Ex 32:4 - Chuj San Sebastian Bible

⁴ Schan 'ec' jun tzo'n̈ q'uen cha, xya'n 'ulb'xoc 'a scal c'ac'. Syamn 'och stenn tojlb'oc, masnto 'ix b'o 'icha yechl junc quelm wacax. Xyiln eb' 'anma cha to xb'o 'el'chi, xyaln eb' 'ixtic: Ex quit israelal, atn jun qui diosalec tic on̈ 'i'nec 'elt 'a Egipto, xchi eb'.

Chuj San Mateo Bible

⁴ Ix schaanec' vin̈, ix yac'an ulax q'uen vin̈ d'a scal te' c'ac', ix yac'anem vin̈ d'a yol jun smoldeal, ix b'o jun yechel jun quelem vacax. Ix ochn̈ej ijan vin̈ svach' b'oan jun yechel vacax chi'. Ix yalan eb' chon̈ab' chi' smasanil: —Ex quetchon̈ab' israel, a jun co diosal tic ix on̈ ic'anelta d'a Egipto, xchi eb'.

Ex 32:4 Iomraidhean Croise

A Ch'an̈ B'ab'el Libro Yic Yab'ixal Eb' Rey 12:28

A yic xlajw spaxtin win rey chi yet' eb' 'aych yajlil yet'oc, 'ix ya'n win b'o yechl chawn̈ quelm wacax, nab'a oro x'aji. 'Ix yaln 'a eb' 'anma 'ixtic: Ex wit israelal caw 'ajltac e 'atn̈j 'a Jerusalén. A ticnec yaj eb' qui diosalec on̈ 'i'nec 'elt 'a Egipto, xchi win 'a eb'.

A Ch'an̈ B'ab'el Libro Yic Yab'ixal Eb' Rey 12:32

Xlajw cha, snan Jeroboam jun q'uin̈ 'a yic olajn̈e yoch swajxquil 'uj yic junjn ab'il, 'icha jun q'uin̈ tz'ec' 'a chon̈b' Judá. 'Ix ya'n q'ue xajmb'al 'a yib'n̈ yet'l xajmb'al. 'Ixta pax sb'o 'a chon̈b' Betel, 'ix yac' xajmb'al 'a jun tzo'n̈ yechl quelm wacx 'ix sb'o'o. An̈jtona si'n pax 'och eb' yit chon̈b' ya'malc 'och sti eb' 'anma chi 'a jun tzo'n̈ yechl scomn diosal cha, sec a eb' tztan̈wni sdiosal eb' chi 'a yatutal 'a lum jolmctac witz cha.

A Ch'an̈ Schab'il Libro Yic Yab'ixal Eb' Rey 10:20

Yuj cha, 'ix ya'n Jehú alxc 'eli to tzchax sq'uin̈l Baal yuj yijx chan̈ sb'i, 'ixtnta x'aj sb'o'i.

A Ch'an̈ Schab'il Libro Yic Yab'ixal Eb' Rey 10:29

Palta ma'ix satl jun 'emmquilal 'ix 'elcn yich yuj Jeroboam yunnal Nabat, atn jun xjucb'tzan eb' yit israelal 'a maysch'olnil, yuj 'emmquilal tz'och 'a jun tzo'n̈ yechl wacx to nab'a oro 'a Bet-el yet' 'a Dan.

2 Cr 11:15

Yujto a Jeroboam cha, xya'ch yopiso jun tzo'n̈ eb' tz'och ya'malc 'och sti eb' 'anma 'a scomn diosal, yic tz'och eb' 'emmquilal 'a jun tzo'n̈ macsej 'a jolmctac witz, yet' 'a eb' demonio, yet' pax 'a jun tzo'n̈ yechl wacx b'ob'il chan̈ yu'uj.

2 Cr 13:8

A ticnec, a 'e nani to 'oj stac' eya'n owl quet' an̈ yin̈tl on̈ David tic on̈, 'ac'b'il jun 'opiso chi yuj Jehová 'a yol qui c'ab' on̈, yujto ax tic caw niwn e b'eyi, eyet' pax jun tzo'n̈ yechl wacx to nab'a oro b'ob'il yuj Jeroboam yic tz'och e diosaloc.

