Ex 33:14 - Chuj San Sebastian Bible

¹⁴ —An wal 'oj in 'at eyet'oc, ax e can 'a junc'ojlal 'a sat lum lum cha, xchi Dios 'a Moisés.

Chuj San Mateo Bible

¹⁴ —A in val lac'an ol in b'at ed'oc, ol ex vac' cajnaj d'a junc'olal d'a lum luum chi', xchi Jehová d'a vin̈.

Ex 33:14 Iomraidhean Croise

Job 34:29

Toto a Dios may tas tzyala, ¿mach wal junc tztac' ya'n 'och 'a yib'an̈? Q'uinloc pax tzcub'j 'el sb'a Dios 'a eb', ¿mach wal junc 'oj stac' yilni? A Dios lajnn̈ej yel'ch yopiso 'a yib'n̈ junjn nacion̈ yet' 'a yib'n̈ junjn 'anma'.

Salmos 95:11

Yuj cha, 'a scal yowl in c'ojol, xwa'n in ti', to may b'a'n̈ 'oj 'och eb' 'iljoc wu'uj, xin xchi, xchi Dios.

Ex 13:21

A 'a c'ual, b'ab'l Jehová yuj eb' 'a scal jun topn̈ 'asun, a tzch'oxn b'e 'a eb'. Ax 'a 'ac'wal, a 'a scal jun topn̈ c'ac' ata 'aychi. A tz'a'n sacq'uinl 'a eb' 'anma cha, sec wach' sb'ey eb' 'a c'ual mto 'a 'ac'wal.

Ex 3:12

'Ix ta'w pax Jehová, 'ix yaln 'ixtic: —Wal yel an 'oj woch et'oc, 'ay jun ch'oxnb'il 'oj wac' 'ayach, chajtlto an tzach in checb'ti. Ax yic tox 'ix 'elt eb' in chon̈b' chi oj 'a Egipto cha, ax wul eya'nc 'ejm e b'a 'ayn 'a jun witz tic, xchi Dios.

Is 63:9

Locn xyab' syal yet' eb', caw a xcoln 'el eb'. Yuj schamc'ojlal yet' swach'l snab'en, yuj cha, scoln 'el eb', 'ix squetzn chan̈ eb'. Niwn tiempo 'ix 'ijx b'ey eb' yu'uj.

Jeremías 31:2

A eb' 'anma 'ix 'at 'elc 'a yol sc'ab' chamel, ata schaj eb' in wach'c'ojlal 'a lum cusltac lu'um, yic wan sayn 'ec' eb' 'aj wach' tz'ilji.

Jeremías 6:16

'Ix yal Jehová 'a eb' schon̈b' 'ixtic: 'Ochn̈ec wan lin̈n 'a 'aj tzchaj sb'a jun tzo'n̈ b'e, tze maclni eyila'. Tze c'anb'n 'ec' jun tzo'n̈ 'ichm b'e yet' 'ajtil 'ay b'e wach'. A 'a yol jun b'e caw wach' cha, ata tzex 'ati, sec wach' 'oj eyilji, xin chi. Palta 'ix eyaln 'ixtic: Ma'ay, matz qui nib'j tzo'n̈ 'at ta 'on̈, xe chi.

Dn 12:13

Ach xo tic Daniel, caw te'nn̈ej tzotj a b'a, masnto 'a slajb' a q'uinal, atta 'oj elji. Ax 'a yic slajb' c'ul cha, atta 'oj a q'uex wa'an, 'oj a cha spac eco', xchi jun winc chi 'ayin, xchi Daniel.

Mt 11:28

Tzann̈j ex 'icha to tz'el eyip e munlji, yet' ex 'icha to caw 'al eyaj yuj eyicatz, cotn̈ec 'ayin, 'oj ex wac 'iljoc.

Mt 28:20

Tz'ec' laj e cuy eb', sec wach' jantcn̈ej tas waljnac can 'ayex, 'oj laj syiclc eb'. An tic 'ayn 'ec' eyet' 'a smasnil tiempo, masnto 'oj lajwc 'ec' yolyib'n̈q'uinl tic, xchi Jesús 'a eb'. [B'o cab' 'ixta']

Dt 12:10

A yic 'oj e c'axw can 'ec' 'a yojl a Jordán cha, ax e cajn lum lum 'oj yac' Jehová 'ayex, tzyal 'el'chi to ex colchj 'el 'a yol sc'ab' eb' 'ajc'ojl yajch 'ayex, man̈x 'a e xiwc'ojlal 'a jun lugar cha.

Dt 25:19

Yuj cha, a yic 'oj e colx 'el yuj Jehová qui Diosalec, a eb' 'ajc'ojl oyn 'och 'a sti lum lum 'oj yac' Jehová Dios eyico'oc, yowlal tze satl yab'xil eb' yin̈tl Amalec 'a sat lum lum cha, man̈ eyac' sat e c'ojl 'a jun checnb'il tic.

Dt 3:20

Colwjan̈c yet' eb' quit israelal tic, masnto 'oj yi'cn eb' slum tzyac' Jehová, atn lum 'ay 'a stojlal 'aj tz'em c'u 'a sc'axpil 'ec' a Jordán. At yic 'oj ya'nc Jehová junc'ojlal 'a eb', 'icha 'ix yutj ya'n 'ayx ax tic, 'ixta to b'i'an, tzex meltzj paxt 'a lum eyic 'ix wa'cn tic, xin chi 'a eb'.

Dt 31:8

A Jehová 'oj b'ab'ljoc o'oj, caw 'ayc'n̈ej et'oc. Man̈ a na to tzach yactj can a ch'ocoj. Yuj cha, man̈ ach xiwoc, man̈ ach meltzjoc 'a a patic, xchi Moisés.

Dt 4:37

A eb' qui mam quichmec 'a pecti', caw chamc'ojlb'il eb' yu'uj. Yuj cha, on̈ si'nec 'elt an̈ec yin̈tl on̈ec eb' tic, on̈ scolnec pax 'elt 'a Egipto yet' spoder.

Josué 1:5

May xon wal junc mach 'oj techjoc ya'n owl et'oc yujto 'aynn̈ej 'ec' et' 'icha xwac' yet' win Moisés. May wal b'a'n̈ 'oj ach waccan a ch'ocoj.

Josué 21:44

A Jehová, xyac' 'el'choc smasnil tas 'aj ya'jnac can sti', xya'n can junc'ojlal 'a sat smasnil lum lum cha. Man̈x 'ic stac' ste'wtzan sb'a eb' 'ajc'ojl 'a eb' israel, yujto a Jehová, a x'a'n eb' 'anma chi 'a yol sc'ab' eb'.

Josué 22:4

A ticnec, a Jehová xyac' 'el'choc sti ya'jnac cani, a eb' quit chon̈b'ec smasnil 'ayx sjunc'ojlal eb'. Yuj cha, a ticnec meltzjan̈ec, paxn̈ec 'a eyet'l 'a 'aj 'aycn e macl lum ya'jnac can Moisés 'ayx 'a stojlal 'aj tzq'uel c'u 'a sc'axpil 'ec' a Jordán.

Josué 23:1

Niwn xo tiempo scan eb' israel 'a junc'ojlal yuj Jehová yet' eb' 'ajc'ojol, ax yic caw 'ichm winc xo Josué,