Ex 32:5 - Chuj San Sebastian Bible

⁵ A yic xyiln Aarón to wach' 'ix 'aj jun yechl wacx cha, yuj cha, 'ix sb'on jun yet'l xajmb'al 'a yojltac jun yechl cha. Xlajw cha, caw 'ip 'ix 'awj cha'an̈, xyaln 'ixtic: —A q'uic'an tzqui nac sq'uin̈l jun tic, yuj qui'nec chan̈ sb'i Jehová, xchi.

Chuj San Mateo Bible

⁵ Ayic ix yilan jun chi' vin̈aj Aarón chi', ix sb'oanq'ue jun altar vin̈ d'a yichan̈ jun yechel vacax chi', te chaan̈ ix yal vin̈: —A q'uic'an scac'och junoc nivan q'uin̈ d'a yichan̈ Jehová, xchi vin̈.

Ex 32:5 Iomraidhean Croise

A Ch'an̈ B'ab'el Libro Yic Yab'ixal Eb' Rey 21:9

A eb' ch'an̈ carta cha, 'ixtc yaln eb' ch'an̈: Alc 'a eb' 'anma', to tz'och eb' 'a c'ajb'c'ojlal, tzeya'n 'elt win Nabot 'a yojltac eb'.

A Ch'an̈ Schab'il Libro Yic Yab'ixal Eb' Rey 10:20

Yuj cha, 'ix ya'n Jehú alxc 'eli to tzchax sq'uin̈l Baal yuj yijx chan̈ sb'i, 'ixtnta x'aj sb'o'i.

A Ch'an̈ Schab'il Libro Yic Yab'ixal Eb' Rey 16:11

'Ix sb'on chan̈ win Urías chi jun yet'l xajmb'al cha, 'icha wal yaj yechl 'ix ya' cot rey Acaz 'a chon̈b' Damasco; wach' xo yaji yic 'ix paxt win rey chi 'a Damasco cha.

2 Cr 30:5

Yuj cha, 'ix smol aln eb' to tz'at eb' checb' yet' ch'an̈ carta 'a smasnil yol yic Israel, chajto 'at 'a chon̈b' Beerseba masnto 'a chon̈b' Dan. 'Ix 'awtx eb', sec tzjaw eb' 'a Jerusalén yic tznax jun q'uin̈ cha. Yujto a 'a yic yaln̈taxi, man̈ niwnoc eb' tzyam sb'a yic snan eb' jun q'uin̈ cha, 'icha yaj stz'ib'xcani.

Ex 10:9

'Ix ta'w Moisés, xyaln 'ixtic: —Qui masnil 'oj qui 'at on̈. 'Oj 'at eb' 'unn q'uet on̈, eb' 'ichmtac winac, eb' cunnal on̈, eb' 'ix quisl on̈; yet' smasnil qui calnelu, qui wacax, qui chiwo. Smasnil qui cajb'en noc' on̈, 'oj 'at no quet' on̈, yujto caw wal niwquil q'uin̈ 'oj qui b'o ta 'on̈, yic tzqui'n chan̈ sb'i Jehová qui Diosal chi 'on̈, xchi Moisés.

Ex 12:14

A jun c'u cha, niwn cab' yel'ch tz'ajcn 'a e sat, tzeya'ch junc niwquil q'uin̈ yic tzeyi'n chan̈ in b'i an Jehová in tic. Smasnil tiempo tze na cot jun tic, ax snan cot eb' eyunnal b'aq'uin̈. Ley tz'ajcn jun tic 'a e cal 'a smasnil tiempo.

Ex 17:15

'Ix sb'on Moisés jun yet'l xajmb'al, xya'n 'och sb'i: A Jehová in bandera yaji, xchi.

Ex 32:4

Schan 'ec' jun tzo'n̈ q'uen cha, xya'n 'ulb'xoc 'a scal c'ac'. Syamn 'och stenn tojlb'oc, masnto 'ix b'o 'icha yechl junc quelm wacax. Xyiln eb' 'anma cha to xb'o 'el'chi, xyaln eb' 'ixtic: Ex quit israelal, atn jun qui diosalec tic on̈ 'i'nec 'elt 'a Egipto, xchi eb'.

Ex 32:6

Ax 'a yic sacb' 'el 'a junx c'u cha, smasnil eb' 'anma cha, 'ix yac' eb' tz'a no noc' xajmb'aloc. Xya'n pax eb' xajmb'al yic junc'ojlal. Xlajw xoj cha, 'ix laj 'em wocn eb' 'anma chi swa'i, xlaj yu'nc eb' tas tzyuq'uej, axn wal cha, xlaj q'ue b'uynjoc eb' stzalji, xlaj ya'nc eb' chan̈al, xlaj sb'on eb' tas maysch'olnil 'a yojltac sdiosal cha.

Os 8:11

A eb' 'aj chon̈b' Efraín, til wal jun tzo'n̈ yet'l xajmb'al xlaj sb'o eb', yuj yel smul eb' yalni, palta yuj jun tzo'n̈ yet'l xajmb'al cha, tzwach' 'a'n 'och eb' smul.

Os 8:14

A eb' israel cha, til wal jun tzo'n̈ yatut eb' rey xlaj sb'o eb', palta man̈x in nanoc yuj eb', tic pax an in b'ojnac eb'. A eb' 'aj Judá, til wal chon̈b' 'aych smuroal xlaj sb'o eb', palta 'oj wa'ch sc'a'l schon̈b' eb', yet' scuartel eb', xchi Dios.

Lv 23:2

Al jun tzo'n̈ tic 'a eb' et israelal: Atn jun tzo'n̈ q'uin̈ tic to wic an Jehová in, ata tzeyam e b'a yic tzex 'och 'emmquilal 'ayin.

Lv 23:21

A 'a jun c'u cha, yowlal tzeyam e b'a yic tzex 'och 'emmquilal 'ayin, may pax junc mach tztac' smunlji. A jun tic ley tz'ajcn 'a e cal yet' 'a eb' eyin̈tl b'aq'uin̈, yaln̈ej 'aj 'ayx 'eq'ui.

Lv 23:37

(Atn jun tzo'n̈ q'uin̈ tic checl tz'ajcn 'ayx wu'uj, atnta smoj eyoch 'emmquilal 'ayin. A pax ta tzeyac' tz'a e xajmb'al 'a wojltac, tzeyi'n 'el eyofrenda 'a 'ixm sat trigo mto 'ixm cebada, yet' pax yal uva, a tzyal sc'ul 'aj smoj yajxi.

Lv 23:4

Atn pax jun tzo'n̈ q'uin̈ tic to niwn yel'chi yic tzeyi'n chan̈ in b'i, tze yamn e b'a yuj eyoch 'emmquilal 'ayn an Jehová in, atn jun tzo'n̈ c'u alb'ilx wu'uj:

1 Co 5:8

Yuj cha, yowlal tzqui nac cot jun schaml chi 'a smasnil qui c'ojol. To 'ixta', 'icha junc pan may yich, may jac spaltail, 'ixta qui b'eyb'alec. Toto tzqui nac cot jun schaml cha, man̈xtzac stac' qui 'atc 'a scal 'ajmulal, 'a scal maysch'olnilal. Yujto a jun tzo'n̈ cha, lajn 'icha junc yich pan cha.

A Ch'an̈ B'ab'el Libro Samuel 14:35

Xlajw cha, sb'on Saúl jun yet'l xajmb'al 'a Jehová, at 'ijnoc sb'on jun b'ab'l yet'l xajmb'al cha.