Nehemías 9:18

An̈jtona', a yic 'ix sb'on eb' jun yechl wacx tenb'il b'o'oc, xyaln eb' 'ixtic, atn jun qui diosalec tic on̈ 'i'nec 'elt 'a Egipto, xchi eb'. Caw wal niwquil smul eb' xya'chi, yajb'entac xyutj sb'a eb',

Ex 20:2

An ton Jehová e Diosal in, an ex wij 'elt 'a yol yic Egipto 'a 'ajtil 'ayx 'och mosoal, 'aj man̈ eyico'oc e b'a.

Ex 20:23

Man̈ e b'o junc e diosal to oro mto plata yic tzcob' eyaln e b'a 'a 'a, tzeyaln pax e b'a 'ayin.

Ex 20:4

Man̈ e b'o yechl junc tas e diosaloc: junc tas 'ay 'a satcha'an̈, junc tas 'ay 'a sat lum tic, mto junc tas 'ay 'a yojl eb' a mar.

Ex 28:11

A mach tz'a'n can 'och jun tzo'n̈ b'i chi 'a q'uen q'uen cha, a cab' junc mach yojc sb'on q'uen q'uen wach' yilxi. A tzb'on can 'och jun tzo'n̈ b'i cha, 'icha wal stz'ib'l junc seyo, 'ixta tz'ajcn 'ochi.

Ex 28:9

Tzlajw cha, tze'n cot chab'oc q'uen cotc pachmb'a cornalina, ax 'a eb' q'ue'en, ata tzac' 'och sb'i smasnil eb' yunnal Israel.

Ex 32:1

Ax xyiln eb' israel to tz'inni sjaw Moisés. 'Ix 'ec' tiempo yemx wul 'a sjolm lum witz cha, yuj cha, 'ix 'och oyn eb' 'a Aarón, xyaln eb' 'a 'ixtic: —A ticnec b'i'an, tzqui nib'ej to tza b'o junc qui diosal tzon̈ jucb'tzani, yujto a Moisés win on̈ 'i'nec 'elt 'a Egipto, man̈ cojcoc tas 'ix 'i'ni, xchi eb' 'anma cha.

Ex 32:24

Yuj cha, 'ix waln 'a eb' 'ixtic: A mach 'aj 'ay q'uen oro yet' q'uen yumchiquin, 'ijec cot q'uen 'ayin, xin chi 'a eb'. Xlaj yi'noc cot eb' jun tzo'n̈ chi 'ayin, 'ix wa'n 'ulb'xoc 'a scal c'ac'. Ax x'aji, 'ix 'el-l tza'njoc jun yechl quelm wacx tic, xchi Aarón cha.

Ex 32:3

Smasnil eb' 'anma cha, c'uxn 'ix yij 'el eb' syumchicn cha, xwul ya'nc eb' 'a Aarón.

Ex 32:35

Yuj cha, 'ix ya'n cot Jehová jun niwquil yab'il 'a yib'n̈ eb' israel, yujn̈ej wal to 'ix yac' 'ejm sb'a eb' 'a jun yechl quelm wacx sb'o Aarón.

Ex 32:5

A yic xyiln Aarón to wach' 'ix 'aj jun yechl wacx cha, yuj cha, 'ix sb'on jun yet'l xajmb'al 'a yojltac jun yechl cha. Xlajw cha, caw 'ip 'ix 'awj cha'an̈, xyaln 'ixtic: —A q'uic'an tzqui nac sq'uin̈l jun tic, yuj qui'nec chan̈ sb'i Jehová, xchi.

Ex 32:7

Yuj cha, 'ix yaln Jehová 'a Moisés 'ixtic: A ticnec paxn̈ 'ejm muc'uc, yujto a eb' chon̈b' ejnac 'elt 'a Egipto, caw wal 'ix juw 'el snab'en eb'.

Ex 32:8

Yajn̈j wal cha, 'ix yi'n 'el sb'a eb' 'a tas xwala, sb'on eb' jun yechl quelm wacax; xlaj cob' ya'nc 'ejm sb'a eb', xya'n eb' xajmb'al 'a jun yechl cha, xyaln eb' 'ixtic: Ex q'uit israelal, atn wal qui diosalec tic on̈ 'i'nec 'elt 'a Egipto, xchi cob' eb', xchi Dios 'a Moisés cha.

Is 30:22

'Oj e patquilc can 'el jun tzo'n̈ yechel, man̈x wach'c 'oj 'aj eb' 'a e sat, yet' jun tzo'n̈ e comn diosal b'ob'il eyu'uj, atn jun tzo'n̈ b'ob'il yet' q'uen plata yet' q'uen oro, ax e juln can 'eli, 'icha xoj c'alem 'oj 'ajcn eb' 'a e sat.

