ayin, xchi Dios.

Ex 33:12

'Ix yaln Moisés 'ixtc 'a Jehová: —Mamin, ach 'ix al 'ayin to an tzin jucb'tzej jun chon̈b' tic, palta ma'ix al 'ayin mach tzcolwj wet'oc. 'Ix aln paxi chajtlto 'ojcab'iln o'oj, 'ay a tzaljc'ojlal wet' alni.

Ex 34:11

Yicljec smasnil tas 'ix wal 'ayx tic, sec an xo 'oj wi'l eb' 'anma chi 'aj 'oj e c'och cha, atn eb' amorreo, eb' cananeo, eb' hitita, eb' ferezeo, eb' heveo yet' eb' jebuseo.

Ex 34:24

An 'oj wi'l jun tzo'n̈ 'anma 'aych 'a sat lum lum cha, ax sniwnb'i can e lum cha, may mach tzaln 'ica'anc lu'um, ya' sb'a tzex jaw 'a wojltac an e Diosal in tic.

Zacarías 12:8

An Jehová in, 'oj in tan̈wc eb' cajn 'a Jerusalén cha. A eb' may wal sjelnal ya'n owl 'a scal eb' cha, caw wal 'oj jelnb'oc eb' 'icha rey David. Ax eb' yin̈tl David cha, a eb' 'oj jucb'tzan eb' 'a jelnal, 'icha to a jun wángel b'ab'l s'at 'a yojltac eb' mto 'icha to a 'in.

Dt 7:22

Jab'jnal 'oj yi'l Jehová jun tzo'n̈ nacion̈ chi 'a eyojltac. Man̈ jun 'ejmocn̈ej tze satl eb', to ma'ay, 'ay smay sniwtj no calte'al noc' 'a e cal, ax ex schin no'.

Josué 24:11

Xlajw cha, ex wa'n 'e'toc 'a yojl a Jordán, axta ex jaw 'a Jericó. A eb' cajn 'a Jericó cha, yet' eb' amorreo, eb' ferezeo, eb' cananeo, eb' hitita, eb' gergeseo, eb' heveo yet' pax eb' jebuseo, 'ix yac' eb' owl cob' eyet'oc, palta an xo xwac' eb' 'a yol e c'ab', sec tz'em eb' eyu'uj.

Josué 3:10

A yuj tas 'oj ch'oxxoc eyila', ax snachj 'el eyu'uj, to a jun Dios pitzan a 'ayc' 'a qui calec. A 'oj 'i'noc 'el jun tzo'n̈ eb' 'anma 'ay 'a jun tzo'n̈ lugar 'aj 'oj queq'uec: atn eb' cananeo, eb' hitita, eb' heveo, eb' ferezeo, eb' gergeseo, eb' amorreo yet' eb' jebuseo.

Jueces 6:9

Man̈ cojnoc 'a yol sc'ab' eb' 'aj Egipto ex in col 'elta, palta ex in col 'elt pax 'a eb' x'a'n 'och e cusc'ojlal. Xwij 'el eb' 'a eyojltac, ax 'ayx xwac' slum eb'.