Is 46:6

'Ay mach til wal q'uen oro tzyijq'uet 'a yol smucuc, tzyechtan pax q'uen plata 'a yojl junc 'echtab'. Tzlajw cha, tztojn junc win tenm q'ue'en, sec tzb'o win junc sdiosal win cha. A yic tzb'o 'el'chi, tzyamn 'och win ya'n 'ejm sb'a 'a yojltac jun yechl cha, tzleslwi 'och 'a 'a.

Ez 23:8

Atxo yic 'ayc' 'ix 'a Egipto, xya'n 'och sb'a 'ix 'ajmulal, ma'ix yactj can 'ix sb'oni. Yujto cob's 'unn to, xlaj way ewin yet'oc, xlaj syamnc ewin yim, 'ix 'ochcn 'ix 'ajmulal.

Os 10:5

A eb' 'aj Samaria, 'oj 'ib'xoc eb' yuj xiwlal. 'Oj 'oc' eb' yujto 'oj 'ijxoc 'at jun q'uen yechl quelm wacx 'ayc' 'a chon̈b' Bet-avén. Caw wal 'oj cus eb' 'anma chi yuj jun cha, yet' pax eb' ya'mal 'och sti eb' 'anma', yujto a swach'l yilx jun cha, 'oj sat 'ejmi.

Os 13:2

An̈ja sniwtj eya'n 'och e mul. Tzlaj e b'onc q'uen plata e diosaloc, a tzyal tas tznachj eyu'uj, 'ixta tzeyutj e b'on junc yechl cha. Tzlajw cha, tzeyaln 'a eb' 'anma 'ixtic: 'A'c e xajmb'al 'a 'a, xe chi. Tzlaj e tz'ub'n 'elt sti jun yechl wacx cha.

A Tas Sc'ulejnac Eb' Schecab' Jesús Hechos 17:29

Yel ton tzyal eb', yunnaln̈ec Dios. Yuj cha, man̈xtoc tzqui na'a, to Dios jun tzo'n̈ yechl tic b'ob'il yet' q'uen oro, q'uen plata, q'uen q'ue'en. A jun tzo'n̈ yechl tic, yujn̈ej sjelnal 'anma', tzb'o'i.

A Tas Sc'ulejnac Eb' Schecab' Jesús Hechos 7:41

Xlajw cha, 'ix sb'on eb' jun yechl quelm wacax. A jun chi xyalch eb' sdiosaloc. 'Ix smiln pax eb' jun tzo'n̈ no noc'. 'Ix ya'n eb' xajmb'al-l 'a 'a. 'Ix ya'n 'och eb' sq'uin̈ jun yechl chi 'ix sb'o cha.

1 Co 10:7

Yuj cha, matz tac' calnec qui b'a 'a jun tzo'n̈ tzalx 'och diosal, 'icha yutjnac sb'a jun tzo'n̈ eb' 'a scal eb' cha. A Ch'an̈ Un̈ tz'ib'b'il cani, a Ch'an̈ tzaln yuj eb' 'ixtic: 'Ix laj 'em wocn eb' swa'i, 'ix laj yu'nc eb' tas tzyuq'uej. Xlajw cha, 'ix q'ue b'uynjoc eb' sb'on maysch'olnil, xlaj ya'n eb' chan̈al, xchi 'a Ch'an̈.

Dt 9:16

Ax yic in 'emli, 'ix wilni b'ob'ilx jun yechl wacx e diosaloc. Tox 'ix 'och e mul 'a Jehová qui Diosalec. Yajn̈ej xeyi'n 'el e nab'en 'a schecnb'il tzyac' e b'eylb'oc.

Jueces 8:24

Cojn tas tzin c'an 'ayex, comnoc tzeyac' q'uen yumchicn 'ayin yet' q'uen colc'ab' xeyij 'ec' 'a owl cha, xchi 'a eb'. —A jun tzo'n̈ cha, oron̈ej eb', yujto an̈j chi tzya'ch eb' ismaelita cha.

Jueces 8:27

Sb'on Gedeón jun yechl 'a q'uen oro yic tznan 'el junc tas, ax 'a schon̈b' Ofra, ata xcan jun yechl chi yu'uj. Ax smasnil eb' yit chon̈b' cha, 'ix spatquiln can 'el eb' Jehová yuj jun yechl cha, axta xyal sb'a eb' 'a 'a. A jun chi 'ix jun 'el snab'en Gedeón yet' eb' yunnal.